ევროპის საპატენტო ოფისი „ბიოქიმფარმის“ საქმიანობით დაინტერესდა. სააგენტოს პრეზიდენტი ანტონიო კამპინოსი საწარმოს პირადად ეწვია. მასთან ერთად „ბიოქიმფარმში“ „საქპატენტის“ თავმჯდომარე სოსო გიორგაძეც იმყოფებოდა.მაღალი რანგის სტუმრებმა, მოინახულეს ბიოქიმფარმის ევროპული GMP სტანდარტებით სერტიფიცირებული ფაგების ისტორიული საწარმო და ფაგიოსა და სხვა ფაგების პრეპარატების წარმოების ტექნოლოგიურ პროცესს გაეცნენ.სტუმრებს საწარმოო ტურზე ბიოქიმფარმის გენერალურმა მენეჯერმა, რატი ღოლიჯაშვილმა და კომპანიის გუნდმა უმასპინძლეს. მხარეებმა განიხილეს ფაგოთერაპიისა და ფაგების ტექნოლოგიის განსაკუთრებული როლი, რომელსაც ის ასრულებს ანტიბიოტიკორეზისტენტობასთან ბრძოლაში და ზოგადად ინტელექტუალური საკუთრებისა და პატენტების მნიშვნელობა ეკონომიკური ღირებულების შექმნაში.„ჩვენთვის დიდი პატივია, რომ ბიოქიმფარმმა უმასპინძლა ასეთ მნიშვნელოვან საერთაშორისო და ადგილობრივ ორგანიზაციებს. ეს ვიზიტი კიდევ ერთხელ უსვამს ხაზს ფაგოთერაპიის მზარდ მნიშვნელობასა და საქართველოს პოტენციალს ამ მიმართულებით. ინტელექტუალური საკუთრების დაცვა და განვითარება კრიტიკულად მნიშვნელოვანია ინოვაციური ფარმაცევტული პროდუქტების შექმნისთვის. გვიხარია, რომ ამ მიმართულებით გვაქვს მჭიდრო თანამშრომლობა როგორც საერთაშორისო, ისე ადგილობრივ ორგანიზაციებთან. ბიოქიმფარმი არის ერთადერთი კომპანია, რომელსაც მიღებული აქვს და ფლობს ფაგებისა და ბიოფარმაცევტული მიმართულებით ევროპულ პატენტს და ჩვენთვის საამაყო და სასიხარულოა აღნიშნული ვიზიტით კომპანიის ამ მიღწევის დაფასება.“ - განაცხადა ბიოქიმფარმის გენერალურმა მენეჯერმა, რატი ღოლიჯაშვილმა.ბიოქიმფარმი არის ერთადერთი GMP-სერტიფიცირებული და ავტორიზებული ფარმაცევტული მწარმოებელი საქართველოში, რომელიც აწარმოებს სტერილურ სითხოვან დოზირებულ ფორმებსა და ფაგებზე დაფუძნებულ სამკურნალო საშუალებებს. ამავე დროს კომპანია არის ფაგებზე დაფუძნებული სამკურნალო საშუალებების ერთადერთი ექსპორტიორი ფართო რეგიონსა და საერთაშორისო ბაზრებზე.
თბილისში რეგისტრირებული მოქალაქეებისთვის, რომლებიც გამგეობას ან მერიას მედიკამენტების საჭიროების თაობაზე მიმართავენ, „გეფას“ ნებისმიერი აფთიაქიდან კვირის ნებისმიერ დღეს მედიკამენტები დამატებითი ფასდაკლებით გაიცემა.დოკუმენტს ხელი ჯანმრთელობის დაცვის და სოციალურ საკითხთა კომისიის ინიციატივით მოეწერა. ხელმოწერის ცერემონიალი დედაქალაქის წარმომადგენლობით ორგანოში გაიმართა.მემორანდუმს ხელი საკრებულოს თავმჯდომარემ, ზურაბ აბაშიძემ, ჯანმრთელობის დაცვის და სოციალურ საკითხთა კომისიის თავმჯდომარემ, ბექა მიქაუტაძემ და ფარმაცევტული კომპანია სს „გეფას“ სპეციალური პროექტების დეპარტამენტის დირექტორმა დავით სულაბერიძემ მოაწერეს.როგორც საკრებულოს ჯანმრთელობის დაცვის და სოციალურ საკითხთა კომისიის თავმჯდომარემ, ბექა მიქაუტაძემ, განაცხადა, გაფორმებული დოკუმენტი ეხმარება მოქალაქეებს უფრო სრულყოფილად მიიღონ ის სერვისები, რომლებსაც მათ თბილისის მუნიციპალიტეტი აწვდის.„გაფორმდა მემორანდუმი სს „გეფასთან“, რომელიც რამდენიმე აფთიაქს - „ჯი-პი-სი“, „ფარმადეპო“ და „ლურჯი ჯვარი“ - აერთიანებს. მემორანდუმის თანახმად, ფასდაკლების დღეების ნაცვლად, მთელი კვირის განმავლობაში მედიკამენტებზე ფასდაკლებით ისარგებლებს ყველა ის მომხმარებელი, რომლებიც ქალაქ თბილისის მერიას ან გამგეობას მიმართავენ“, - განაცხადა ბექა მიქაუტაძემ.თანამშრომლობა ხორციელდება მერიისა და რაიონული გამგეობების სოციალური პროგრამების ფარგლებში, რომლებიც მოქალაქეთა სამედიცინო და სხვა საჭიროებების მხარდაჭერას ითვალისწინებს.მემორანდუმის თანახმად, სს „გეფა“ იღებს ვალდებულებას კალკულაციები გასცეს მედიკამენტებზე დამატებითი ფასდაკლებით კვირის ნებისმიერ დღეს. კერძოდ, თბილისის მუნიციპალიტეტის მერიის ქვეპროგრამის „სამედიცინო და სხვა სოციალური საჭიროებების დახმარების ღონისძიებებისა“ და „თბილისის მუნიციპალიტეტის რაიონული გამგეობების „სხვა სოციალური (დახმარების) ღონისძიებები რაიონებში“ ქვეპროგრამების ფარგლებში თბილისში რეგისტრირებული ბენეფიციარებისთვის კალკულაციები გაიცემა დამატებითი ფასდაკლებით კვირის ნებისმიერ დღეს.როდესაც თბილისში რეგისტრირებული მოქალაქე გამგეობას ან მერიას მედიკამენტების საჭიროების შესახებ განცხადებით მიმართავს, მისთვის „გეფას“ ნებისმიერ აფთიაქში კვირის ნებისმიერ დღეს მედიკამენტი გაიცეს დამატებითი ფასდაკლებით.მემორანდუმი ძალაში შედის მხარეთა მიერ მისი ხელმოწერის დღიდან და 1 წლის ვადით არის ძალაში.
შესაძლოა, რეფერენტული ანუ ზედა ზღვრული ფასები, მედიკამენტების შემდეგ ბავშვთა კვების პროდუქციასა და აქსესუარებზეც ამოქმედდეს. ამის შესახებ პარლამენტის ფასების შემსწავლელი კომისიის თავმჯდომარემ, შოთა ბერეკაშვილმა ფარმაცევტული კომპანიების წარმომადგენლებთან პარლამენტში, კომისიის ფარგლებში გამართულ შეხვედრაზე განაცხადა. შეხვედრაზე, მედიკამენტების ფასების გარდა, საუბარი შეეხო ბავშვთა კვებასა და მოვლის საშუალებებსაც. „ავერსის“ სააფთიაქო ქსელის დირექტორმა ეკატერინე ბურძენიძემ ამ საკითხთან დაკავშირებულ შეკითხვაზე პასუხისას განაცხადა, რომ ცდილობენ, ამ სეგმენტზე მინიმალური ფასნამატი დააწესონ. „ეს საკმაოდ სენსიტიური თემაა. ჩვენ არ ვართ არცერთი ბავშვთა კვების იმპორტიორი. ჩვენ ბავშვთა კვების პროდუქციას მხოლოდ და მხოლოდ ვყიდით. პროდუქციას ვიღებთ რამდენიმე ათეული მომწოდებლისგან. მე ვნახე, რა მოგება რჩება კომპანიას ამ პროდუქციის გაყიდვიდან და ეს არის მხოლოდ და მხოლოდ 8%. რაც შეეხება ბავშვთა აქსესუარებს და მოვლის საშუალებებს, გვაქვს რამდენიმე კონტრაქტი და ეს პოზიციები თავად შემოგვაქვს, თუმცა მთელი რიგი პროდუქცია ჩვენ შემოგვაქვს სხვადასხვა მომწოდებლისგან და მაქსიმალურად ვცდილობთ, მინიმალური ფასნამატით გავყიდოთ სეგმენტის მნიშვნელობიდან გამომდინარე. გარდა ამისა, ჩვენი ქსელი გამოირჩევა იმით, რომ ბავშვთა კვებისა და ბავშვთა მოვლის საშუალებებზე მუდმივად გვაქვს ღრმა აქციები,“ - აღნიშნა ბურძენიძემ.შეხვედრაზე მყოფმა, “ავერსი ფარმას” გენერალურმა დირექტორმა გიორგი მელანაშვილმა კი დააზუსტა, რომ საოპერაციო ხარჯების შემდეგ ამ სეგმენტში კომპანია მინუსშიც გადის და ამიტომ მუშაობენ, რომ თავდ შემოტანონ ეს პროდუქცია, რათა უფრო იაფად გაყიდონ.შოთა ბერეკაშვილმა, თავის მხრივ, განმარტა, რომ, რადგან, ბავშვთა კვების სფეროში არსებობს შუა რგოლი, მიზანია, ფასწარმოქმნის ჯაჭვი დამოკლდეს, რაც ფასების შემცირებას გამოიწვევს. „ჩვენი მიზანია, ფასწარმოქმნის ჯაჭვი სწორად დავინახოთ და რადგან ეს საკითხი მნიშვნელოვანია მოსახლეობისთვის, შესაძლოა რეფერეტნტული ფასები აქაც დადგინდეს. არსებობს იმპორტიორი, რომელიც ამატებს თავის ფასნამატს, შემდეგ მოდის ქსელში და ქსელიც ამატებს ფასნამატს. თუ დამოკლდება ჯაჭვი, მით ნაკლებია ფასნამატი და უფრო საუკეთესო ფასს იღებს ჩვენი მომხმარებელი. ბავშვთა კვებისა და აქსესუარების ნაწილში ჩვენ მოგვიწევს მუშაობა, რომ მოვიფიქროთ ისეთი მოდელი, რომელიც საშუალებას მოგვცემს, ერთის მხრივ მისაღები იყოს ბიზნესისთვის და, მეორეს მხრივ, საუკეთესო ფასი იყოს ჩვენი მოსახლეობისთვის. ეს არის კრიტიკულად მნიშვნელოვანი,“ - განაცხადა ბერეკაშვილმა.
საქართველოს ფარმაცევტული ბაზარი არის ისეთი მაღალი სტანდარტის, როგორიც მსოფლიოს ბევრ ქვეყანას არ აქვს.ამის შესახებ “ავერსი ფარმას” გენერალურმა დირექტორმა გიორგი მელანაშვილმა პარლამენტში, ფასების შემსწავლელი დროებითი კომისიის სხდომაზე გამოსვლისას განაცხადა, რომელზეც 4 ფარმაცევტული კომპანიაა წარმოდგენილი. აღნიშნული კომპანიები საქართველოს ფარმაცევტული ბაზრის 80%-ს ფლობენ.ე იქნგიოება და ამ პროცესში ჩართვის შესაძლებლობა ნებისმიერ დაინტერესებულ პირს ექნება.„შეიძლება ამას ჩვენი კონკურენტების სასარგებლოდაც ვიძახი, მაგრამ დღეს რომ არის საქართველოში ფარმაცევტული ბაზარი, ასეთი მაღალი სტანდარტით და ასეთი მოწყობით, მსოფლიოს ბევრ ქვეყანაში არ გვხვდება. მე პირადად ბევრჯერ დავრწმუნდი ამაში საზღვარგარეთ მოგზაურობისას და ასევე როდესაც ჩვენთან ჩამოდიან სტუმრები, აკეთებენ უკუკავშირს და აფასებენ ჩვენს აფთიაქებს და ლოჯისტკურ ცენტრებს, ასევე - ფარმაცევტული ბაზრის მოწყობას. ეს საამაყოა სახელმწიფოსთვისაც, რადგან სახელმწიფოს და ქვეყნის ღირებულებაც იზრდება იმით, რაც მეტი წარმატებული კომპანიაა ჩვენს ქვეყანაში,“ - განაცხადა მელანაშვილმა.
„დიუშენის განკურნებაზე პრეტენზიის მქონე მედიკამენტი დღეს მსოფლიოში არ არსებობს" - იგეგმება ამბულატორიული და კვლევითი პროგრამების გაფართოება
ქვეყნის მასშტაბით უფასო, საყოველთაო სკრინინგი 15 ნოემბრის ჩათვლით გაგრძელდება
კვირის კლიმატი და ჯანმრთელობა - მიმდინარე კვირის პროგნოზი
„წამლები ანელებს დაავადების პროგრესირების ხარისხს, თუმცა ევროპის წამლის სააგენტომ საჭიროდ ჩათვალა, გახანგრძლივდეს გამოცდის პერიოდი“
„ამცირებს სტრესს, ბულინგისა და გარიყვის რისკს“ - ფსიქოთერაპევტი სავალდებულო სასკოლო ფორმებზე
