მთავარი » ფარმაცევტული ბაზარი » ბოლო თვეებში გამოწერილი მედიკამენტების უმეტესობა გენერიკული სახით გაიცა

ბოლო თვეებში გამოწერილი მედიკამენტების უმეტესობა გენერიკული სახით გაიცა

სამედიცინო და ფარმაცევტული საქმიანობის რეგულირების სააგენტომ, ელექტრონული რეცეპტის გარეშე, მე-2 ჯგუფის წამლების გაცემის 939 ფაქტი გამოავლინა, მათ შორის 49 შემთხვევაში ფაქტი დაფიქსირდა განმეორებით. ინფორმაციას ჯანდაცვის სააგენტო ავრცელებს.

უწყების ცნობით, სამართალდარღვევა როგორც ქსელურ, ასევე არაქსელურ აფთიაქებში დაფიქსირდა. გამოვლენილ დარღვევებზე შედგა ადმინისტრაციული სამართალდარღვევის ოქმები და გადაეგზავნა სასამართლოს.

შეგახსენებთ, რომ ჯანდაცვის სამინისტრო, ფარმაცევტული ბაზრის გამჭვირვალობის, მოსახლეობის ხარისხიანი და ხელმისაწვდომი მედიკამენტების უზრუნველყოფის მიზნით ფარმაცევტულ რეფორმას ახორციელებს. ცვლილების მიხედვით მედიკამენტების რეცეპტი მატერიალური სახით (ქაღალდზე), აღარ გამოიწერება და დანიშნულება მხოლოდ ელექტრონული ფორმით გაიცემა. ამასთანავე დაინერგა, წამლის გენერიკული რეცეპტის გაცემის სისტემა.

1 მარტიდან 16 სექტემბრამდე 1,522,640 ელექტრონული რეცეპტი გამოიწერა. 11 აპრილიდან 16 სექტემბრამდე პერიოდში კი გენერიკული სახით გაიცა 956,000 დანიშნულება.

რეგულირების სააგენტო აგრძელებს სამართალდარღვევის ფაქტების გამოვლენას. მედიკამენტების რეცეპტის გარეშე რეალიზაციის კონტროლი, როგორც თბილისის, ასევე რეგიონების მასშტაბით ხორციელდება.

იხილეთ ასევე

„სტომატოლოგიურ კლინიკებს საანესთეზიო საშუალებების დეფიციტი არ ექნებათ“ – რამ გამოიწვია სექტორში პანიკა

GDP-ს ვალდებულების ამოქმედების შემდეგ სტომატოლოგიური მასალების საბითუმო დისტრიბუტორებისთვის საანესთეზიო საშუალებების დისტრიბუციისთვის ახალი სტანდარტის დაკმაყოფილება გახდა …