მთავარი » ჯანდაცვა » სამედიცინო სიახლეები » სკოლის ექიმების ტრენერთა ტრენინგი ჩატარდა
სკოლის ექიმების გადამზადებას და მათი საქმიანობის მონიტორინგს ჯანდაცვის სამინისტრო ახორციელებს. პროექტის ამოქმედება გადაუდებელმა აუცილებლობამ განაპირობა.

სკოლის ექიმების ტრენერთა ტრენინგი ჩატარდა

2014-2015 სასწავლო წლიდან საქართველოს განათლებისა და მეცნიერების სამინისტრომ საჯარო სკოლებში სამედიცინო კაბინეტების აღდგენის პროცესი დაიწყო. 

საქართველოს მასშტაბით უკვე 300-მდე საჯარო სკოლაში ამოქმედდა ექიმის ახალი კაბინეტი, რომელიც აღჭურვილია საჭირო ინვენტარით, მედიკამენტებითა და სხვა საჭირო რესურსებით. ექიმის კაბინეტების მოწყობის პროცესი შეუქცევადია და იგი ახალი წლიდანაც გაგრძელდება.

ზემოაღნიშნულ პროექტზე განათლებისა და ჯანდაცვის სამინისტროები ერთობლივად მუშაობენ. სკოლის ექიმებად საქმდებიან ჯანდაცვის სამინისტროს მიერ შერჩეული პირები, რომლებიც ფლობენ დამოუკიდებელი საექიმო საქმიანობის დამადასტურებელ სახელმწიფო სერტიფიკატს სპეციალობაში – საოჯახო მედიცინა/პედიატრია. სკოლის ექიმების გადამზადებას და მათი საქმიანობის მონიტორინგს ჯანდაცვის სამინისტრო ახორციელებს.

ამ ეტაპზე დაავადებათა კონტროლისა და საზოგადოებრივი ჯანმრთელობის ეროვნული ცენტრისა და გაერო-ს მოსახლეობის ფონდის ორგანიზებით, ლოზანის უნივერსიტეტის უწყვეტი გადამზადების პროგრამის ფარგლებში, სკოლის ექიმების ტრენერთა ტრენინგი ჩატარდა შემდეგ თემებზე – ახალგაზრდებისა და მოზარდების ჯანმრთელობა, ჯანსაღი ცხოვრების წესის დამკვიდრება, დაავადებების პრევენცია, ჰიგიენა და სხვა.

ტრენინგს უძღვებოდნენ მედიცინის დოქტორი, ლოზანის უნივერსიტეტის უწყვეტი განათლების სამსახურთან არსებული EuTEACH-ის კოორდინატორი პიერ-ანდრე მიშო და ქართველი ექსპერტები.

პროექტის ამოქმედება გადაუდებელმა აუცილებლობამ განაპირობა ვინაიდან, წლების განმავლობაში სკოლების უმეტესობა დამოკიდებული იყო მხოლოდ სასწრაფო-სამედიცინო დახმარების მომსახურებაზე და არ იყო ჩართული იმუნიზაციის ხელშემწყობ პროცესებში. არ არსებობდა სკოლის მოსწავლეთა ჯანმრთელობის მდგომარეობის მონაცემთა ბაზა და არ მოქმედებდა რეფერალის განხორციელების ადექვატური მექანიზმი.

სკოლებში ფიქსირდებოდა ეპიდემიოლოგიურად არაკეთილსაიმედო მდგომარეობა და ჰიგიენის საკითხებთან დაკავშირებით, იყო ინფორმირებულობისა და ცოდნის ნაკლებობა, ყველა ეს პრობლემა ახალი პროექტის ფარგლებში გადაიჭრება, მოსწავლეები საჭიროების შემთხვევაში კვალიფიციურ პირველად სამედიცინო დახმარებას სკოლაშივე მიიღებენ.

განათლების სამინისტრო

იხილეთ ასევე

ტელემედიცინა და ანალიზების ჩაბარება “დისტანციურად” – რა ცვლილებები მოიტანა პანდემიამ

კოვიდპანდემიამ, უკიდურესად ნეგატიურ შედეგებთან ერთად, დადებითი ტენდენციების განვითარებას და გააქტიურებასაც შეუწყო ხელი. ერთერთი ყველაზე მნიშვნელოვანი მათ შორის არის ტელემედიცინის განვითარება. საქართველოს …