მთავარი » ჯანდაცვა » Covid19 » საქართველოში კორონავირუსზე 12 წლის ბავშვი აიცრა – პაატა იმნაძის განმარტება

საქართველოში კორონავირუსზე 12 წლის ბავშვი აიცრა – პაატა იმნაძის განმარტება

დაავადებათა კონტროლის ეროვნული ცენტრის დირექტორის მოადგილის პაატა იმნაძის განცხადებით, თუ ჯანმრთელობის მსოფლიო ორგანიზაციის მხრიდან იქნება შესაბამისი გადაწყვეტილება, რომ 12 წლიდან ბავშვები აიცრან, საქართველოც შესაბამისად იმოქმედებს.

როგორც მან საკოორდინაციო საბჭოს დასრულების შემდეგ ბრიფინგზე განმარტა, საქართველოში უკვე იყო ერთი პრეცედენტი, როცა 12 წლის ბავშვი აიცრა, რადგან მას შესაბამისი ჩვენება ჰქონდა.

„ბავშვებთან დაკავშირებით ისევ და ისევ „ფაიზერს“ უწერია თავის ახალ ინსტრუქციაში, რომ 12 წლიდან შესაძლებელია აცრა. ამავე დროს, რამდენიმე ქვეყანამ უკვე მიიღო ეს ოფიციალურად. ჩვენ ველოდებით ჯანმრთელობის მსოფლიო ორგანიზაციის ოფიციალურ გადაწყვეტილებას იმის შესახებ, რომ 12 წლიდან დაშვებული იქნება აცრები. როგორც კი ეს იქნება ჯანმრთელობის მსოფლიო ორგანიზაციიდან, ჩვენთანაც დავწევთ შესაბამის ვაქცინებზე ასაკს. თუმცა, საქართველოში უკვე იყო ერთი პრეცედენტი, როცა 12 წლის ბავშვი აიცრა. ამ ბავშვს სპეციალური ჩვენება ჰქონდა, ამიტომ აიცრა. პერსონალურ ინფორმაციას ვერ გავცემ“,-განაცხადა იმნაძემ.

 

ipn.ge

იხილეთ ასევე

60 გარდაცვლილი 24 საათში – ლეტალობის მაჩვენებელი ერთი კვირის მაქსიმუმზეა

გასული დღე-ღამის განმავლობაში საქართველოში კორონავირუსს 60 პაციენტი ემსხვერპლა. ლეტალობის ასეთი მაღალი მაჩვენებელი ბოლოს 8 სექტემბერს …