მთავარი » ჯანდაცვა » პარლამენტი » პრემიერმა სერგეენკოს სამედიცინო დაწესებულებების მომსახურების ხარისხის კონტროლი დაავალა
პრემიერმა დავით სერგეენკოს თხოვნით მიმართა, რომ პაციენტებისთვის სერვისის გაუმჯობესების მიზნით, კლინიკების მენეჯმენტთან აქტიურად ითანამშრომლოს.

პრემიერმა სერგეენკოს სამედიცინო დაწესებულებების მომსახურების ხარისხის კონტროლი დაავალა

პრემიერმა ჯანდაცვის მინისტრს დავით სერგეენკოს თხოვნით მიმართა, რომ პაციენტებისთვის სერვისის გაუმჯობესების მიზნით, კლინიკების მენეჯმენტთან აქტიურად ითანამშრომლოს, რათა კლინიკური აუდიტის ფორმით სამედიცინო დაწესებულებებში არსებული მდგომარეობის შესწავლა მოხდეს.

„გასული წლების განმავლობაში ჩვენ უმნიშვნელოვანესი ნაბიჯები გადავდგით, რათა ჩვენი მოქალაქეებისათვის უზრუნველგვეყო ის მომსახურებები, რომლებსაც ისინი დღეს ღებულობენ. ეს იყო უდიდესი შეღავათი და წარმატებული რეფორმა, რომელსაც დღეს არაერთი ქვეყანა სწავლობს ჩვენს მაგალითზე.

დღეს ჩვენ გადავდივართ მეორე ეტაპზე, პრიორიტეტებად უფრო მეტად უნდა გამოვკვეთოთ საჭიროებებზე ორიენტირებული სერვისების განვითარება და ხარისხზე გავაკეთოთ მეტი აქცენტი.

ჯანდაცვის სამინისტროს მომზადებული აქვს მეორე ახალი ეტაპის რეფორმები, რომლის განხორციელებაც საჭიროებს უფრო პროაქტიულ ჩართულობას ჩვენი მოქალქეების მოსახურების ხარისხის გაუმჯობესების მიზნით, ამიტომ მინდა ჯანდაცვის მინისტრს ვთხოვო, რომ აქტიურად იმუშაოთ კლინიკების მენეჯმენტთან, სამედიცინო სფეროს წარმომადგენლებთან, მოახდინოთ კლინიკური აუდიტის ფორმით სამედიცინო დაწესებულებებში არსებული მდგომარეობის შესწავლა, იქნება ეს ინფექციებზე კონტროლი, მკურნალობის თანამედროვე მეთოდები, გართულების თავიდან აცილების ეფექტური საშუალებები, ასევე სამედიცინო მოვლის ხარისხი უნდა გახდეს პრიორიტეტი, რომ ჩვენს მოქალაქეებს შევთვაზოთ კიდევ უფრო მაღალი დონის ხელმისაწვდომი სამედიცინო სერვისი“,- აღნიშნა გიორგი კვირიკაშვილმა.

იხილეთ ასევე

თამბაქოსაგან გამოწვეული დაავადებებით საქართველოში ყოველწლიურად 11,000-მდე ადამიანი იღუპება, მათ შორის 3,000 პასიური მოწევის მსხვერპლია.

თამბაქოსაგან გამოწვეული დაავადებებით საქართველოში ყოველწლიურად 11,000-მდე ადამიანი იღუპება

საქართველოს პარლამენტში „თამბაქოს კონტროლის შესახებ“ კანონპროექტის სასესიო განხილვებს „საქართველოს რესპირაციული ასოციაცია“ განცხადებით ეხმაურება. „საქართველოს რესპირაციული …