იტალიურ ფარმაცევტულ კომპანია „იტალფარმაკოში“ აცხადებენ, რომ საქართველოს ჯანდაცვის სამინისტროსთან მიაღწიეს შეთანხმებას პრეპარატ „ჯივინოსტატის“ საქართველოში შემოტანაზე, რომელიც დიუშენის კუნთოვანი დისტროფიის მქონე პაციენტების სამკურნალოდ გამოიყენება.„იტალფარმაკოს“ განცხადებით, ევროკომისიის მიერ 2025 წლის ივნისში მიღებული დებულების საფუძველზე, „ჯივინოსტატი“ საქართველოში ხელმისაწვდომი გახდება ექვსი წლის და უფროსი ასაკის იმ პაციენტებისთვის, რომლებსაც მკურნალობის დაწყების მომენტში დამოუკიდებლად სიარულის შესაძლებლობა აქვთ შენარჩუნებული, კორტიკოსტეროიდებთან ერთად მიღებისას.კომპანია „იტალფარმაკოს“ განცხადებაში აღნიშნულია, რომ შეთანხმება მიზნად ისახავს, საქართველოში დიუშენის კუნთოვანი დისტროფიის მქონე პაციენტებს ახალი პრეპარატის მიღების საშუალება მიეცეს და აჩვენებს, რომ ჯანდაცვის სამინისტრო განაგრძობს ზრუნვას დაავადებების მკურნალობისთვის ხელმისაწვდომობის უზრუნველყოფაზე.„იტალფარმაკო“ მადლობას უხდის საქართველოს ჯანდაცვის სამინისტროს, რომელმაც პაციენტებისთვის პრაქტიკული გამოსავალი მოძებნა და დიუშენის საზოგადოების მხარდაჭერას პარტნიორობის ფარგლებში გააგრძელებს.ამასთან, ფარმაცევტულ კომპანიში განმარტავენ, რომ სამინისტროსთან ერთად განაგრძობს მუშაობას, რათა პრეპარატის დანერგვისთვის მზაობა და დიუშენის კუნთოვანი დისტროფიის მქონე პაციენტების მოვლა ქვეყნის მასშტაბით გააუმჯობესოს.როგორც „იტალფარმაკო ჯგუფის“ აღმასრულებელმა დირექტორმა, ფრანჩესკო დი მარკომ განაცხადა, „ეს მიღწევა ასახავს საქართველოს ჯანდაცვის სამინისტროს მტკიცე ვალდებულებას, გააუმჯობესოს იშვიათი დაავადებების მქონე ადამიანების მოვლა, ასევე ჯანდაცვის სფეროს დაინტერესებული მხარეების, დიუშენის საზოგადოებისა და „იტალფარმაკოს“ კონსტრუქციულ თანამშრომლობას ამ პროცესში“.როგორც კომპანიის განცხადებაშია ნათქვამი, ევროკომისიის მიერ პრეპარატის აღიარება ეფუძნება მასშტაბურ კლინიკურ კვლევას, რომელშიც მონაწილეები შემთხვევითობის პრინციპით გადანაწილდნენ ორ ჯგუფად და არცერთმა მხარემ (არც ექიმებმა, არც პაციენტებმა) არ იცოდა, ვინ იღებდა რეალურ პრეპარატს და ვინ – პლაცებოს (სამკურნალო თვისების არმქონე ნივთიერებას). კვლევაში მონაწილეობდა ექვსი წლის და უფროსი ასაკის 179 ბიჭი, რომლებსაც სიარულის უნარი ჯერ კიდევ ჰქონდათ შენარჩუნებული. მათ, სტანდარტულ მკურნალობასთან (კორტიკოსტეროიდებთან) ერთად, დღეში ორჯერ ან „ჯივინოსტატი“ მისცეს, ან პლაცებო.„კვლევამ დაადასტურა, რომ „ჯივინოსტატის“ მიმღებმა ბიჭებმა ოთხსაფეხურიან კიბეზე ასვლის ტესტს პლაცებოს ჯგუფთან შედარებით მნიშვნელოვნად უკეთ გაართვეს თავი. დადებითი შედეგები დაფიქსირდა სხვა მაჩვენებლებზეც – მოძრაობის უნარის შეფასებაზე. კერძოდ, „ჯივინოსტატით“ მკურნალობის შემთხვევაში მოძრაობის უნარის დაქვეითება 40%-ით ნაკლები იყო, ვიდრე პლაცებოს ჯგუფში. ეს კი მიუთითებს, რომ პრეპარატს, შესაძლოა, დაავადების პროგრესირების შენელება შეეძლოს. კვლევის შედეგები 2024 წლის მარტში სამეცნიერო ჟურნალ The Lancet Neurology-ში გამოქვეყნდა“, – ნათქვამია „იტალფარმაკოს“ განცხადებაში.ცნობისთვის, 1938 წელს მილანში დაარსებული „იტალფარმაკო“ კერძო გლობალური ფარმაცევტული კომპანიაა, რომელიც 90-ზე მეტ ქვეყანაში ოპერირებს ისეთ სფეროებში, როგორებიცაა იმუნოონკოლოგია, გინეკოლოგია, ნევროლოგია, გულ-სისხლძარღვთა დაავადებები და იშვიათი დაავადებები.1tv.ge
ჯანდაცვის სამინისტრო დიუშენის კუნთოვანი დისტროფიის (DMD) მქონე პაციენტებისთვის ინოვაციურ მედიკამენტ ჯივინოსტატს შეიძენს - ამის შესახებ ჯანდაცვის მინისტრმა განაცხადა. მედიკამენტის მწარმოებელ კომპანია იტალფარმაკოსთან ხელშეკრულება უკვე გაფორმებულია. სამინისტრომ პრეპარატი მართული შესვლის შეთანხმების (MEA) მექანიზმით შეიძინა და მისი მოწოდება საქართველოში უახლოეს პერიოდში დაიწყება. საქართველო ერთ-ერთი პირველი ქვეყანაა, რომელიც შეიძენს ამ მედიკამენტს და შეიტანს მას დაავადების მართვის სახელმწიფო პროგრამაში. მედიკამენტი განკუთვნილია გადაადგილების უნარის მქონე დიუშენის კუნთოვანი დისტროფიის პაციენტებისთვის 6 წლის ასაკიდან. ერთ-ერთი ყველაზე მეტად მოთხოვნადი მედიკამენტია, რომლის თაობაზეც დასაწყისიდანვე სამინისტრო ყველაზე მეტად იმედიანად იყო განწყობილი, როგორც ეს არაერთხელ აღინიშნა. ჯანდაცვის სამინისტრომ კომპანია იტალფარმაკოსთან მოლაპარაკებები ინტენსიურ რეჟიმში წარმართა და შეთანხმებას მოკლე ვადაში მიაღწია.სამინისტროს განცხადებით, ის აფასებს კომპანია იტალფარმაკოს ოპერატიულობასა და თანამშრომლობის მაღალ ხარისხს, რამაც შეთანხმების დროულად გაფორმება შესაძლებელი გახადა. „იტალფარმაკოს“ აღმასრულებელი დირექტორის განცხადებით, სამინისტროსთან მჭიდრო თანამშრომლობამ და პრეპარატის ხელმისაწვდომობის უზრუნველყოფის მიმართ გამოჩენილმა მზაობამ დაადასტურა, რომ პაციენტების, სახელმწიფოსა და ინდუსტრიის ერთობლივი ძალისხმევა მნიშვნელოვანი შედეგების მიღწევას უწყობს ხელს. ჯანდაცვის სამინისტრო აქტიურად მუშაობს იშვიათი ნერვ-კუნთოვანი დაავადებების მქონე პაციენტებისთვის სახელმწიფო მხარდაჭერის გაძლიერებაზე. დიუშენის კუნთოვანი დისტროფიის მქონე პირებისთვის გაფართოებულია სამედიცინო მომსახურების პაკეტი, რომელიც მოიცავს მულტიდისციპლინურ მეთვალყურეობას, სპეციალისტების კონსულტაციებს, დაავადების მართვისთვის აუცილებელ კლინიკურ-ლაბორატორიულ და ინსტრუმენტულ კვლევებს და სხვა საჭირო სერვისებს.„იტალფარმაკო ჯგუფის“ აღმასრულებელი დირექტორის ფრანჩესკო დი მარკოს განცხადებით, გასული კვირის განმავლობაში საქართველოს ჯანდაცვის სამინისტროსთან ძალიან მჭიდროდ თანამშრომლობდნენ, რათა მოძიებულიყო გზა, რომელიც დიუშენის კუნთოვანი დისტროფიის მქონე პაციენტებისთვის საქართველოში ჯივინოსტატის ხელმისაწვდომობას უზრუნველყოფდა. „განსაკუთრებული შთაბეჭდილება მოახდინა სამინისტროს ერთგულებამ და მტკიცე სურვილმა, რომ ჯივინოსტატი საქართველოს პაციენტებისთვის ხელმისაწვდომი გახდეს. ეს შეთანხმება პარტნიორობის ძალას ნათლად აჩვენებს. როდესაც პაციენტები, სახელმწიფო და ინდუსტრია ერთიანდებიან, შეუძლებელი არაფერია და სწორედ პაციენტი ხდება ყველა ძალისხმევის მთავარი ცენტრი. ამ თანამშრომლობით ნამდვილად ვამაყობ და საქართველოს მთავრობასთან და პაციენტთა საზოგადოებასთან ერთად მუშაობას გავაგრძელებთ, რათა ეს შესაძლებლობა ყველა პაციენტამდე მივიდეს,“ - განაცხადა კომპანიის წარმომადგენელმა.
ჯანდაცვის მინისტრი მიხეილ სარჯველაძე შვეიცარიული ფარმაცევტული კომპანია Roche-ს ფარმაცევტული მიმართულების აღმასრულებელ დირექტორს, ტერეზა გრეჰემს შეხვდა.შეხვედრაზე მხარეებმა საქართველოსა და Roche-ს შორის არსებული თანამშრომლობის საკითხები განიხილეს. საუბარი შეეხო ჯანდაცვის სფეროში მიმდინარე და სამომავლო თანამშრომლობის მიმართულებებს. ყურადღებადაეთმო ონკოლოგიური დაავადებების სამკურნალო მედიკამენტების მიმართულებით თანამშრომლობის შესაძლებლობებს.საუბარი ასევე შეეხო პრეპარატ ელევიდისს, რომელიც დიუშენის კუნთოვანი დისტროფიის სამკურნალოდ გამოიყენება.შეხვედრას ესწრებოდნენ ჯანდაცვის სამინისტროს სტრატეგიული განვითარებისა და ანალიტიკის დეპარტამენტის უფროსი ლელა სულაბერიძე, Roche-ს საერთაშორისო დეპარტამენტის ხელმძღვანელი მაიკლ ობერრაიტერიდა Roche Georgia-ს კავკასიის ქვეყნების მიმართულების ხელმძღვანელი მაკა ასათიანი.
აფთიაქში ადამიანები სხვადასხვა მიზეზით შედიან. ზოგს კონკრეტული მედიკამენტი სჭირდება, ზოგს ექიმის დანიშნულების დაზუსტება, ზოგს კი უბრალოდ სურს, მოუსმინონ და არჩევანის გაკეთებაში დაეხმარონ. ეს შეხვედრა, რომელიც რამდენიმე წუთს გრძელდება, იმდენად ხანმოკლეა, რომ იშვიათად გვაფიქრებს, რა დგას მის უკან.სინამდვილეში, იმ რამდენიმე წუთს წინ უძღვის პროცესი, რომელიც მომხმარებლისთვის თითქმის უხილავია - ხუთწლიანი უმაღლესი განათლების მიუხედავად, ცოდნის მუდმივი განახლებაა აუცილებელი; რადგან ფარმაცევტის პროფესია დღეს აღარ არის ისეთი, როგორიც თუნდაც ოცი წლის წინ იყო.ერთ დროს პროფესიის მთავარი ამოცანა მედიკამენტების შემადგენლობის, მოქმედების და შენახვის პირობების ცოდნა იყო. დღეს ამას კიდევ ბევრი რამ დაემატა: მტკიცებულებებზე დაფუძნებული ინფორმაციის გააზრება, ასობით ახალი პროდუქტის ცოდნა, სხვადასხვა კატეგორიის პროდუქტების ერთმანეთისგან გარჩევა, მომხმარებლის საჭიროებების შეფასება, სწორი კომუნიკაცია, პასუხისმგებლობა. ფარმაცევტი სულ უფრო ხშირად იქცევა იმ ადამიანად, ვისთანაც პაციენტს ჯანდაცვის სისტემაში პირველი შეხება აქვს.ეს ცვლილება მხოლოდ საქართველოს არ ეხება. მსოფლიოს ბევრ ქვეყანაში ფარმაცევტული პრაქტიკა ბოლო ორი ათწლეულის განმავლობაში მნიშვნელოვნად გაფართოვდა. პარალელურად, უწყვეტი პროფესიული განათლება პროფესიის განუყოფელ ნაწილად იქცა. ახალი კვლევები, განახლებული რეკომენდაციები, ინოვაციური პროდუქტები, ყველაფერი იმდენად სწრაფად იცვლება, რომ უნივერსიტეტში მიღებული ცოდნა პროფესიული ცხოვრების მხოლოდ საწყის ეტაპად მიიჩნევა.ეს ტრანსფორმაცია, შესაძლოა, ნაკლებად თვალსაჩინოა, თუმცა ყოველდღიურ პრაქტიკაში კარგად იგრძნობა. საქართველოში ფარმაცევტული სექტორის თანამედროვე განვითარებას საფუძველი გასული საუკუნის 90-იან წლებში სამმა კომპანიამ, მათ შორის PSP-მ, ჩაუყარა. მთავარი გამოწვევა მედიკამენტების ფიზიკურ ხელმისაწვდომობასთან ერთად თანამედროვე მედიკამენტებისა და მედიცინის სიახლეების დანერგვა იყო. ამ პროცესში გადამწყვეტი როლი ფარმაცევტების ცოდნის უწყვეტმა განვითარებამ ითამაშა.PSP-მ 1994 წელს ევროპული გარანტირებული ხარისხის მედიკამენტების იმპორტი დაიწყო, მოგვიანებით სააფთიაქო ქსელის შექმნა. გაფართოვების პარალელურად საჭირო გახდა თანამშრომლების მუდმივ პროფესიულ განვითარებასა და სასწავლო სისტემების შექმნაზე ზრუნვა.2003 წელს კომპანიაში ჩამოყალიბდა იდეა, რომ სწავლა დასაქმებასთან ერთად არ უნდა დასრულებულიყო. ასე შეიქმნა PSP აკადემია, რომელიც დროთა განმავლობაში ტრენინგების სივრციდან უწყვეტი პროფესიული განვითარების სისტემად ჩამოყალიბდა.დღეს აკადემიაში 12 სასწავლო პროგრამა მოქმედებს. ზოგიერთი მათგანი 100 საათზე მეტს მოიცავს. სიახლეების გაცნობის მიზნით კი, ყოველ კვარტალში, სხვადასხვა მიმართულებით დაახლოებით 5000 მონაწილე გადის სწავლებას. პროგრამები აერთიანებს ფარმაცევტებს, სილამაზის კონსულტანტებსა და მენეჯერებს, ყველას, ვინც ყოველდღიურად მომხმარებელთან ურთიერთობს.ცოდნის განახლება მხოლოდ შიდა გამოცდილებით აღარ შემოიფარგლება. აკადემიამ მიმდინარე წლის განმავლობაში 30-მდე საერთაშორისო ტრენერს უმასპინძლა. მათი ტრენინგები მხოლოდ ფარმაცევტულ და სამედიცინო თემებს არ მოიცავდა. განხილვის საგანი იყო ყველაფერი, რაც თანამედროვე აფთიაქის ყოველდღიურობას ქმნის - სამკურნალო საშუალებებიდან და საკვები დანამატებიდან დაწყებული, დერმატოკოსმეტიკით, პირის ღრუს მოვლითა და არომათერაპიით დასრულებული. აკადემიაში მუდმივად ხდება ფარმაცევტების, კონსულტანტებისა და მენეჯერების ატესტაცია: ცოდნისა და უნარების შეფასება და განმეორებით სწავლება.თუმცა, პროფესიული განვითარება მხოლოდ პროდუქტის ცოდნას აღარ ნიშნავს. თანამედროვე აფთიაქში ხარისხიან მომსახურებას გუნდი ქმნის, ხოლო გუნდის ხარისხს - მისი ხელმძღვანელი. სწორედ ამიტომ, ბოლო წლებში განსაკუთრებული ყურადღება დაეთმო მენეჯერების განვითარებასაც. თანამედროვე ხელმძღვანელს მხოლოდ პროცესების მართვა აღარ ევალება - მან უნდა შეძლოს გუნდის მოტივაციის შენარჩუნება, მუდმივი ცვლილებების პირობებში ეფექტიანი მუშაობა და ისეთი გარემოს შექმნა, სადაც სწავლა ყოველდღიური კულტურის ნაწილია. ამ მიდგომას დაეფუძნა PSP-ის „მენეჯერების განვითარების" უნიკალური პროგრამა, რომელიც PSP-ს მენეჯერების დიდმა ნაწილმა უკვე გაიარა და ეტაპობრივად ქსელის ყველა მენეჯერს მოიცავს.შესაძლოა, ეს ყველაფერი მომხმარებლისთვის უხილავი დარჩეს. ის მხოლოდ რამდენიმე წუთს ატარებს აფთიაქში. თუმცა სწორედ ამ რამდენიმე წუთის ხარისხს განსაზღვრავს ის, რაც ბევრად ადრე იწყება - სწავლის სურვილით, პროფესიული განვითარებითა და PSP-ს კორპორაციული კულტურით, რომელიც ცოდნას არა ერთჯერად მოვლენად, არამედ ყოველდღიურ პასუხისმგებლობად აღიქვამს.“PSP-სთვის ფარმაცევტების ცოდნის მუდმივი განახლება და პროფესიის განვითარება მხოლოდ კომპანიის საჭიროება არ არის - ეს არის პასუხისმგებლობა, რომელიც ბაზრის ლიდერის როლს ახლავს. საერთაშორისო ფარმაცევტული და სამედიცინო ბრენდებისთვის სანდო და სასურველი პარტნიორის როლში, PSP-ს მნიშვნელოვანი წვლილი შეაქვს საქართველოში თანამედროვე ფარმაცევტული ცოდნისა და პრაქტიკის განვითარებაში. სწორედ ამიტომ, კომპანიისთვის პროფესიული განვითარება მუდმივი პროცესია, რომელიც მომხმარებლებისა და პარტნიორების ნდობის საფუძველს ქმნის”-აცხადებენ PSP-ში.ალბათ სწორედ ამიტომაც შეიცვალა ფარმაცევტის პროფესია ყველაზე მეტად არა გარეგნულად, არამედ შინაარსობრივად- თანამედროვე ფარმაცევტის პროფესია ყოველდღე თავიდან ისწავლება.
2025 წელს შიდსით 150 ადამიანი გარდაიცვალა, დაავადების ახალი შემთხვევების რაოდენობა კი შემცირდა
ფარმაცევტის პროფესია PSP-ში ყოველდღე თავიდან ისწავლება
საავადმყოფოებში საწოლფონდი ერთ წელიწადში 1.8 პროცენტით გაიზარდა - საქსტატი
„კვლავ ფუნქციონირებს ფარული „მოსაწევი ოთახები“, ან სამუშაო კაბინეტები თამბაქოს კვამლშია გახვეული“ - თამბაქოს კონტროლის ალიანსის განცხადება
კიბოს სკრინინგზე მიმართვიანობა შემცირებულია - გამონაკლისი ძუძუს კიბოს კვლევებია
