"საქართველო შესაძლოა გახდეს მაგალითი, რომელიც სხვა ქვეყნებსაც წაახალისებს" - ჯანმოს წარმომადგენელი C ჰეპატიტის პროგრამაზე

აშშ-ის სურსათისა და მედიკამენტების ადმინისტრაციამ (FDA) პაციენტები და სამედიცინო სფეროს წარმომადგენლები გააფრთხილა, რომ წონის კლებისა და დიაბეტის სამკურნალოდ გამოყენებული ზოგიერთი პოპულარული მედიკამენტის მიღება შესაძლოა თვალის მძიმე დაავადების განვითარების მომატებულ რისკთან იყოს დაკავშირებული. თემაზე Reuters-ი წერს. სააგენტოს თანახმად, FDA მოითხოვს, რომ GLP-1 ჯგუფის პრეპარატების ინსტრუქციებში დაემატოს გაფრთხილება მხედველობის ნერვის იშვიათი, თუმცა პოტენციურად მძიმე დაზიანების შესახებ. საუბარია ისეთ პრეპარატებზე, როგორებიცაა „ოზემპიკი“ (Ozempic), „ვეგოვი“ (Wegovy), „მაუნჯარო“ (Mounjaro) და „ზეპბაუნდი“ (Zepbound).მარეგულირებელი ყურადღებას ამახვილებს დაავადებაზე, რომელსაც არარტერიულ წინა იშემიურ ოპტიკურ ნეიროპათიას (NAION) უწოდებენ.ეს მდგომარეობა მხედველობის ნერვის წინა ნაწილში სისხლის მიმოქცევის შემცირებით არის გამოწვეული და შესაძლოა მხედველობის უეცარი, უმტკივნეულო დაკარგვა გამოიწვიოს. ზოგიერთ შემთხვევაში დაზიანება მუდმივია და პაციენტი მხედველობას ვეღარ იბრუნებს.მიუხედავად იმისა, რომ დაავადების განვითარების ზუსტი მექანიზმი ბოლომდე შესწავლილი არ არის, FDA მიიჩნევს, რომ GLP-1 ჯგუფის მედიკამენტების გამოყენებასთან დაკავშირებული შესაძლო რისკის შესახებ პაციენტებმა და ექიმებმა უნდა იცოდნენ.პრეპარატების მწარმოებელმა კომპანიებმა FDA-ს გადაწყვეტილებას განსხვავებული პოზიციებით უპასუხეს.პრეპარატების „მაუნჯაროსა“ და „ზეპბაუნდის“ მწარმოებელი კომპანია Eli Lilly აცხადებს, რომ მარეგულირებლის გაფრთხილება GLP-1 ჯგუფის ყველა შესაბამის მედიკამენტს ეხება და მხოლოდ მისი კომპანიის პრეპარატებისთვის დამახასიათებელ კონკრეტულ აღმოჩენებს არ ეფუძნება.კომპანიის წარმომადგენლის განცხადებით, Lilly ყურადღებით შეისწავლის განახლებულ მოთხოვნებს და FDA-ს დროულად უპასუხებს.მეორე მხრივ, Novo Nordisk-ის წარმომადგენელი აცხადებს, რომ არსებული მონაცემები არ ადასტურებს მიზეზშედეგობრივ კავშირს მის პრეპარატებსა და აღნიშნულ დაავადებას შორის.კომპანია კვლავ დარწმუნებულია, რომ მისი GLP-1 მედიკამენტების სარგებელსა და შესაძლო რისკებს შორის თანაფარდობა დადებითია.FDA-მ განმარტა, რომ გადაწყვეტილების მიღებამდე შეისწავლა სხვადასხვა ტიპის მონაცემები, მათ შორის კლინიკური კვლევების შედეგები, ცხოველებზე ჩატარებული კვლევები, მედიკამენტების ბაზარზე გამოსვლის შემდეგ გამოვლენილი გვერდითი მოვლენები, დაკვირვებითი კვლევები და ცალკეული კლინიკური შემთხვევების აღწერილობები.ეს პირველი შემთხვევა არ არის, როდესაც საუბარია GLP-1 ჯგუფის პრეპარატებსა და მხედველობის ნერვის დაზიანების შესაძლო რისკზე.გასულ წელს ევროპის მედიკამენტების სააგენტოს (EMA) უსაფრთხოების კომიტეტმა განაცხადა, რომ სემაგლუტიდის, რომელიც „ოზემპიკისა“ და „ვეგოვის“ მოქმედი ნივთიერებაა, სულ მცირე ერთი წლის განმავლობაში მომხმარებელთა დაახლოებით 10 000-დან ერთ ადამიანს შესაძლოა NAION განუვითარდეს.2025 წელს გამოქვეყნებულმა მასშტაბურმა კვლევამ თითქმის 175 000 პაციენტი შეისწავლა, რომლებიც დიაბეტის გამო სემაგლუტიდით მკურნალობდნენ. მათ შედეგები შეადარეს კიდევ დაახლოებით 175 000 პაციენტის მონაცემებს, რომლებიც GLP-1 ჯგუფში არ შემავალი მედიკამენტებით მკურნალობდნენ.კვლევის თანახმად, GLP-1 პრეპარატებით მკურნალობის დაწყებიდან ორი წლის შემდეგ NAION-ის განვითარების რისკი ორჯერ მეტად გაიზარდა იმ პაციენტებთან შედარებით, რომლებიც დიაბეტის სხვა ჯგუფის მედიკამენტებს იღებდნენ.გარდა ამისა, გასულ წელს დანიაში ოთხმა პაციენტმა, რომლებსაც Novo Nordisk-ის GLP-1 ჯგუფის პრეპარატების გამოყენების შემდეგ მხედველობა დაკარგეს, დანიის პაციენტთა კომპენსაციის სისტემის გადაწყვეტილებით კომპენსაცია მიიღო.Citi-ის ანალიტიკოსის, ჯეფ მიჩემის შეფასებით, FDA-ს გადაწყვეტილებამ შესაძლოა დროებით გაზარდოს როგორც პაციენტების, ისე ინვესტორების შეშფოთება.თუმცა, მისი აზრით, NAION-ის იშვიათი შემთხვევები და GLP-1 ჯგუფის პრეპარატების მნიშვნელოვანი სარგებელი, მათ შორის წონის შემცირება, სისხლში შაქრის დონის კონტროლი, გულ-სისხლძარღვთა და თირკმლის ჯანმრთელობის გაუმჯობესება და ძილის აპნოეს მკურნალობაში მიღებული შედეგები, ამ მედიკამენტების სარგებელსა და რისკებს შორის დადებით ბალანსს შეინარჩუნებს.მისივე შეფასებით, FDA-ს ახალი მოთხოვნა მედიკამენტების დანიშვნის პრაქტიკაზე მნიშვნელოვან გავლენას, სავარაუდოდ, არ მოახდენს.

Erborian კორეული წარმოშობის პრემიუმ კლასის კანის მოვლის ბრენდია, რომელიც დღეს მსოფლიოს 53 ქვეყანაშია წარმოდგენილი. დღეიდან Erborian-ის პროდუქცია მისი ექსკლუზიური და ოფიციალური პარტნიორის - PSP-ს სააფთიაქო ქსელში უკვე ქართველი მომხმარებლისთვისაც ხელმისაწვდომია.2007 წელს შექმნილი ბრენდს საფუძლად დაედო კორეული სილამაზის ცოდნისა და თანამედროვე ტექნოლოგიების შერწყმა. თუმცა Erborian მუდმივად ავითარებს ახალ მიდგომებს კანის მოვლისადმი, მიკრონემსებით შთაგონებულიტექნოლოგიებიდან ინოვაციურ დამატენიანებელ ფორმულებამდე მთავარი იდეის გარშემო - გახადოს კანის მოვლა კიდევ უფრო ეფექტური, თანამედროვე და სასიამოვნო.Erborian-ის საერთაშორისო წარმატებას საკულტო BB და CC კრემებმა ჩაუყარა საფუძველი. პროდუქტებმა, რომლებიც კანის მოვლასა და მაკიაჟის ფუნქციებს აერთიანებს, ბრენდს მსოფლიო აღიარება მოუტანა. თუმცა Erborian-ის განვითარება ამ პროდუქტებით არ შეჩერებულა და მუდმივად ავითარებს ახალ ფორმულებს.ბრენდის ფილოსოფიაში განსაკუთრებული ადგილი კორეულ ინგრედიენტებს უჭირავს. ბუნებრივი აქტიური კომპონენტები - ჟენშენი, ცენტელა, ბამბუკი, იუზუ და კორეული თოვლის სოკო Erborian-ის ფორმულებში თანამედროვე ტექნოლოგიებთან ერთად მუშაობს. Erborian-ის ხელწერა სწორედ ამ სინთეზშია — კორეული ინგრედიენტები, ფრანგული დახვეწილობა და მუდმივი სწრაფვა ინოვაციისკენ. „PSP საქართველოში მომხმარებელს კორეული კოსმეტიკური ბრენდების პირველი დისტრიბუტორია. 2018 წელს პირველი კორეული ბრენდი -Mizon სწორედ PSP-მ გააცნო ქართველს მომხმარებელს. დღეს PSP 10-ზე მეტი K-Beauty-ს ბრენდის ექსკლუზიური და ოფიციალური პარტნიორია და Mizon, Missha, A'pieu,Village 11, Dermafirm, Manyo, Round Lab, COSRX და Erborian-ის ყველაზე ფართო ასორტიმენტს სთავაზობს.PSP, როგორც საქართველოს ფარმაციის ლიდერი ბრენდი, ქართულ საზოგადოებას თანამედროვე K-Beauty-ის ტოპ ახალ ბრენდებს აცნობს. დღეიდან მომხმარებელს უკვე შეუძლია აღმოაჩინოს Erborian და შეარჩიოს სასურველი პროდუქტი“ - აცხადებენ PSP-ში.Erborian არის ბრენდი, რომელიც ორგანულად აერთიანებს კორეულ ცოდნას, ფრანგულ დახვეწილობას, თანამედროვე ტექნოლოგიებს და აზრიარებს აღმოსავლეთის თავის მოვლის ფილოსოფიას მთელ მსოფლიოში და ახლა უკვე საქართველოშიც.

წონის კლების პრეპარატის Wegovy-ს აბების კვარტალური გაყიდვების ზრდამ ანალიტიკოსების მოლოდინს გადააჭარბა. ეს მწარმოებელ კომპანიას, დანიურ Novo Nordisk-ს ეხმარება, დაიბრუნოს პოზიციები, რომლებიც ბოლო წლებში ამერიკელ კონკურენტ Eli Lilly-სთან ბრძოლაში დაკარგა.ამის შესახებ სტატიას Reuters-ი ავრცელებს.სააგენტო წერს, რომ Novo Nordisk-ი, რომელმაც ბოლო წლებში გაყიდვებისა და აქციების ფასის შემცირების შემდეგ სიმსუქნის საწინააღმდეგო პრეპარატების ბაზარზე პოზიციების აღდგენა დაიწყო.კომპანიის განცხადებით, მესამე კვარტალში შედეგების გაუმჯობესება განპირობებული იყო გაყიდვების მოცულობის ზრდით, განსაკუთრებით სიმსუქნის საწინააღმდეგო მედიკამენტების მიმართულებით, როგორც აშშ-ში, ისე საერთაშორისო ბაზრებზე.ახალი პროგნოზი საერთაშორისო ბაზრებზე გაყიდვების ზრდას, ხოლო აშშ-ში შემცირებას ითვალისწინებს.კომპანიის აღმასრულებელმა დირექტორმა მაიკ დუსტდარმა ინტერვიუში განაცხადა, რომ Novo-მ კონკურენტ Lilly-ს მიერ საკუთარი ტაბლეტის გამოშვების შემდეგ პოზიციების შენარჩუნება შეძლო.მისი თქმით, კომპანია კონკურენციას წარმატებით უძლებს, თუმცა Lilly ცდილობს ვითარების შეცვლას და Novo Nordisk-ი ყურადღებით აკვირდება მის მოქმედებებს.ოთხშაბათს ვაჭრობის დაწყებისას Novo Nordisk-ის აქციების ფასი 6.6%-ით გაიზარდა, მოგვიანებით კი ზრდამ 1.9% შეადგინა.2021 წელს Wegovy-ს გამოშვების შემდეგ Novo Nordisk-ის აქციებზე მოთხოვნა მკვეთრად გაიზარდა. 2023 წელს კომპანია ევროპის ყველაზე ძვირადღირებული საჯარო კომპანია გახდა, რომლის საბაზრო კაპიტალიზაციამ მოგვიანებით 600 მილიარდ დოლარსაც გადააჭარბა.თუმცა მას შემდეგ კომპანიის აქციების ფასი მაქსიმალური ნიშნულიდან 70%-ზე მეტით დაეცა, მაშინ როდესაც Eli Lilly-ს აქციები მნიშვნელოვნად გაძვირდა.Eli Lilly-მაც გასულ კვირას გაზარდა საკუთარი ფინანსური პროგნოზი მას შემდეგ, რაც მოგების მაჩვენებლით ანალიტიკოსების მოლოდინს გადააჭარბა. ამის მთავარი მიზეზი წონის დასაკლებად განკუთვნილ საინექციო პრეპარატებზე მზარდი მოთხოვნა იყო.საინვესტიციო ფონდის Union Investment-ის პორტფელის მმართველის, მარკუს მანისის შეფასებით, Novo Nordisk-ის შედეგები აჩვენებს, რომ ახალმა აღმასრულებელმა დირექტორმა კომპანიის სტაბილიზაცია შეძლო.თუმცა, მისი აზრით, სიმსუქნის საწინააღმდეგო მედიკამენტების ბაზარზე კონკურენცია კიდევ უფრო გამწვავდება.აშშ-ში იანვარში გამოშვებულმა პრეპარატმა მესამე კვარტალში 5.39 მილიარდი დანიური კრონის (დაახლოებით 810 მილიონი დოლარი) შემოსავალი მოიტანა.ეს მეორე კვარტალთან შედარებით 53%-იანი ზრდაა და მნიშვნელოვნად აღემატება ანალიტიკოსების მიერ ნავარაუდევ 4.62 მილიარდ კრონს.Novo Nordisk-ის აქციონერის, ლარს ჰიტინგის განცხადებით, საინექციო პრეპარატების ბაზარზე Eli Lilly აშკარა ლიდერია, თუმცა ტაბლეტების მიმართულებით უპირატესობა Novo Nordisk-ს აქვს.კომპანიამ ბოლო ორი წლის განმავლობაში მნიშვნელოვანი სირთულეები გადაიტანა, მათ შორის მოგების პროგნოზის შემცირება და ხელმძღვანელობის ცვლილება.Wegovy-ს ტაბლეტები ამჟამად უკვე რვა ბაზარზე იყიდება.