მთავარი » ჯანდაცვა » “ჩემი შვილებიც და ამირან გამყრელიძის შვილიშვილებიც აცრილები არიან ამ ვაქცინებით” – თემურ მიქელაძე იმუნიზაციის პროგრამაზე
ცნობილი პედიატრი თემურ მიქელაძე ამ თემას სოციალურ ქსელში ეხმაურება და აცხადებს, რომ საქართველოს აცრების ეროვნული კალენდარი მსგავსია ევროპის ქვეყნებისა.

“ჩემი შვილებიც და ამირან გამყრელიძის შვილიშვილებიც აცრილები არიან ამ ვაქცინებით” – თემურ მიქელაძე იმუნიზაციის პროგრამაზე

იმუნიზაციის პროგრამით სახელმწიფო აუდიტის დაინტერესებამ მშობელთა აუდიტორია განსაკუთრებით ააღელვა.

ცნობილი პედიატრი თემურ მიქელაძე ამ თემას სოციალურ ქსელში ეხმაურება და აცხადებს, რომ საქართველოს აცრების ეროვნული კალენდარი მსგავსია ევროპის ქვეყნებისა.

“საქართველოში იმუნიზაციის პროგრამის ფარგლებში ვიყენებთ ფრანგული და ბელგიური წარმოების მაღალხარისხიან ვაქცინებს. ვაქცინაცია სავალდებულოა და ხორციელდება მთელი საქართველოს მასშტაბით. ამ ღონისძიებებს პრაქტიკულად ასრულებენ სამშობიარო სახლები,ბავშვთა პოლიკლინიკები და ამბულატორიები. მათ ზედამხედველობას უწევს საქართველოს შრომის, ჯანმრთელობისა და სოციალური დაცვის სამინისტროს დაავადებათა კონტროლისა და საზოგადოებრივი ჯანმრთელობის ეროვნული ცენტრი.(NCDC). ვაქცინაციის მეშვეობით იმუნური ზედამხედველობის ფუნქცია უზრუნველყოფს ორგანიზმის შინაგანი გარემოს მუდმივობის შენარჩუნების დაცვას, რომელიც ზოგადბიოლოგიური კანონის ერთ-ერთი გამოვლინებაა.

ინფექციურ დაავადებათა პრევენციისათვის მსოფლიოს ნებისმიერ ქვეყანაში არსებობს მათთვის დამახასიათებელი პროფილაქტიკური აცრების ეროვნული კალენდარი ,რომელიც მუდმივად გადაიხედება არსებული ეპიდემიური სიტუაციისა და ახალი ვაქცინების დანერგვის გათვალისწინებით. ჩვენი ეროვნული კალენდარი მსგავსია ევროპის ქვეყნების და ზოგიერთ მათგანს უსწრებს კიდეც. დღეს გაკეთდა საკმაოდ უპასუხისმგებლო განცხადება, რომელმაც შესაძლოა ზიანი მიაყენოს ბავშვთა ჯანმრთელობას.

P.S ჩემი შვილებიც და ბ-ნ ამირან გამყრელიძის შვილიშვილებიც აცრილები არიან ამ ვაქცინებით.” – წერს თემურ მიქელაძე

mshoblebi.ge

იხილეთ ასევე

თბილისში 1000 ლარამდე სამედიცინო მომსახურებას გამგეობები, ხოლო 1000 ლარზე მეტს თბილისის მერია დააფინანსებს.

1000 ლარამდე სამედიცინო მომსახურებას გამგეობები, ხოლო უფრო მეტს მერია დააფინანსებს

თბილისში 1000 ლარამდე სამედიცინო მომსახურებას გამგეობები, ხოლო 1000 ლარზე მეტს თბილისის მერია დააფინანსებს. საუბარია სხვადასხვა …