მთავარი » ჯანდაცვა » სამედიცინო ტექნოლოგიების გამოფენა ექსპო ჯორჯიაში
სამედიცინო ტექნოლოგიების, სტომატოლოგიის, ფარმაციისა და ოპტიკის მე–15 საერთაშორისო გამოფენა – Caucasus Healthcare 2015 საგამოფენო ცენტრში დღეს გაიხსნა.

სამედიცინო ტექნოლოგიების გამოფენა ექსპო ჯორჯიაში

სამედიცინო აღჭურვილობა და მასალები, ფარმაცია და მედიკამენტები, სტომატოლოგია, სამედიცინო დანადგარები და ტექნოლოგიები, საავადმყოფოები და სამედიცინო დაწესებულებები ამ ყველაფრის ნახვა დღეიდან 7 ნოემბრის ჩათვლით მსურველებს შეუძლიათ საგამოფენო ცენტრში „ექსპო ჯორჯია“.

სამედიცინო ტექნოლოგიების, ლაბორატორიული აღჭურვილობის, სტომატოლოგიის, ფარმაციისა და ოპტიკის მე–15 საერთაშორისო გამოფენა – Caucasus Healthcare 2015 საგამოფენო ცენტრში დღეს გაიხსნა და სამი დღის განმავლობაში დამთვალიერებელს შესთავაზებს 40-მდე კომპანიის პროდუქციას შემდეგი ქვეყნებიდან:

ავსტრია, აშშ, ბელორუსია, გერმანია, თურქეთი, ინდოეთი, პოლონეთი, რუსეთი, საქართველო, სომხეთი, უკრაინა, უნგრეთი, ჩეხეთი და სხვა.

გამოფენას უკვე 15 წლიანი წარმატების ისტორია აქვს, მისი მიზანია შემოიტანოს საქართველოში უახლესი ტექნოლოგიები და საერთაშორისო გამოცდილება, დააკავშიროს ერთმანეთს ქართველი და უცხოური კომპანიები და ხელი შეუწყოს ქვეყანაში დარგის განვითარებას. 

მსურველებს შეუძლიათ ეწვიონ გამოფენას 5–დან 7 ნოემბრის ჩათვლით 11:00–დან 18:00 საათამდე ა. წერეთლის 118, საგამოფენო ცენტრის „ექსპო ჯორჯია“ მე–11 პავილიონში.

interpressnews.ge

იხილეთ ასევე

„ფაიზერის“ ფირმის ვაქცინით იმუნიზაცია საქართველოს 7 კლინიკაში დაიწყება

ჯანდაცვის სამინისტროში, ჯანდაცვის მინისტრის მოადგილე თამარ გაბუნიასა და კლინიკების ხელმძღვანელებს შორის შეხვედრა შედგა. შეხვედრაზე ქვეყანაში კორონავირუსის ვაქცინაციის …