მთავარი » ფარმაცევტული ბაზარი » ჯანდაცვის მსოფლიო ორგანიზაციის მიერ რეკვალიფიცირებული ჯენერიკი ეფექტური და სანდოა
ჯენერიკების დანიშვნა, რომელსაც არა აქვს ჯანდაცვის მსოფლიო ორგანიზაციის პრეკვალიფიკაცია გვეკრძალება.წამალს უნდა ჰქონდეს გავლილი პრეკვალიფიკაცია.

ჯანდაცვის მსოფლიო ორგანიზაციის მიერ რეკვალიფიცირებული ჯენერიკი ეფექტური და სანდოა

ჯენერიკ მედიკამენტების მსოფლიოში, მათ შორის, საქართველოში გამოყენების პრაქტიკას „ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრის განყოფილების გამგე“, ინფექციონისტი ფატი გაბუნია გამოეხმაურა:

“2004 წლიდან საქართველო შიდსით ავადმყოფებისთვის  ჯენერიკ პრეპარატებს ყიდულობს. საქართველოში,რაც  შიდსის სამკურნალო მედიკამენტი შემოდის, ყველა ჯენერიკია, მაგრამ არის ერთი მოთხოვნა – წამალს უნდა ჰქონდეს გავლილი პრეკვალიფიკაცია ჯანდაცვის მსოფლიო ორგანიზაციის მიერ.

ჯანდაცვის მსოფლიო ორგანიზაციას აქვს სპეციალური საიტი, რომელიც ხელმისაწვდომია ყველა ქვეყნისათვის და ამ საიტზე განთავსებულია ის  ჯენერიკ მედიკამენტები, რომელიც  მათ მიერ პრეკვალიფიცირებულია. ეს იმას ნიშნავს, რომ ისინი ხარისხზე შემოწმებულია და თამამად შეიძლება მათი გამოყენება. ისინი აბსოლუტურად ტოლფასია ბრენდული მედიკამენტების. ამიტომ ნებისმიერი ჯენერიკ პრეპარატი, რომელიც პრეკვალიფიცირებულია ჯანდაცვის მსოფლიო ორგანიზაციის მიერ, სრულიად მისაღებია პირადად ჩემთვის, როგორც ექიმისთვის, რადგან მისი ხარისხი, ეფექტურობა და  სანდოობა უკვე დრომ გამოსცადა.

2004 წლიდან  ხელმისაწვდომი გახდა მთელი მსოფლიოსათვის შიდსის სამკურნალო მედიკამენტები, ეს სწორედ ჯენერიკების დამსახურებაა. ხოლო იმ ჯენერიკების დანიშვნა, რომელსაც არა აქვს ჯანდაცვის მსოფლიო ორგანიზაციის პრეკვალიფიკაცია, ჩვენ გვეკრძალება“.

რაც შეეხება პრეპარატების მიმართ ნდობას მათი მწარმოებელი ქვეყნების მიხედვით, ინფექციონისტი აღნიშნავს, რომ ესეც ინდივუადუალური და ხაზგასმისთ და ცალსახად ლაპარაკი ამ თემაზე არასწორია.

„ეს უფრო ფარმაცევტული სფეროს პრეროგატივაა. თუმცა მე ვიცი, რომ არის კრიტერიუმები,სტანდარტები, რომლის მიხედვით ფასდება ქარხანის კვალიფიკაცია და მედიკამენტიც. მაგალითად, ქარნხანა უნდა აკმაყოფილებდეს ე.წ. „ჯიემპი“ სტანდარტს, ხოლო ყველა მედიკამენტს უნდა ჰქონდეს თავის სერტიფიკატი ე.წ. „იემეი“. თუ მედიკამენტი ამ სტანდარტებს აკმაყოფილებს, არანაირი მნიშვნელობა არ აქვს, სად იქნება ის წარმოებული, ინდოეთსა თუ ევროპაში“,  – განმარტავს  ფატი გაბუნია.

1news.ge

იხილეთ ასევე

„მოდერნას“​ მიერ შექმნილმა „კოვიდ-19“-ის ვაქცინამ მოზარდებში 96-პროცენტიანი ეფექტურობა აჩვენა

„მოდერნას“​ მიერ შექმნილმა „კოვიდ-19“-ის ვაქცინამ მოზარდებში 96-პროცენტიანი ეფექტურობა აჩვენა. ინფორმაციას CNN კომპანიის აღმასრულებელ დირექტორზე, შტეფან …