მთავარი » ჯანდაცვა » სამედიცინო სიახლეები » ვალერი კვარაცხელია ტუბერკულოზის ბავშვთა ახალი განყოფილების მშენებლობას მოინახულებს
ტუბერკულოზის და ფილტვის დაავადებათა ეროვნულ ცენტრში, შრომის, ჯანმრთელობის და სოციალური დაცვის მინისტრის მოადგილე ვალერი კვარაცხელია დღეს ბავშვთა ახალი განყოფილების მშენებლობას მოინახულებს.

ვალერი კვარაცხელია ტუბერკულოზის ბავშვთა ახალი განყოფილების მშენებლობას მოინახულებს

ტუბერკულოზის და ფილტვის დაავადებათა ეროვნულ ცენტრში, შრომის, ჯანმრთელობის და სოციალური დაცვის მინისტრის მოადგილე ვალერი კვარაცხელია დღეს ბავშვთა ახალი განყოფილების მშენებლობას მოინახულებს. 

ჯანდაცვის სამინისტროს ინფორმაციით, ეს იქნება საქართველოში ამ პროფილის ერთადერთი სტაციონარული ტიპის დაწესებულება, სადაც მოხდება სრული მოცულობითი ფთიზიატრიული სერვისის  განხორციელება 0-დან 18 წლამდე ასაკობრივი ჯგუფის პაციენტთა კონტინგენტისათვის.

უწყების განმარტებით, 22 საწოლზე გათვლილი თანამედროვე სტანდარტების შესაბამისი ახალი შენობის მშენებლობა 2016 წლის ზაფხულში უნდა დასრულდეს, რისთვისაც სახელმწიფო ბიუჯეტიდან გამოიყო 1 მილიონ 300 000 ლარი. 

შენობის ასაგებად უკვე გამოყოფილია ტუბერკულოზისა და ფილტვის დაავადებათა ეროვნული ცენტრის მიმდებარედ 5000 კვ.მ, შეთანხმებული და დამტკიცებულია პროექტი და ამჟამად მიმდინარეობს მიწის სამუშაოები.

ამ დროისთვის ტუბერკულოზისა და ფილტვის დაავადებათა ეროვნული ცენტრის ბავშვთა განყოფილება განთავსებულია 60 წლის წინ აშენებულ ავარიულ მდგომარეობაში მყოფ შენობაში, რომელს მატერიალურ-ტექნიკური ბაზა ელემენტარულადაც ვერ აკმაყოფილებს თანამედროვე მოთხოვნებს.

ცენტრის ბავშვთა განყოფილების საწოლთა ფონდი შეადგენს 30-ს, მაგრამ რეალურად მხოლოდ 20 ბავშვის განთავსება არის შესაძლებელი. სათანადო პირობების არარსებობის გამო ის პაციენტებიც კი რომელთა ჰოსპიტალიზაცია აუცილებელია, უარს ამბობენ სტაციონარში მოთავსებაზე, ან თუ თავსდებიან, ზოგადი მდგომარეობის მცირეოდენი გაუმჯობესების შემდეგ, ნაადრევად ეწერებიან ამბულატორიულ მკურნალობაზე.

ჰოსპიტალიზებულ პაციენტთა შორის მინიმალურია სენსიტიური ტუბერკულოზით დაავადებულთა და ტუბერკულოზზე საეჭვო შემთხვევათა ხვედრითი წილი. ვინაიდან ქვეყანაში არსებობს სტაციონარული ფიზიო-პულმონოლოგიური განყოფილების  საჭიროება, ხოლო დღეს არსებული განყოფილების მატერიალურ ტექნიკური ბაზა ამორტიზებულია და რეაბილიტაციას არ ექვემდებარება, მასში ვერ ხერხდება ინფექციის კონტროლის ღონისძიებების განხორციელება და მაღალია ტრანსმისიის რისკი.

იხილეთ ასევე

თოდუას კლინიკა მწეველებს ფილტვის კიბოს უფასო სკრინინგს სთავაზობს  

ფრიდონ თოდუას სამედიცინო ცენტრი ფილტვის კიბოს მომატებული რისკის მქონე მოქალაქეებს უფასო სკრინინგს – კომპიუტერულ ტომოგრაფიას …