მთავარი » ჯანდაცვა » თუ თამბაქოს გაყიდვები შემცირდება, გამიხარდება, რადგან ეს ჯანდაცვის ხარჯებს შეგვიმცირებს
დავით სერგეენკო - თუ თამბაქოს გაყიდვები შემცირდება, გამიხარდება, რადგან ეს ჯანდაცვის ხარჯებს შეგვიმცირებს

თუ თამბაქოს გაყიდვები შემცირდება, გამიხარდება, რადგან ეს ჯანდაცვის ხარჯებს შეგვიმცირებს

თამბაქოს ინდუსტრიას თუ გაყიდვები შეუმცირდება, მე პირადად მხოლოდ გამიხარდება, რადგან ეს ჩვენ ჯანდაცვის ხარჯებს შეგვიმცირებს, – ამის შესახებ შრომის, ჯანმრთელობისა და სოციალური დაცვის მინისტრმა დავით სერგეენკომ ჟურნალისტებს განუცხადა.

აღნიშნულით მინისტრი მწარმოებელი კომპანიების წარმომადგენლების პრეტენზიას გამოეხმაურა, რომლებიც აცხადებენ, რომ თამბაქოზე კონტროლის გამკაცრებით მათ ბიზნესს ზიანი მიადგება.

როგორც სერგეენკომ აღნიშნა, თამბაქოს კონტროლის ღონისძიებები აუცილებლად არის გასატარებელი.

”ასეთი ტიპის ცვლილებები, რაც ახლა იწყება საქართველოში, მთელი მსოფლიოს მასშტაბით, მათ შორის საბჭოთა ქვეყნებშიც, დიდი ხანია დაწყებულია. მათთვის ეს სიახლე არ უნდა იყოს. ის, თუ მათ გაყიდვები შეუმცირდებათ, მე, პირადად, მხოლოდ გამიხარდება, რადგანაც ეს ჩვენ ჯანდაცვის ხარჯებს შეგვიმცირებს, ბევრად მეტი ადამიანი იქნება ჯანმრთელი და იცხოვრებს უფრო ხანგრძლივად”, – განაცხადა დავით სერგეენკომ.

პარლამენტი პირველი მოსმენით დღეს თამბაქოს კონტროლის კანონში ცვლილებების პაკეტს განიხილავს, რომელიც ითვალისწინებს მოწევის სრულ აკრძალვას ყველა ტიპის შენობაში, გარდა საცხოვრებელი სახლისა და საპატიმრო დაწესებულებებისა.

interpressnews.ge

იხილეთ ასევე

2012 წლის შემდეგ საქართველოში ჩატარებული აბორტის შემთხვევები მუდმივი კლების ტენდენციით ხასიათდება.

2012 წლიდან საქართველოში აბორტის კლების ტენდენცია ფიქსირდება

2012 წლის შემდეგ საქართველოში ჩატარებული აბორტის შემთხვევები მუდმივი კლების ტენდენციით ხასიათდება. აბორტის ყველაზე დაბალი მაჩვენებელი …