ზურაბ აზარაშვილი გაეროს გენერალური ასამბლეის სესიაზე სიტყვით გამოვიდა

ჯანმო COVID 19-ზე: ახალ ტალღას ქვეყნები მომზადებული უნდა შეხვდნენ

შემოდგომის დასაწყისიდან დღემდე, ამერიკის შეერთებულ შტატებში კორონავირუსის შემთხვევები მკვეთრად გაიზარდა და უკვე თითქმის მიაღწია 2020 წლის გაზაფხულის პირველი ტალღის მასშტაბებს. „ბიბისის“ ინფორმაციით, 27 აგვისტოდან 2 სექტემბრამდე პერიოდში ჰოსპიტალიზებულთა რაოდენობა 9%-ით გაიზარდა, გარდაცვალების მაჩვენებელი კი 3-დან 9 სექტემბრამდე პერიოდში 5%-ითაა მომატებული.ყველაზე მოკრძალებული პროგნოზების თანახმად, ნოემბრისთვის ინფიცირებულთა რიცხვი შტატებში კიდევ 4,5-ჯერ გაიზრდება.ამის გამო, ჯანმრთელობის მსოფლიო ორგანიზაციასი აცხადებენ, რომ კოვიდით ინფიცირებისა და დაავადების მძიმე მიმდინარეობის შემთხვევების ზრდის შესახებ  მონაცემები მოდის არა მხოლოდ ამერიკის შეერთებული შტატებიდან, არამედ სხვა ქვეყნებიდანაც, ამიტომ პანდემიის ახალ ტალღას ქვეყნები მომზადებული უნდა შეხვდნენ, პირველ რიგში კი - ვაქცინაციის გააქტიურებით. ჯანმომ კიდევ ერთხელ გაიმეორა, რომ არაფერი ისე ეფექტიანად არ იცავს ადამიანს რეანიმაციაში მოხვედრისგან, როგორგ განმეორებითი აცრა, რაც განსაკუთრებით მნიშვნელოვანი რისკ ჯგუფში შემავალი ადამიანებისთვისაა. ბუსტერ-ვაქცინის გაკეთებას ჯანმრთელობის მსოფლიო ორგანიზაცია არა მხოლოდ მოზრდილებს, არამედ ბავშვებსაც ურჩევს, მათ შორის - სკოლამდელი ასაკისას. შეგახსენებთ, რომ საქართველოში სეზონური ვირუსების ცირკულაციისა და კოვიდის გავრცელების შესახებ მონაცემები აღარ ქვეყნდება. 

სპეციალისტების განცხადებით, ქვეყანაში კოვიდის შემთხვევები მკვეთრად არ მომატებულა

ქვეყანაში კორონავირუსის შემთხვევებმა მოიმატა, თუმცა სტატისტიკა შემაშფოთებელი არ არის. ამის შესახებ საზოგადოებრივ მაუწყებელთან საუბარში სხვადასხვა კლინიკის წარმომადგენლები აცხადებენ. მცხეთის სამედიცინო ცენტრის ხელმძღვანელის ლიკა მუმლაძის განცხადებით, ინფიცირების შემთხვევები 2-3 კვირის წინ შედარებით გაზრდილი იყო და სტაციონარულ მკურნალობას კლინიკაში მუდმივად გადიოდა 10-12 პაციენტი. ახლა კი ეს რიცხვი განახევრებულია. მუმლაძის თქმით, ინფიცირებულებს აღენიშნებათ მაღალი სიცხე, ყელის და თავის ტკივილი.შემთხვევების მკვეთრ ზრდაზე არ საუბრობს ინფექციონისტი ალექსანდრე გოგინავაც. საზოგადოებრივი მაუწყებლისთვის მიცემულ კომენტარში გოგინავა აცხადებს, რომ ჰოსპიტლებში ასაკოვანი, ქრონიკული დაავადებების მქონე და სხვა რისკ ჯგუფებში შემავალი ადამიანები ხვდებიან. რაც შეეხება რეკომენდაციებს სიმტპომების შემთხვევაში, გოგინავა ამბობს, რომ თავდაცვის ზომები იგივეა, რაც მანამდე იყო.„თუ გვაქვს სიმპტომები, მოვერიდოთ სხვა ადამიანებთან კონტაქტს, დავიცვათ ჰიგიენის ნორმები, ხოლო თუ გვიწევს თავყრილობებზე წასვლა, გამოვიყენოთ პირბადე,“ - აღნიშნა გოგინავამ. 

ამერიკის მარეგულირებელმა Pfizer -ისა და Moderna-ს  განახლებული COVID-ვაქცინები  დაამტკიცა

ამერიკის წამლისა და საკვების მარეგულირებელმა სააგენტომ (FDA)  Pfizer -ისა და Moderna-ს  კოვიდ საწინააღმდეგო, განახლებული ვაქცინები დაამტკიცა. ისინი ამერიკელებისთვის ხელმისაწვდომი რამდენიმე დღეში გახდება. cnbc.com-ის ინფორმაციით, შტატებში კოვიდით ინფიცირების გამო ჰოსპიტალიზაციის შემთხვევები იზრდება. FDA-ს მონაცემებით, ახალი ვაქცინები ომიკრონის XBB.1.5 ვარიანტზეა მიმართული და ისინი დამტკიცებულია 12 წლისა და მაღალი ასაკის ადამიანებისთვის. ასევე შესაძლებელია მათი გამოყენება 6 თვიდან 11 წლამდე ასაკის ბავშვებში, განსაკუთრებულ შემთხვევებში. აგვისტოში ბაიდენის ადმინისტრაციამ განაცხადა, რომ Pfizer-ის, Modernaსა და Novavax-ის ახალი აქცინები მოსახლეობისთვის ხელმისაწვდომი სექტემბრის შუა პერიოდისთვსი გახდებოდა. FDA-ს ბოლო გადაწყვეტილებაში Novavax-ის ვაქცინები არ ფიგურირებს.განახლებული ვაქცინების გამოჩენა ამერიკელებს დაცულობის გარკვეულ განცდას უქმნის, რადგან ქვეყანაში კოვიდით ინფიცირებისა და ჰოსპიტალიზაციის შემთხვევები მატულობს. მართალია, ვაქცინები არაა მიმართული ამჟამად დომინირებულ ვარიანტებზე, მაგრამ მწარმოებლები ამტკიცებენ, რომ ვაქცინები ამ შტამისგან დაცვას მაინც უზრუნველყოფს, რაც განსაკუთრებით აქტუალური გახდება, როცა ბავშვები სკოლებში დაბრუნდებიან და უფრო ცივი ამინდები დადგება. Moderna-ს ხელმძღვანელობა მოუწოდებს ამერიკელებს, გაიკეთონ განახლებული აცრა გრიპის ვაქცინაციასთან ერთად.შტატებში ჰოსპიტალიზაციის მაჩვენებელი ბოლო 7 კვირის განმავლობაში, ყოველკვირეულად 15%-ით იზრდება. ეს ზრდა უკავშირდება ახალ შტამს, როგორიცაა EG.5, იგივე „ერისი.“ CDC-ის ინფორმაციით, ომიკრონის ამ შტამზე შემთხვევების დაახლოებით 22% მოდის.Pfizer-მ, Moderna-მა და Novavax-მა გამოაქვეყნეს მონაცემეbი, რომლeბიც ადასტურებს, რომ მათი ახალი ვაქცინები „ერისისგანაც“ იცავს.Pfizer-შიც და Moderna-შიც ასევე აცხადებენ, რომ მათი განახლებული ვაქცინები წარმოქმნის ძლიერ იმუნიტეტს BA.2.86 ვარიანტის წინააღმდეგ, რომელსაც ჯანდაცვის უწყებები ყურადღებით აკვირდებიან. „მოსალოდნელია, რომ განახლებული ვაქცინები უზრუნველყოფს კარგ დაცვას COVID-19-ის ამჟამად მოცირკულირე ვარიანტებისგან“ - ნათქვამია FDA-ს განცხადებაში. 

„შეინიშნება შემაშფოთებელი ტენდენციები“ - ჯანმო კორონავირუსის ახალი შტამის გავრცელებაზე

ამერიკის შეერთებულ შტატებში COVID-ით ინფიცირების შემთხვევები ისევ იზრდება, თუმცა აშშ-ის ალერგიისა და ინფექციურ დაავადებათა ეროვნული ინსტიტუტის ყოფილი დირექტორი, პროფესორი ფაუჩი „ჰოსპიტალიზაციისა და სიკვდილის“ ახალ ცუნამს არ ელოდება.როგორც ენტონი ფაუჩიმ ტელეკომპანია „ეიბისისთან“ ინტერვიუში განაცხადა, მოსახლეობის იმუნიტეტის დონის გათვალისწინებით, კერძოდ, იმის გამო, რომ ადამიანები უკვე იყვნენ დაინფიცირებულები, აცრილები და მათ აქვთ ჰიბრიდული იმუნიტეტი, იმის შესაძლებლობა, რომ იქნება დაავდებებისა და ჰოსპიტალიზაციის ტალღა, ძალიან დაბალია.მისი თქმით, მართალია, შეშფოთებული არ არის შემთხვევების ზრდით, თუმცა ის ვითარებას თვალს ადევნებს. „არ არსებობს არანაირი ეჭვი, რომ ეს ხდება, და რადგანაც ახლა ზაფხულის დასასრულია, სრულიად შესაძლებელია, ეს გაიზრდება შემოდგომისა და ზამთრის მოახლოებასთან ერთად, ამიტომ ამისთვის მზად უნდა ვიყოთ,“ - განაცხადა ფაუჩიმ. მან ასევე აღნიშნა, რომ Covid-19-ის მომდევნო ბუსტერი, რომელიც ამერიკის მარეგულირებელმა უახლოეს ხანებში უნდა დაამტკიცოს, იქნება ეფექტიანი ინსტრუმენტი ვირუსის გავრცელების წინააღმდეგ, რადგან ის შეესაბამება ვირუსების იმ ტიპებს, რომლებიც ახლა ცირკულირებს.მსოფლიოში შექმნილ ეპიდსიტუაციაზე შეფასებები კეთდება ჯანმრთელობის მსოფლიო ორგანიზაციაშიც, სადაც ამბობენ, რომ კორონავირუსის შტამი EG.5 D-19 „აღმასვლის“ ეტაპზე იმყოფება, ორგანიზაციის შეშფოთებას კი ის გარემოება იწვევს, რომ აღნიშნული ვარიანტი არ განდევნის სხვა მოცირკულირე შტამებს. ჯანმოს ხელმძღვანელის ტედროს ადჰანომ გებრეიესუსის თქმით, ზამთრის წინა პერიოდში ჩრდილოეთ ნახევარსფეროში შეინიშნება „შემაშფოთებელი ტენდენციები.“ მისი მონაცემებით, ახლო აღმოსავლეთსა და აზიაში იზრდება გარდაცვალების მაჩვენებელი, ევროპაში კი მატულობს პაციენტების მიმართვიანობის სტატისტიკა ინტენსიური თერაპიის განყოფილებებში აღნიშნული შტამის სიმპტომებით. გებრეიესუსის თქმით, ერთერთი ყველაზე მთავარი პრობლემაა იმუნიზაციის დაბალი მაჩვენებელი რისკჯგუფში შემავალ ადამიანებში, რომლებსაც ბოლო პერიოდში არცერთი დოზა ვაქცინა არ გაუკეთებიათ. 

"ამაზე განსაკუთრებული ყურადღება აღარ უნდა მახვილდებოდეს" - ჯანდაცვის მინისტრი კოვიდ-19-ზე

განსაკუთრებული ნამდვილად არაფერი ხდება. თუ რაიმე განსაკუთრებული იქნება, ამას პირველ რიგში ჯანდაცვის სამინისტროსგან გაიგებს ყოველთვის მოსახლეობა. ხოლო ის, რაც იყო წლების წინ, წარსულს ჩაბარდა და მსგავსის გამეორების არანაირი საფუძველი დღეს არ იკვეთება, - ამის შესახებ ჯანდაცვის მინისტრმა ზურაბ აზარაშვილმა ტელეკომპანია "იმედის" ეთერში განაცხადა. მინისტრმა აღნიშნა, რომ არ არის საჭირო ამ თემაზე ყურადღების გამახვილება და ყველას მოუწოდა, ნუ შეეცდებიან საზოგადოებაში დამატებითი სტრესის შემოტანას. მინისტრმა კოვიდს „ერთი ჩვეულებრივი სეზონური ინფექცია“ უწოდა.„როდესაც კოვიდპანდემია იყო ქვეყანაში და ასევე მსოფლიოში, იყო სხვადასხვა განსაკუთრებული რეჟიმი და ამ რეჟიმების მიხედვით მიდიოდა ჩვენი ცხოვრებაც. გასულ წელს, როდესაც ჯერ კიდევ ახალი მოსული ვიყავი სამინისტროში, მაშინვე აღვნიშნე, რომ კოვიდპანდემია დასასრულს უახლოვდებოდა და გადაიქცეოდა ერთ-ერთ ჩვეულებრივ სეზონურ ვირუსად. დიახ, დღეს ნამდვილად ნებისმიერი ქვეყანა მსოფლიოში ამას უყურებს როგორც ჩვეულებრივ სეზონურ ვირუსს, რომელიც არაერთია გავრცელებული ჩვენს ქვეყანაში, სხვა ქვეყნებშიც და არ არის არანაირი განგაშის, პანიკის საფუძველი და საერთოდ, ამაზე განსაკუთრებული ყურადღება, როგორც ასეთი აღარც უნდა მახვილდებოდეს“, - განაცხადა მინისტრმა.