მთავარი » მსოფლიო » ჩინეთის მთავარი ეპიდემიოლოგი: ჩინურ ვაქცინას არ აქვს დაცვის ძალიან მაღალი დონე

ჩინეთის მთავარი ეპიდემიოლოგი: ჩინურ ვაქცინას არ აქვს დაცვის ძალიან მაღალი დონე

ჩინეთის დაავადებათა კონტროლის ცენტრის ხელმძღვანელმა აღიარა, რომ ამ ქვეყანაში წარმოებული კოვიდ-საწინააღმდეგო ვაქცინების ეფექტიანობა დაბალია, მათი ეფექტის გასაზრდელად ვაქცინების კომბინირების შესაძლებლობა განიხილება. ამის შესახებ ჩინეთის დაავადებათა კონტროლის ცენტრის ხელმძღვანელმა, გაო ფუმ განაცხადა. მისი თქმით, განიხილება დოზების და აცრებს შორის შუალედის შეცვლის საკითხიც.

“ჩინურ ვაქცინას არ გააჩნია დაცვის ძალიან მაღალი დონე,” – განაცხადა გაო ფუმ.

ევრონიუსის ცნობით, პეკინმა უკვე ასობით მილიონი დოზა ვაქცინა გაანაწილა საზღვრებს გარეთ და ცდილობს ეჭვები დათესოს Pfizer-BioNTech-ის ეფექტიანობის მიმართ, რომელიც mRNA-ს ტექნოლოგიით მზადდება. 

euronews.com-ის თანახმად, ბრაზილიაში ჩატარებულმა კლინიკურმა კვლევამ აჩვენა, რომ ჩინური ფარმაცევტული კომპანიის Sinovac-ის ვაქცინა კოვიდის სიმპტომური ინფექციისგან 50.4%-ით იცავს, რაც ახლოსაა 50%-იან ზღვართან, რომლის შემდეგაც ექსპერტები ვაქცინას სასარგებლოდ მიიჩნევენ. Pfizer-BioNTech-ის ვაქცინის ეფექტიანობა 97%-ს აღწევს. 

Sinovac-ის წარმომადგენელმა ლიუ პეიჩენმა განაცხადა, რომ ამ ვაქცინის შემთხვევაში ეფექტიანობის სხვადასხვა დონე გამოვლინდა, რაც შესაძლოა, ადამიანების ასაკს, 
ვირუსების შტამებს და სხვა ფაქტორებს უკავშირდებოდეს. 

კიდევ ერთი ჩინური კომპანიის, Sinopharm-ის ვაქცინების ეფექტიანობა 79.3% და 72.5%-ია.

 Our World In Data-ს მონაცემებით, ჩინეთმა ქვეყნის შიგნით 164,4 მილიონი დოზა ვაქცინა გამოიყენა. საგარეო საქმეთა სამინისტროს ინფორმაციით, ორმა სახელმწიფო მწარმოებელმა, Sinovac-მა და Sinopharm-მა 22 მილიონი დოზის ექსპორტი განახორციელეს. მათ შორისაა ინდონეზია, უნგრეთი, ბრაზილია, თურქეთი და საქართველო.

უნგრეთი არის ევროკავშირის წევრი ერთადერთი წევრი ქვეყანა, რომელმაც ჩინური ვაქცინა დანერგა.

იხილეთ ასევე

უნგრული მედიის ცნობით, ჩინური ვაქცინა მოსახლეობაში მაღალი ნდობით არ სარგებლობს

რა ვითარებაა იმუნიზაციის კუთხით უნგრეთში, სადაც სხვა წარმოების ვაქცინებთან ერთად ჩინური „სინოფარმის“ პრეპარატები აქტიურად გამოიყენება? …