მთავარი » ჯანდაცვა » საყოველთაო ჯანდაცვა » სეზონური ვირუსების მიმდინარეობა წელს უჩვეულოდ გაგრძელდა – ამირან გამყრელიძის განმარტება

სეზონური ვირუსების მიმდინარეობა წელს უჩვეულოდ გაგრძელდა – ამირან გამყრელიძის განმარტება

2022 წელს სხვადასხვა სეზონური ვირუსის მიმდინარეობა უჩვეულოდ გაგრძელდა. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საინფორმაციო სააგენტო „ინტერპრესნიუსს“ განუცხადა.

მისი თქმით, ქვეყანაში გრიპის ვირუსის გავრცელება ბევრად სჭარბობს კორონავირუსს.

როგორც მან აღნიშნა, 2008-2009 წლის შემდეგ გრიპის ვირუსის ცირკულაციის სეზონური გახანგრძლივება ქვეყანაში არ გვქონია.

„მოგეხსენებათ, კოვიდპანდემიის პერიოდში რესპირაციული ვირუსების გავრცელების დინამიკამ გარკვეული სახეცვლილება განიცადა. 2020 წელს გრიპი თითქმის არ იყო, ახალმა კორონავირუსმა “დაჩაგრა” გრიპი და ნაკლებად შეაწუხა მოსახლეობა. 2021 წელსაც ეს დინამიკა გაგრძელდა. 2022 წელს კი სახე იცვალა რესპირაციული ვირუსების გავრცელებამ. რესპირაციული ვირუსები, კერძოდ, გრიპის, რინოვირუსი, სინციტიური ვირუსი და სხვა, ყოველი წლის შემოდგომის მეორე ნახევრიდან, გაზაფხულის მარტის ბოლომდე ცირკულირებდნენ. მას შემდეგ, რაც „ომიკრონი“ გამოჩნდა, ისევე იმატა სხვა რესპირაციული ვირუსების დინამიკამ.

დაავადებათა კონტროლის ეროვნული ცენტრი სხვადასხვა მეთოდით აკვირდება რესპირაციული ვირუსის გავრცელებას. თქვენ ნახავთ, რომ 2022 წელს სხვა ვირუსების მიმდინარეობა უჩვეულოდ გაგრძელდა. 2008-2009 წლის შემდეგ გრიპის ცირკულაციის ასეთი სეზონური გახანგრძლივება არ გვქონია. კერძოდ, ცირკულირებს: გრიპი, განსაკუთრებით H3-ის შტამი, რინოვირუსი, სხვა კორონავირუსები და არა ახალი კორონავირუსი, ასევე ე.წ. პარაგრიპები, რესპირაციულ-სინციტიური ვირუსი, ადენოვურსი და სხვა.

ჩვენ მონაცემებს თუ შევხედავთ, ვნახავთ, რომ ახლა გრიპის ვირუსის გავრცელება ბევრად სჭარბობს კორონავირუსის გავრცელებას, უფრო მეტი გრიპის ვირუსი ცირკულირებს, ვიდრე კორონავირუსისომიკრონი“, თუმცა ეს პანიკის საბაბს არ იძლევა“,- აღნიშნავს გამყრელიძე.

 

იხილეთ ასევე

“პრინციპულად მიუღებელია, სახელმწიფო მოქალაქეების და ბიუჯეტის ხარჯზე კლინიკებს ამდიდრებდეს”

ჯანდაცვის მინისტრი კლინიკების მიერ ბოლო პერიოდში გამოთქმულ პრეტენზიებს პასუხობს და მათ ახალ საპასუხო ბრალდებებს უყენებს. …