მთავარი » ფარმაცევტული ბაზარი » სახელმწიფო სპინალური კუნთოვანი ატროფიით დაავადებულებისთვის მედიკამენტის დაფინანსებას არ ჩქარობს – დიმიტრი ხუნდაძის პასუხი

სახელმწიფო სპინალური კუნთოვანი ატროფიით დაავადებულებისთვის მედიკამენტის დაფინანსებას არ ჩქარობს – დიმიტრი ხუნდაძის პასუხი

სპინალური კუნთოვანი ატროფიით დაავადებული 64 ბავშვის მდგომარეობა დღითიდღე უარესდება, ზოგიერთი შემთხვევა კი ფატალურადაც სრულდება.

როგორც ორგანიზაცია “სკა ფაუნდეიშენ საქართველოში” აცხადებენ, სპინალური კურნთოვანი ატროფიის მქონე პაციენტებისთვის სასიცოცხლოდ მნიშვნელოვანი მედიკამენტი უკვე საქართველოშია, მკურნალობა კი, დღემდე მიუწვდომელი. მათი მდგომარეობა დღითიდღე უარესდება, ზოგიერთი შემთხვევა კი ფატალურადაც სრულდება. მათ სახელმწიფოს მხირდან სასწრაფო დახმარება ესაჭიროებათ, სახელმწიფო კი ამ ეტაპზე დუმს.

მსოფლიოში 2016 წლამდე სპინალური კუნთოვანი ატროფიის (სკა) მკურნალობა არ არსებობდა, დღეს დაავადების სამკურნალოდ უკვე 3 მედიკამენტია დარეგისტრირებული და ერთ-ერთი უკვე საქართველოშია. სპინალური კუნთოვანი ატროფიის (სკა) სამკურნალო პირველი მედიკამენტი რომელიც საქართველოში დარეგისტრირდა, არის შვეიცარული ფარმაცევტული კომპანია Roche  წარმოებული სამკურნალო პრეპარატი. ინოვაციური, პერორალურად მისაღები მედიკამენტი სკა-თი დაავადებულთათავის სასიცოცხლოდ მნიშვნელოვანი პრეპარატია, რომელიც საკმაოდ ძვირადღირებულია და რომლის ყიდვასაც საქართველოში მცხოვრები პაციენტები და მათ ოჯახები სახელმწიფოს თანადგომის გარეშე ვერ შეძლებენ.
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ჯანდაცვის პოლიტიკის სამმართველოს უფროსი, ეკა ადამია აცხადებს, რომ „სკა-ს სამკურნალოდ მედიკამენტისთვის შესაბამისი და სათანადო ბიუჯეტია დასამტკიცებელი, ამავე დროს მთელი სამუშაოები გასაწევი“.

სკა-ს მქონე პაციენტებმა და მათმა მშობლებმა ჯანმრთელობის დაცვისა და სოციალურ საკითხთა კომიტეტს დახმარებისთვის, წერილობით უკვე მიმართეს. როგორია მათი პოზიცია და რა პროგრამა შეუძლია შესთავაზოს სახელმწიფომ სპინალური კუნთოვანი ატროფიის მქონე ბავშვების მქონე მშობლებს, რომელთა შვილებისთვის სასიცოცხლოდ საჭირო მედიკამენტი უკვე საქართველოშია და მათი შეძენის სახსრები არ აქვთ? ჯანმრთელობის დაცვისა და სოციალურ საკითხთა კომიტეტის თავმჯდომარე დიმიტრი ხუნდაძე საკმაოდ მცირე განმარტებას იძლევა და გადამწყვეტ სიტყვას ჯანდაცვის სამინისტროს უტოვებს.
„მიმდინარე წლის 24 მაისს ჯანდაცვისა და სოც.საკითხთა კომიტეტში წერილობით მოგვმართა “სკა ფაუნდეიშენ საქართველოს” გამგეობამ, თხოვნით, რომ შეიქმნას სამუშაო ჯგუფი პრობლემის შესასწავლად. კომიტეტი, რა თქმა უნდა, ამისათვის გამოთქვამს მზადყოფნას, მაგრამ საწყის ეტაპზევე მიზანშეწონილად მიგვაჩნია, ჯანდაცვის სამინისტროს მოსაზრება ზემოაღნიშნულ საკითხთან დაკავშირებით, როგორც ვიცი აღნიშნულ უწყებაშიც გაიგზავნა წერილი. ვფიქრობ, საკითხი მნიშვნელოვანია და მის გადაწყვეტას ესაჭიროება დარგობრივი სპეციალისტების ჩართვა და ფინანსური რესურსების სწორი გათვლა,“ – განაცხადა დიმიტრი ხუნდაძემ.

 

იხილეთ ასევე

„სინოვაკის“ ვაქცინის 100 000 დოზა საქართველოში დღეს ჩამოვა

„​სინოვაკის“ 100 00 დოზა, რომელიც არის ჩინეთის მთავრობის დონაცია საქართველოს მიმართ, დღეს ჩამოვა ქვეყანაში, – ამის შესახებ …