მთავარი » ჯანდაცვა » მოსახლეობის ჯანმრთელობა » საქართველოში კიდევ ერთმა ლტოლვილმა უკრაინელმა ქალმა იმშობიარა

საქართველოში კიდევ ერთმა ლტოლვილმა უკრაინელმა ქალმა იმშობიარა

უკრაინის მოქალაქემ, რომელიც უკრაინაში მიმდინარე საომარი მოქმედებების გამო, საქართველოში იმყოფება, „კლინიკა ბომონდში“ იმშობიარა.

ინფორმაციას თავად კლინიკა ავრცელებს. კლინიკის ინფორმაციით, 25 წლის პაციენტი დონეცკის მკვიდრია. ამბობს, რომ ომის გამო, იძულებული გახდა ქვეყანა დაეტოვებინა, რადგან დონეცკი განუწყვეტლივ იბომბებოდა. მისი მეუღლე უკრაინაში დარჩა და საკუთარი ქვეყნის დასაცავად იბრძვის.

“პირველად გავხდი დედა. მიუხედავად იმისა, რომ უცხო გარემოში ვიყავი, ეს საერთოდ ვერ ვიგრძენი. მადლობა თქვენს თბილ გუნდს, რომლებმაც უცხოობა არ მაგრძნობინეს. მეც და ჩემი ვაჟიც თავს კარგად ვგრძნობთ. ყველაფერმა კარგად ჩაიარა. იმედი მაქვს, ჩვენს სამშობლოში მალე დავბრუნდებით,“-ამბობს ახალგაზრდა ქალი.

პაციენტი მეან-გინეკოლოგმა ნინო რამიშვილმა მიიღო.

რამდენიმე კვირის წინ თბილისში, გაგუას კლინიკაში პირველმა უკრაინელმა ლტოლვილმა ქალმა იმშობიარა.

იხილეთ ასევე

კლინიკა “ახალი სიცოცხლე” რეგიონებში მცხოვრები მოქალაქეებისთვის კიბოს უფასო დიაგნოსტიკურ კვლევებს ჩაატარებს

ქირურგიის ეროვნული ცენტრის კლინიკა “ახალი სიცოცხლე” რეგიონებში მაცხოვრებლებისთვის კიბოს უფასო დიაგნოსტიკურ კვლევებს სთავაზობს. აქციის ფარგლებში …