მთავარი » ფარმაცევტული ბაზარი » ჰუმანითი ჯორჯიას შემოსვლა კონკურენციას შეუწყობს ხელს, რაც მედიკამენტებზე ხელმისაწვდომობას გაზრდის
ჰუმანითი ჯორჯიას შემოსვლას დადებითად აფასებენ ფარმაცევტულ ბაზარზე რადგან კონკურენციას შეუწყობს ხელს და მედიკამენტებზე ხელმისაწვდომობას გაზრდის.

ჰუმანითი ჯორჯიას შემოსვლა კონკურენციას შეუწყობს ხელს, რაც მედიკამენტებზე ხელმისაწვდომობას გაზრდის

ჯანდაცვის სამინისტრო, ჯანდაცვის სისტემაში მიმდინარე რეფორმების პარალელურად ფარმაცევტულ ბაზარზე ჯენერიკების სეგმენტის გაფართოებასა და შემოსვლის აუცილებლობას აანონსებს, რამაც მედიკამენტების გაიაფებასა და მასზე ხელმისაწვდომობის გაზრდას უნდა შეუწყოს ხელი.

ფარმა–ბაზარზე შექმნილ ვითარებასთან დაკავშირებით პრემიერ–მინისტრობის კანდიდატ გიორგი კვირიკაშვილთან საპარლამენტო უმცირესობის შეხვედრაზე საკუთარი მოსაზრება გამოთქვა დეპუტატმა გიგი წერეთელმა. მან მედიკამენტების ფასებზე ისაუბრა და აღნიშნა, რომ გაძვირებული ფასების პირობებში შეუძლებელია სოციალურად დაუცველმა მოსახლეობამ მოახერხოს მედიკამენტოზური მკურნალობის ჩატარება;

„ძალიან მნიშვნელოვანია ქართულ ფარმაცევტულ ბაზარზე შექმნილი მდგომარეობა, მალე დარეგულირდეს. მედიკამენტები კატასტროფულად გაძვირებულია, რაც მოსახლეობის უკმაყოფილობას იწვევს. მედიკამენტების გაძვირებამ უკვე რამდენიმე ათეულ პროცენტს მიაღწია. პენსიოენერებისთვის და ასევე იმ ადამიანებისთვის, რომლებიც სახელმწიფო შემწეობაზე არიან დამოკიდებულნი, შეუძლებელია მედიკამენტების შეძენა. ადამიანები მკურნალობასაც ვერ ახერხებენ ამის გამო და ეს პროცესი კიდევ უფრო მეტად ძვირი უჯდება სახელმწიფოს.“

საქათველოს ფარმაცევტულ ბაზარზე სულ მალე ახალი ფარმაცევტული კომპანია „ჰუმანითი ჯორჯია“ შემოვა. როგორც კომპანიის დირექტორის ანდრეი კუზმა აცხადებს, „ჰუმანითი ჯორჯია“ უახლოეს მომავალში ბაზარს მედიკამენტების ფართო სპექტრს შესთავაზებს. კომპანიაში იმასაც აცხადებენ, რომ მათი პრეპარატების პირველი პარტია ხშირი მოხმარების მედიკამენტებით იქნება წარმოდგენილი და საქართველოში უკვე უახლოეს პერიოდში შემოვა.

ახალი ფარმაცევტული კომპანიის შემოსვლას დადებითად აფასებენ სპეციალისტები, მედიკოსები, პოლიტიკოსები და განმარტავენ, რომ ეს ფაქტი ქვეყნის ფარმაცევტულ ბაზარზე კონკურენციას შეუწყობს ხელს და მედიკამენტებზე ხელმისაწვდომობას გაზრდის.

info9.ge

იხილეთ ასევე

მედიკამენტების ფასების ნაწილში NDI-ს კვლევის მეთოდოლოგიის მიმართ შეკითხვები გაჩნდა 

წამლების საფასური მოსახლეობისთვის კიდევ უფრო დიდი გამოწვევა გახდა – ამის შესახებ ეროვნულ-დემოკრატიული ინსტიტუტის (NDI) კვლევაშია აღნიშნული. კითხვაზე …