მთავარი » ასოციაცია » ახალი ამბები » ონკოლოგიურ საავადმყოფოში მასობრივი შემცირება დაიწყო
“ონკოლოგიური საავადმყოფოდან თანამშრომელთა მასობრივი შემცირება დაიწყო“, – ამ სათაურით სტატიას გაზეთი „პრაიმტაიმი“ აქვეყნებს.

ონკოლოგიურ საავადმყოფოში მასობრივი შემცირება დაიწყო

“ონკოლოგიური საავადმყოფოდან თანამშრომელთა მასობრივი შემცირება დაიწყო“, – ამ სათაურით სტატიას გაზეთი „პრაიმტაიმი“ აქვეყნებს.

როგორც გამოცემა წერს, 16 თანამშრომელი რამდენიმე დღის წინ ყოველგვარი ახსნა-განმარტების გარეშე დაითხოვეს.

როგორც გამოცემას გათავისუფლებულმა მედპერსონალმა განუცხადა, განთავისუფლების ბრძანებას ხელს მათ გარეშე საავადმყოფოს ადმინისტრაცია აწერდა. გარდა ამისა, ყოფილი თანამშრომლები აცხადებენ, რომ საავადმყოფოში „გაყინული ხელფასების“ ტრადიცია დაბრუნდა და ქვედა რგოლს ან არასასურველ თანამშრომლებს ჯერ აგვისტოს ხელფასიც კი არ აუღიათ.

ისინი კი ვინც ამ ფაქტს აპროტესტებენ, სამსახურიდან ათავისუფლებენ და ეუბნებიან, რომ ხელშეკრულების ვადა ამოეწურათ. როგორც სტატიაში წერია, ონკოლოგიური საავადმყოფოს გათავისუფლებულ თანამშრომლებს უკვე მზად აქვთ სარჩელები და უფლებების დასაცავად სახალხო დამცველსაც მიმართეს.

„ანაზღაურება მქონდა 200 ლარი, ისიც ხვეწნა-მუდარით. ზოგს აგვისტოს ხელფასიც არ აუღია. ჩვენ ახლა ჩაგვირიცხეს, ვითომ ხმა რომ არ ამოგვეღო. ჩვენ არ ვიმსახურებდით ასე მოქცევას. სიტუაციის გარკვევა ვცადეთ ხელმძღვანელობასთან, მაგრამ არავინ გვიხსნის, რატომ გამოგვყარეს ქუჩაში. 200 ლარი არაფერი არ არის, მაგრამ რაღაცის იმედი მაინც გვქონდა.

ახლა, როდესაც ეს წყაროც მოგვისპეს, ძალიან რთულ სიტუაციაში აღმოვჩნდებით მთელი ოჯახი, რომელსაც სხვა შემოსავალი არც კი ჰქონდა. აუცილებლად ვიბრძოლებთ ჩვენი შელახული უფლებების აღდგენისთვის. თუ საჭირო გახდება ონკოლოგიურთან საპროტესტო აქციებსაც გავმართავთ“,-განაცხადა „პრაიმტაიმთან“ საუბრისას ლალი ლალაზაშვილმა.

kvira.ge

იხილეთ ასევე

პაატა ბურჭულაძე - სახელმწიფო ხალხისთვის ლიდერები ირაკლი ყიფიანი და გიორგი პაპავა პროგრამის ჯანდაცვისა და სოციალური ნაწილის პრეზენტაციას გამართავენ.

ჯანდაცვის პრესკლუბში მოძრაობა სახელმწიფო ხალხისთვის ჯანდაცვის პროგრამის პრეზენტაციას გამართავს

9 აგვისტოს, 1100 საათზე ჯანდაცვის პრესკლუბში პოლიტიკური მოძრაობის „პაატა ბურჭულაძე – სახელმწიფო ხალხისთვის“ ლიდერები ირაკლი …