სადაზღვევო კომპანია “ვაიზერი” კრეატიული რებრენდინგისთვის დაჯილდოვდა. “ქართული ბრენდის დღე 2025" ტრადიციულად დეკემბრის ბოლოს წარმატებულ ქართულ ბრენდებს აჯილდოვებს წლის განმავლობაში მიღწეულიწარმატებებისთვის.გამარჯვებულები ექვს ძირითად ნომინაციაში - "ლიდერი", "რეპუტაცია და ნდობა", "წარმატებული ახალი ბრენდი","წარმატებული ტელეპროექტი", "წარმატებული ლიტერატურული პროექტი" და "ბრენდ-პერსონა" -გამოვლინდნენ.ღონისძიების ფარგლებში 27 ნომინანტი დაჯილდოვდა. 2025 წლის ბრენდ-პერსონა ცეკვის ჯადოქარი, ანსამბლი "რუსთავის"; მთავარი ქორეოგრაფი, ლეგენდარული მოცეკვავე ფრიდონ სულაბერიძე გახდა.„15 წლიანი წარმატების ისტორიის შემდეგ „PSP დაზღვევამ“ ახალი ბრენდი „ვაიზერ წარადგინა. წლების განმავლობაში დაგროვილმა გამოცდილებამ, კომპანიას მისცა ახალი განვითარების შესაძლებლობები და გააჩინა ახალი ხედვა, ახალი სახელი და ახალი ენერგია „ვაიზერი“. ჩვენი ახალი ბრენდი „ვაიზერი“ არის სიმბოლო ამ ხედვისა, რომელიც აერთიანებს ცოდნას, გამბედაობას და თავისუფლებას.„ჩვენ ვაზღვევთ ყველაფერს, მაგრამ შენ ყველაფერს ნუ დააზღვევ“, რადგან ვაიზერი შენი თამამი, ბრძენი თანამგზავრია. თავისუფლად მართე შენი გადაწყვეტილებები, ცხოვრება, მომავალი, მოგზაურობა. „ვაიზერ“ უახლოეს მომავალში საზოგადოებას ბევრ ორიგინალურ, ახალ სადაზღვევო პროდუქტს შესთავაზებს“- განაცხადა სოფიო ლებანიძემ.
ახალი წლისთვის მზადება დეკემბრის ბოლოდან იწყება და 31 დეკემბერს კულმინაციას აღწევს. საახალწოდ მორთული სახლი, მრავალსართულიანი სუფრა, სტუმრების სია, ხმაური და ემოცია, 12სთ-ზე გახსნილი შამპანური და ანთებული შუშხუნები, ბოლო ძალას გვაცლის და გვაძინებს სწორედ მაშინ, როცა რეალურად ახალი წელი იწყება - 1 იანვარს.სწორედ დეკემბერში, ყველა ბრენდი საახალწლო კამპანიებით და შეთავაზებებით გვაწონებს თავს, PSP უჩვეულოდ დუმდა, რათა 1 იანვარს, როცა ახალი წელი მართლა იწყება, მთავარი გზავნილი გაეჟღერებინა - გაიღვიძე!ეს ნაბიჯი PSP-ს 2025 წლის საკომუნიკაციო კამპანიის ლოგიკური გაგრძელებაა. ბრენდის, რომლის დაპირება არის სიმართლე და რომელიც არ ერიდება მისთვის თვალის გასწორებას. ამჯერად ფოკუსი ახალ წელზე გაკეთდა — უფრო სწორად, იმაზე, თუ როდის იწყება ის რეალურად. კამპანიის მთავარი მესიჯი ერთგვარად ეწინააღმდეგება დამკვიდრებულ ტრადიციას - 31 დეკემბერი, არ არის ახალი წლის არსი. უფრო მნიშვნელოვანი ის დღეებია, რომლებიც მას მოჰყვება — მომდევნო 365 დღე, რომლებიც საბოლოოდ განსაზღვრავს ადამიანების არჩევანსა და გადაწყვეტილებებს.გაიღვიძე, ახალი წელი ახლა იწყება!ამ იდეის გაგრძელებად ბრენდმა ბიზნეს გადაწყვეტილებაც მიიღო — წინასაახალწლო შეთავაზებები 1 იანვრის შემდეგაც შეინარჩუნა და დამატებითი აქციებიც შესთავაზა მომხმარებლებს. ამ გზით, საკომუნიკაციო კამპანია აქტივობიდან რეალურ ქმედებაში გადაიზარდა. PSP -ს კამპანია „გაიღვიძე“ ახალ წელს არა როგორც ერთდღიან მოვლენას, არამედ როგორც პროცესის დასაწყისს განიხილავს.აქცენტი სიფხიზლეს, ენერგიასა და პირად პასუხისმგებლობაზე, გვახსენებს, რომ წელი ზუსტად ისეთი იქნება, როგორსაც თავად შევქმნით მისი პირველივე დღიდან - სიყვარულით, სილამაზით, ჯანმრთელობით, თავისუფლებით და გამარჯვებით სავსე წელს!კამპანიაზე სააგენტო Playmakers-მა იმუშავა. წარმოების სააგენტო - Enkeny Films.#გაიღვიძეახალიწელიახლაიწყება
სურსათის ფასებთან დაკავშირებული განცხადების შემდეგ პრემიერი მედიკამენტების მაღალ ფასებზე საუბრობს და მათი შემცირების მიზნით გარკვეული ზომების მიღებას აანონსებს. ამის შესახებ საქართველოს პრემიერ-მინისტრმა ირაკლი კობახიძემ „იმედი LIVE“-ში ისაუბრა. "ჩვენ გავაანალიზეთ ვითარება. მადლობა ამისათვის ეკონომიკის მინისტრს და ეკონომიკის სამინისტროს. დეტალურად გაკეთდა ანალიზი იმასთან დაკავშირებით, თუ რა იწვევს ფასების ზრდას. შედეგი არის ის, რომ ფასნამატი არის ძალიან მაღალი. საქართველოს საზღვრიდან დახლამდე ფასნამატი შეადგენს 86 პროცენტს და დახლამდეც ვერ ვიტყოდით, რადგან აქ არ შედის არც იმპორტის და არც დღგ-ს გადასახადი. ამის გარეშე, არის ფასნამატი 86 პროცენტი, რაც არის ძალიან მაღალი. ამაში არ შედის ასევე საზღვრამდე ფასნამატი. მთლიანობაში რომ დავაჯამოთ, არის საკმაოდ მაღალი ფასნამატი, რაც საბოლოო ჯამში იწვევს პროდუქტებზე ფასების გაძვირებას. ჩვენ ასევე შესწავლილი გვაქვს, თუ როგორია ფასნამატი თავად ევროპის ქვეყნებში, საბითუმო ფასსა და საცალო ფასს შორის, ეს მერყეობს დაახლოებით 30-დან 40 პროცენტამდე. საბოლოო ჯამში, ყველაფერი რომ გავაანალიზეთ, მივედით იმ დასკვნამდე, რომ შესაძლებელია, ქართული ფასები მიუახლოვდეს მაქსიმალურად ევროპულ ფასებს. ჩვენ ვფიქრობთ, რომ ეს არის შესაძლებელი. დანარჩენი არის დამატებითი შესწავლის საგანი. ჩვენ უნდა დავიწყოთ პროცესი, რაც ძალიან რთული იქნება, მაგრამ გვინდა, რომ მაქსიმალურად სწრაფად წარიმართოს ეს ყველაფერი. დაგვჭირდება კონსულტაციები სადისტრიბუციო კომპანიებთან და ასევე სუპერმაკეტების ქსელების წარმომადგენლებთან. როგორც მოგეხსენებათ, პარლამენტმა უკვე დაადასტურა მზაობა, რომ შექმნას საპარლამენტო კომისია ამისათვის და სამართალდამცველმა სტრუქტურებმა ასევე გამოხატეს მზაობა, რომ შექმნან შესაბამისი პროცესი უშუალოდ სამართალდამცავ სტრუქტურებში. ბუნებრივია, ამ ყველაფერმა უნდა მოგცეს შედეგი. ჩვენ დარწმუნებული ვართ, რომ ფასების დაწევა პროცესის საფუძველზე არის შესაძლებელი. იგივე ეხება, მათ შორის ალბათ ფარმაცევტულ სექტორსაც. აქაც ფასები ძალიან მაღალია და ვფიქრობთ, რომ იქაც შეიძლება ცვლილების მიღწევა. ეს არის საზოგადოების ინტერესებში. მთავარია, ჩვენ ზუსტად დავადგინოთ, სად იმატებს ფასი ჭარბად და სად არის შესაძლებელი ფასნამატის შემცირება, იქ რა თქმა უნდა, შეგვიძლია, ვიფიქროთ ანტიმონოპოლიურ კანონმდებლობაზე, ასეთი კანონმდებლობის შემოღებაზე და სხვა ზომებზე, რამაც შეიძლება, საბოლოო ჯამში უზრუნველყოს ჩვენი თანამოქალაქეების ინტერესების უკეთ დაცვა“, - განაცხადა ირაკლი კობახიძემ.პრემიერმა ამ კუთხით ევროპული, კერძოდ გერმანული გამოცდილების მაგალითი მოიყვანა:„მაგალითად, ფარმაცევტული მიმართულებით, გერმანიაში ქსელების არსებობა საერთოდ არ არის დაშვებული. ერთი კონკრეტული სუბიექტის მიერ ერთ ქალაქში ერთზე მეტი აფთიაქის ფუნქციონირება საერთოდ არ არის დაშვებული. აქ არ არის საუბარი უხეშ ჩარევაზე ბიზნესში, აქ არის საუბარი იმაზე, რომ თუ არსებობს კარტელური გარიგებები, ჩვენ უნდა შევქმნათ ანტიმონოპოლიური კანონმდებლობა, ასეთი კარტელური გარიგებების აღსაკვეთად. ბიზნესის რეკეტი ვისი ხელწერაც არის, ყველას კარგად ახსოვს. ჩვენი ხელწერა ეს არ არის. ჩვენ ბიზნესში უხეშად ვერ ჩავერევით. თავისუფალი საბაზრო ურთიერთობები უნდა იყოს განმსაზღვრელი ქართულ ეკონომიკაში, მაგრამ ამასთან ერთად, თუ არსებობს კარტელები, კარტელური გარიგებები, ამას სჭირდება შესაბამისი საკანონმდებლო, თუ სხვა ფორმით რეაგირება.“შეგახსენებთ, რომ საქართველოში მედიკამენტებზე რეფერენტული ანუ ზღვრული ფასები 2023 წლის იანვრიდან მოქმედებს და ამ მედიკამენტების სიაში 7500-ზე მეტი პრეპარატია შესული. რეფორმის მიზანი მოსახლეობისთვის წამლებზე ხელმისაწვდომობის უზრუნველყოფაა. ცვლილებით, სახელმწიფომ, მედიკამენტების ღირებულების ის მაქსიმალური ზღვარი დაადგინა, რომელზე მაღალ ფასადაც, მათი რეალიზაცია აიკრძალა. შედეგად, ფარმაცევტული პროდუქტების ფასი, საშუალოდ, 40%-ით შემცირდა. რას გულისხმობს პრემიერის ინიციატივა და რომელ მედიკამენტებს შეეხება ის, ეს, სავარაუდოდ, უახლოეს პერიოდში გახდება ცნობილი.
ფარმაცევტულ გიგანტებს შორის კონკურენცია ძლიერდება. მიზეზი წონის კლების პირველი აბების გამოშვებაა. ამის შესახებ Reuters-ი წერს.ეს წამლები შეიძლება გამოყენებულ იქნას როგორც უფრო მარტივი ალტერნატივა დღეს გავრცელებულ ინექციურ მედიკამენტებთან შედარებით, რომლებიც პოპულარულ GLP-1 კლასის პრეპარატებთან ასოცირდება.აშკარა ხდება, რომ მომავალში ამ სექტორში შემოსავალი შეიძლება ასეულობით მილიარდი დოლარი იყოს, რადგან მოთხოვნა მატულობს და კომპანიები ცდილობენ შექმნან ეფექტიანი ტაბლეტები, რომლებიც შესანიშნავ კონკურენციას გაუწევენ ინექციებს. ძირითადი მოთამაშეები არიან:Eli Lilly – მისმა ორფლიგლიპრონმა კლინიკურ ტესტებში ადამიანის წონის დაახლოებით 12.4%-მდე შემცირება აჩვენა. ის მარეგულირებლის დამტკიცებას ელოდება. Novo Nordisk – გთავაზობს დაახლოებით 15% წონის დაკარგვას და ისიც მარეგულირებელ ორგანოშია დასამტკიცებლად.Structure Therapeutics, Merck, AstraZeneca, Roche, Viking Therapeutics და ა.შ. – ამ კომპანიებსაც აქვთ წონის კლების სხვადასხვა წამალი კლინიკურ ეტაპებზე, ზოგი უკვე იღებს დამაიმედებელ შედეგებს პირველად ტესტებში. ზოგიერთმა კომპანიამ კი, მაგალითად Pfizer-მა, შეწყვიტა ან შეცვალა ამ მიმართულებით განვითარების გეგმები, რისი მიზეზიც უსაფრთხოების საკითხებია.
„წელს მნიშვნელოვანი რეფორმები განხორციელდა, მათ შორის ფსიქოტროპული ნივთიერებების აბსოლუტურად ახლებური რეგლამენტაცია“
2025 წელს რუხის კლინიკა 25 000 პაციენტს მოემსახურა, მათ შორის ოკუპირებული ტერიტორიების მცხოვრებლებს
როცა ახალი წელი მართლაც იწყება
ერთ წელიწადში ჯანდაცვა 7%-ით გაძვირდა
სახელმწიფო ბავშვებს თანდაყოლილი გულის მანკის მკურნალობას ჟენევის საუნივერსიტეტო ჰოსპიტალში დაუფინანსებს
