ზაფხულის სიცხეები პიკურ მაჩვენებლებს უახლოვდება. შესაბამისად, იზრდება რისკებიც, რომლებიც სხვადასხვა დაავადების გადამტან პარაზიტებს უკავშირდება. თემაზე საზოგადოებრივმა მაუწყებელმა სიუჟეტი მოამზადა, როლის თანახმადაც, სპეციალისტები კიდევ ერთხელ შეახსენებენ მოსახლეობას, თუ როგორ უნდა იმოქმედონ საფრთხის შემთხვევაში. მათი განმარტებით, ტკიპას შეუძლია, ადამიანის კანის დაზიანებით მის ორგანიზმში შეიყვანოს ბაქტერია, რომელიც ლაიმის დაავადებას, იგივე ბორელიოზს იწვევს. ესაა დაავადება, რომელიც სახსრებისა და ნერვული სისტემის პრობლემებთანაა დაკავშირებული. ტკიპა ასევე შეიძლება გახდეს ყირიმ-კონგოს ჰემორაგიული ცხელების გამავრცელებელიც. იშვიათ შემთხვევებში, ტკიპები ენცეფალიტის გადამტანებიც არიან, რასაც ნერვული სისტემის სერიოზული დაზიანება მოსდევს. თუმცა, სპეციალისტების თქმით, ყველაზე ცუდი სცენარის თავიდან აცილება საკმაოდ მარტივი ზომების მიღებითაა შესაძლებელი.
დაავადებათა კონტოლის ეროვნული ცენტრის გადამდებ დაავადებათა დეპარტამენტის ხელმძღვანელის ხათუნა ზახაშვილის თქმით, ტკიპის კანთან მოხვედრის თავიდან ასაცილებლად უნდა მოვერიდოთ მაღალ ბალახებში სიარულს და გადაადგილებისთვის გაკვალული ბილიკები შევარჩიოთ. ასევე მნიშვნელოვანია სხეულის მაქსიმალურად დაცვა ტანსაცმლით. ბუნებაში ყოფნის შემდეგ კი ტანსაცმელი და პირადი ნივთები კარგად უნდა დავათვალიეროთ, ხოლო სხეულზე ტკიპის აღმოჩენის შეთხვევაში, ის მალევე, პინცეტით უნდა მოვიცილოთ. პინცეტი ტკიპას კანთან რაც შეიძლება ახლოს უნდა ჩავჭიდოთ და მკვეთრი მოძრაობით ამოვიღოთ, შემდეგ კი დაზიანებული ადგილი საფუძვლიანად დავიმუშავოთ სპირტით ან საპნიანი წყლით.
ინფექციონისტების თქმით, ტკიპის კბენის შემთხვევების უმეტესობა უსაფრთხოა, რადგან ყველა ტკიპა არაა დაინფიცირებული. თუმცა, რადგან სერიოზული პრობლემების რისკი არსებობს, ნებისმიერ შემთხვევაში ფრთხილად უნდა ვიყოთ და რეკომენდაციები ზედმიწევნით შევასრულოთ. კერძოდ, თუკი ტკიპის სათანადოდ მოცილების შემდეგ, კბენიდან სამი დღის განმავლობაში დაზიანებულ ადგილას შევამჩნევთ სიწითლეს, გვექნება სიცხე ან სხვა სიმტპომები, ექიმს დაუყოვნებლივ უნდა მივმართიოთ. ასეთ შემთხვევაში ტარდება სპეციალური მკურნალობა ანტიბიოტიკების გამოყენებით, რასაც, შესაძლოა, საკმაოდ ხანგრძლივი პერიოდი დასჭირდეს.
ექიმების თქმით, მწერების ნაკბენების შედეგად დაავადებების შემთხვევები ყოველწლიურად აღინიშნება. მათივე ინფორმაციით, ზაფხულის დადგომასთან ერთად შემთხვევები წელსაც გაიზარდა, თუმცა წინა წლის იგივე პერიოდთან შედარებით ზრდა არ არის და არც განგაშის საფუძველი არსებობს. თუმცა სერიოზული რისკებიდან გამომდინარე, სიფრთხილის გამოჩენა და ექიმების ყველა რეკომენდაციის დაცვა აუცილებელია.
ექიმების მორიგი გაფრთხილება ტიპებთან დაკავშირებით - პარაზიტების აქტიურობა გაზრდილია
1784199600
რეფერენტული ფასები დამატებით 400 პრეპარატზე განისაზღვრა და უკვე 7795 დასახელების მედიკამენტზე მოქმედებს. განახლებული სია ჯანდაცვის სამინისტროს ვებგვერდზე აიტვირთა.როგორც რამდენიმე კვირის წინ მინისტრმა მიხეილ სარჯველაძემ განაცხადა,ფასის ზედა ზღვრის დაწესება ჯამში დაახლოებით 8200 მედიკამენტზე იგეგმება.ცნობისთვის: პარლამენტის ფასების შემსწავლელი დროებითი კომისიის რეკომენდაციის შესაბამისად, ჯანდაცვის სამინისტრო რეფერენტულ ფასებს აქტიური რეგისტრაციის სტატუსის მქონე კიდევ ასობით მედიკამენტზე განსაზღვრავს. ეს 2023 წელს დაწყებული რეფორმის მომდევნო ეტაპია და ამჯერად საუბარია ანთების საწინააღმდეგო, გულ-სისხლძარღვთა დაავადებების მართვისთვის საჭირო და სხვა - ხშირად მოხმარებად პრეპარატებზე.რეფერენტული ფასების რეფორმით სახელმწიფომ მედიკამენტების ღირებულების ის მაქსიმალური ზღვარი დაადგინა, რომელზე მაღალ ფასადაც მათი რეალიზაცია აიკრძალა. შედეგად, ფარმაცევტული პროდუქტების ფასი, საშუალოდ, 40%-ით შემცირდა.
PSP, როგორც K-Beauty-ის მთავარი ადგილი საქართველოში, აგრძელებს მსოფლიოში პოპულარული ბრენდების ქართველი მომხმარებლისთვის ხელმისაწვდომობის გაზრდას. კორეული კანის მოვლის პრემიუმ ბრენდი Manyo მსოფლიოში ცნობილია Clean Beauty-ის ფილოსოფიით. Manyo-ის ერთ-ერთი მთავარი გამორჩეულობა სწორედ ინგრედიენტებზე დაფუძნებული მიდგომა და ფერმენტაციის ტექნოლოგიაა, რომელიც აქტიურ ნივთიერებებს უფრო ეფექტურსა და კანისთვის ადვილად ათვისებადს ხდის.K-Beauty ბოლო წლებში მსოფლიო კანის მოვლის ინდუსტრიის ერთ-ერთ ყველაზე გავლენიან მიმართულებად ჩამოყალიბდა. ამ ფილოსოფიის მთავარი პრინციპი არა სწრაფი ვიზუალური შედეგი, არამედ კანის ჯანმრთელობაზე დაფუძნებული, თანმიმდევრული ყოველდღიური მოვლაა.სწორედ ამ მიდგომას იზიარებს Manyo, რომლის კონცეფციაც ეფუძნება იდეას, რომ ლამაზი კანი ჯანმრთელი კანიდან იწყება. ბრენდი ქმნის ფორმულებს, რომლებიც აერთიანებს ბუნებრივი წარმოშობის ინგრედიენტებს, ფერმენტირებულ აქტიურ კომპონენტებსა და თანამედროვე დერმატოლოგიური კვლევების შედეგებს. პროდუქციის მთავარი მიზანია კანის ბუნებრივი ბარიერის გაძლიერება, მიკრობიომის მხარდაჭერა, ინტენსიური დატენიანება და კანის ბუნებრივი ბზინვარების შენარჩუნება.ბრენდის ერთ-ერთი ყველაზე ცნობილი ხაზი Pure Cleansing Oil - ღრმა გამწმენდი ზეთი, მსოფლიოში ერთ-ერთ ყველაზე მოთხოვნად კორეულ გამწმენდ პროდუქტად მიიჩნევა. გარდა ამისა, ქართველი მომხმარებლებისთვის ხელმისაწვდომია Bifida Biome-ის ხაზი, რომელიც კანის ბარიერის აღდგენასა და მგრძნობიარე კანის მოვლაზეა ორიენტირებული, Galactomy - კანის ტონის გათანაბრებისა და ბუნებრივი ბზინვარებისთვის, ხოლო Glutathione - პიგმენტური ლაქებისა და არათანაბარი ტონის მოვლისთვის.Manyo-ს სლოგანი - Everyday Magic for Your Skin (ყოველდღიური მაგია შენი კანისთვის), გამოხატავს ბრენდის ფილოსოფიას, რომლის მიხედვითაც ჯანსაღი, ძლიერი და ბუნებრივად ბზინვარე კანი ყოველდღიური, სწორად შერჩეული მოვლის შედეგია.Bottom of Form„PSP ქართველი მომხმარებლისთვის ჩამოყალიბდა მსოფლიოს მოთხოვნადი ბრენდების ერთიან სივრცედ. ამისთვის, მუდმივად ვაფართოებთ კანის მოვლის ბრენდების პორტფელს, მათ შორის K-Beauty. Manyo-ს დამატება ამ მიმართულებით მნიშვნელოვანია, რადგან მისი ფილოსოფია სრულად ემთხვევა თანამედროვე კანის მოვლის ტენდენციებს - ჯანმრთელი კანი, ეფექტური ინგრედიენტები და გრძელვადიანი შედეგი, ვფიქრობთ, ჩვენი მომხმარებლისთვის განსაკუთრებით საინტერესო იქნება. უახლოეს მომავალში, კიდევ არაერთ საინტერესო ბრენდსა და სიახლეს შევთავაზებთ ქართველ მომხმარებელს” - აცხადებენ PSP-ში.
საერთაშორისო ფარმაცევტულმა კომპანიამ GM PHARMA-მ 27-წლიანი ისტორიის ახალ ეტაპზე განახლებული ბრენდული იდენტობა წარადგინა. განახლებული ბრენდული იდენტობის მთავარი სიმბოლო დნმ-ია, კომპანიისთვის სიცოცხლის, პროგრესის, უწყვეტი განვითარების, სამეცნიერო სრულყოფისა და ინოვაციების ერთიანობის გამოხატულებაა. სწორედ ეს პრინციპები განსაზღვრავს GM PHARMA-ს საქმიანობასა და მომავალ ხედვას.კომპანიაში აცხადებენ, რომ განახლებული ვიზუალური იდენტობა მხოლოდ ლოგოს ცვლილება არ არის. ახალი ვიზუალური იდენტობა ასახავს იმ გზას, რომელიც GM PHARMA-მ დაარსებიდან დღემდე გაიარა თანამედროვე საწარმოო ტექნოლოგიების დანერგვა, საერთაშორისო სტანდარტების დაცვა, კვლევასა და განვითარებაზე ორიენტირებული საქმიანობა და ისეთი ხარისხის შექმნა, რომელსაც საქართველოში და საერთაშორისო ბაზრებზე მილიონობით მომხმარებელი და ჯანდაცვის პროფესიონალები ენდობიან.დღეს GM PHARMA რეგიონში ერთ-ერთ ყველაზე მრავალფეროვან ფარმაცევტულ პორტფელს ფლობს, რომელიც 130-ზე მეტ ბრენდსა და 220-ზე მეტ გამოშვების ფორმას, რომელიც მოიცავს ძირითად თერაპიულ მიმართულებებსა და საკვები დანამატების ფართო ასორტიმენტს.2017 წლიდან კომპანია საქართველოს ფარმაცევტული ბაზრის ლიდერია როგორც გაყიდვების მოცულობით, ისე ღირებულებით. GM PHARMA 100-ზე მეტ პროდუქტს ექსპორტზე აწვდის საერთაშორისო ბაზრებს და წარმომადგენლობითი ოფისები აქვს თერთმეტ ქვეყანაში: უზბეკეთში, ტაჯიკეთში, ყირგიზეთში, სომხეთში, მოლდოვაში, აზერბაიჯანში, ყაზახეთში, მონღოლეთში, თურქმენისტანში, ბელარუსსა და უკრაინაში.ყოველწლიურად GM PHARMA-ს მედიკამენტებითა და საკვები დანამატებით 14 მილიონზე მეტი პაციენტი სარგებლობს საქართველოში და საერთაშორისო ბაზრებზე, რაც მომხმარებლებისა და ჯანდაცვის პროფესიონალების მაღალ ნდობას ადასტურებს.კომპანიის გრძელვადიანი სტრატეგია საერთაშორისო მასშტაბის კიდევ უფრო გაფართოებას ისახავს მიზნად. GM PHARMA გეგმავს გააძლიეროს თავისი პოზიციები ევროპაში, სამხრეთ-აღმოსავლეთ აზიაში, სამხრეთ ამერიკასა და ცენტრალურ ამერიკაში, რაც კომპანიის გლობალური განვითარების ახალ შესაძლებლობებს ქმნის.შეგახსენებთ, რომ საერთაშორისო ფარმაცევტული კომპნია GM PHARMA-ს საწარმო თბილისში წამყვანი ფარმაცევტული წარმოებაა კავკასიის რეგიონში, რომელსაც გააჩნია მედიკამენტების მყარი სამკურნალო ფორმების წარმოების სრული ტექნოლოგიური ციკლი. კომპანია ფლობს ფარმაცევტული წარმოებისთვის აუცილებელ ყველა ნაციონალურ თუ საერთაშორისო სერტიფიკატსა და ნებართვას – საქართველოს ნაციონალური GMP სერტიფიკატი, საერთაშორისო PIC/S GMP სერტიფიკატი, ISO 9001:2017, ISO 17025 და სხვა.დაფუძნების დღიდან კომპანიის მისია და ფასეულობები უცვლელია – მეცნიერულ მიდგომებზე და ინდუსტრიის საუკეთესო პრაქტიკაზე დაყრდნობით ხარისხისა და პროდუქტების მუდმივი სრულყოფა და ისეთი მედიკამენტების წარმოება-მიწოდება, რომელიც პაციენტების ცხოვრების ხარისხს გააუმჯობესებს და მათ სიცოცხლეს გაახანგრძლივებს. დღეს, როდესაც ფარმაცევტული ინდუსტრია ტექნოლოგიური განვითარების ახალ ეტაპზე გადადის, კომპანია აგრძელებს ინოვაციების დანერგვას და თანამედროვე ჯანდაცვის განვითარებაში აქტიურ მონაწილეობას.ჩვენ გვჯერა, რომ განვითარება უწყვეტია. ისევე, როგორც სიცოცხლე.
ბიოქიმფარმი ევროპის რეკონსტრუქციისა და განვითარების ბანკის (EBRD)-ის 2026 წლის ანგარიშში მოხვდა, რომელიც ანტიბიოტიკორეზისტენტობის გლობალურ პრობლემასა და ამ კრიზისის გადაჭრის გზებს ეძღვნება.როგორც ცნობილია, ანტიბიოტიკების ჭარბი და არარაციონალური გამოყენება მსოფლიოში ყოველწლიურად დაახლოებით 1.3 მილიონი ადამიანის სიკვდილის მიზეზია, 2050 წლისთვის კი ათეულობით მილიონს გადააჭარბებს, იმავე ტემპით განვითარების შემთხვევაში. დღესდღეობით, აღნიშნული გამოწვევის დროს ანტიბიოტიკების ერთადერთი ხელმისაწვდომი და უსაფრთხო ალტერნატივაა ბაქტერიოფაგები (ფაგები), რომლებიც ანტიბიოტიკებისგან განსხვავებით მიზანმიმართულად ანადგურებენ მხოლოდ მავნე ბაქტერიებს, მათ შორის ანტიბიოტიკების მიმართ რეზისტენტულ ბაქტერიებს და არ აზიანებენ ადამიანის ორგანიზმში არსებულ სასარგებლო მიკროფლორას.რაც შეეხება ანგარიშს, მასში ფაგიო-სა და ფაგების მწარმოებელი კომპანია ბიოქიმფარმი დასახელებულია, როგორც ანტიბიოტიკებისადმი რეზისტენტობის წინააღმდეგ ბრძოლაში მნიშვნელოვანი წვლილის შემტანი. დოკუმენტში ასევე აღნიშნულია საქართველოს პოტენციალი ფაგოთერაპიის განვითარების მიმართულებით.EBRD-ის ანგარიშში განსაკუთრებული ყურადღება ეთმობა ბიოქიმფარმის საწარმოს მოდერნიზაციას, საერთაშორისო GMP სტანდარტის შესაბამისად, რომელიც 2023 წელს EBRD-ისა და სხვა ადგილობრივი და საერთაშორისო პარტნიორების მხარდაჭერით განხორციელდა. პროექტის ფარგლებში განახლდა 1934 წელს დაარსებული მსოფლიოში პირველი ფაგების საწარმო, რომელიც დღეს საერთაშორისო GMP სტანდარტის, მაღალტექნოლოგიურ, ბიოფარმაცევტულ წარმოებად არის გარდაქმნილი.ანგარიშის მიხედვით, საწარმოს მოდერნიზაციამ ბიოქიმფარმს მისცა შესაძლებლობა გაზარდოს წარმოების მასშტაბები და კიდევ უფრო მეტად შეუწყოს ხელი ფაგოთერაპიის განვითარებას როგორც საქართველოში, ისე საერთაშორისო ბაზრებზე.„ჩვენთვის, როგორც ანტიბიოტიკრეზისტენტობის წინააღმდეგ ბრძოლაში EBRD-ის პარტნიორისთვის, დიდი პატივია ჩვენი განვლილი გზის ასეთი აღიარება. განსაკუთრებით გვახარებს, რომ EBRD-ისა და ჩვენი სხვა პარტნიორების მხარდაჭერით მოხდა 1934 წელს დაარსებული მსოფლიოში პირველი ფაგების საწარმოს მაღალტექნოლოგიური მოდერნიზება და ინოვაციურ წარმოებად გარდაქმნა. ეს გვაძლევს შესაძლებლობას, GMP ფაგები და ფაგოთერაპია კიდევ უფრო მეტ პაციენტამდე მივიტანოთ და გლობალურ დონეზე შევუწყოთ ხელი ანტიბიოტიკრეზისტენტობის გამოწვევასთან ბრძოლას“, - განაცხადა ბიოქიმფარმის გენერალურმა მენეჯერმა რატი ღოლიჯაშვილმა.
AI-მ ვაქცინა შექმნა - პანდემიის შემთხვევაში, ის მილიონობით სიცოცხლეს გადაარჩენს და შეზღუდვების საჭიროებას მოხსნის
წლამდე ბავშვის ზღვაზე დასვენება დაუშვებელია - ექიმის რჩევები ზაფხულის სეზონთან დაკავშირებით
კორეული პრემიუმ ბრენდი Manyo უკვე PSP-შია
დიდი ბრიტანეთი 16-17 წლის მოზარდებისთვის სოციალურ ქსელებში ღამის საათებში შეზღუდვის დაწესებას გეგმავს
მუხრანის მოსახლეობისთვის უფასო სამედიცინო კვლევები ჩატარდა
