ბრიტანული ფარმაცევტული გიგანტი აშშ-ში 5 წლის განმავლობაში 30 მილიარდ დოლარს ჩადებს

1758110400

ბრიტანულმა ფარმაცევტულმა გიგანტმა GSK-მ (GlaxoSmithKline) აიღო ვალდებულება, მომდევნო ხუთი წლის განმავლობაში აშშ-ში კვლევა-განვითარებასა და წარმოებაში მინიმუმ 30 მილიარდი დოლარის ინვესტიცია განახორციელოს. ინფორმაციას cnbc.com ავრცელებს.

კომპანიის განცხადებით, ინვესტიცია მოიცავს 1.2 მილიარდ დოლარს მოწინავე წარმოებაში, ხელოვნურ ინტელექტსა და ციფრულ ტექნოლოგიებში, რათა „შეერთებულ შტატებში ახალი თაობის ბიოფარმაცევტული ქარხნები და ლაბორატორიები აშენდეს.“

აღნიშნულის შესახებ პრეზიდენტ დონალდ ტრამპის სამდღიანი სახელმწიფო ვიზიტის ფარგლებში გახდა ცნობილი.

„სახელმწიფო ვიზიტი აერთიანებს ორ ქვეყანას, რომლებიც მსოფლიოში მეცნიერებისა და ჯანდაცვის ინოვაციების ლიდერები არიან. ჩვენ ვამაყობთ, რომ ორივეს ნაწილი ვართ“, - განაცხადა GSK-ის აღმასრულებელმა დირექტორმა ემა უოლმსლიმ.

მისი თქმით, აღნიშნული ინვესტიცია კიდევ უფრო გააძლიერებს ქვეყანაში არსებულ ისედაც ძლიერ კვლევებსა და მიწოდების ჯაჭვს.

GSK არის მსოფლიოს ერთ-ერთი უდიდესი ფარმაცევტული კომპანია, რომელიც აქტიურად მუშაობს ახალი წამლების, ვაქცინებისა და ჯანდაცვის ინოვაციების განვითარებაზე.

მსუბუქი, თუმცა სიმპტომების ფართო სპექტრის მქონე - მსოფლიოში კოვიდის ახალი შტამი ვრცელდება

Medhub: კლინიკების მიერ ფინანსური ვალდებულებების შეუსრულებლობა ხშირად სასამართლომდე მიდის

ინსულტის, ინფარქტისა და სიმსივნის რისკი, ნაყოფის განვითარების შეფერხება - პლასტიკის პროდუქტებზე რეგულაციის ამოქმედება იგეგმება

"შესაძლოა, ადგილი ჰქონდეს ფასების ხელოვნურ ზრდას," - კონკურენციის სააგენტო სამედიცინო ბაზრის მონიტორინგზე

Colgate-ი კბილის პასტის სარეკლამო კამპანიას ცვლის - მიზანი ფტორის ჭარბი მოხმარებისგან ბავშვების დაცვაა

საყოველთაო ჯანდაცვა

ექთნების რაოდენობის შემცირების ტენდენცია გრძელდება - საქსტატის მონაცემები

ჯანმოს შეფასებით, საქართველო ჰეპატიტების ელიმინაციის თვალსაზრისით მოწინავე ქვეყანაა

რუხის რესპუბლიკურ საავადმყოფოში ტკივილის მართვის ცენტრი ამოქმედდა

ფარმაცევტული ბაზარი

სამედიცინო სახარჯი მასალების იმპორტიორი კომპანიის Medhub-ის ხელმძღვანელის, ოთარ კლდიაშვილის ინფორმაციით, სფეროში კლინიკებთან თანამშრომლობის მთავარ გამოწვევად ფინანსური დისციპლინის ნაკლებობა რჩება.როგორც ოთარ კლდიაშვილი "ბიზნესპარტნიორთან" აღნიშნავს, დარგში ყველაზე დიდი პრობლემა სამედიცინო დაწესებულებების მხრიდან ფინანსური ვალდებულებების შეუსრულებლობაა, რაც ხშირად სასამართლო დავამდე მიდის.ამასთან, კომპანიის ხელმძღვანელის თქმით, კლინიკების უმრავლესობა ცდილობს, რამდენიმე თვის პროდუქციის თანხა არ გადაგიხადოს და თავად დაიტოვოს."ძალიან რთული სფეროა - კომპანია რომ გაქვს და დისტრიბუციას აკეთებ, ცხადია, პროდუქციის გაყიდვა გიწევს, მერე ზოგიერთი თანხას არ გიხდის. ჩხუბი გიწევს, მაგალითად, ერთ-ერთმა ჩვენმა კონკურენტმა კომპანიამ კლინიკას 300 000 ლარის პროდუქცია მიუტანა, შემდეგ კი თანხა არ გადაუხადა. რა თქმა უნდა, სასამართლო პროცესი გაიმართა და აღნიშნულ კლინიკას თვეში 4 000 ლარის გადახდა დაეკისრა. ამ შემთხვევაში კომპანიას აკოტრებ. აღნიშნული მიმართულებით ძალიან სერიოზული პრობლემები გვაქვს - ერთია პროდუქციის გაყიდვა და მეორეა აღნიშნული თანხის ამოღება. კლინიკებთან ადრეც გვქონდა მსგავსი პრობლემები ახლა არ დაწყებულა, შეიძლება ითქვას, რომ აღნიშნული ხაზი ოდნავ გაუმჯობესდა, მაგრამ გამოწვევები მაინც რჩება.გამოსავალს რაც შეეხება - ამ ყველაფერს კანონი უნდა არეგულირებდეს, რომ მსგავსი შედეგისგან უფრო დაცული ვიყოთ. მაგალითად, ხშირია შემთხვევები, როდესაც ხსნიან კომპანიას, გარკვეულ ვალს იღებენ, შემდეგ აღნიშნულ კომპანიას აკოტრებენ და ისევ ახალს ობიექტს ხსნიან. კომპანიის გახსნა ადვილი არ უნდა იყოს", - აღნიშნავს ოთარ კლდიაშვილი.ამასთან, ოთარ კლდიაშვილი უშუალოდ პროდუქციის გაყიდვები შესახებაც საუბრობს და ხაზს უსვამს, რომ Medhub-ის გაყიდვები წინა წლის ანალოგიურ პერიოდთან შედარებით დაახლოებით 10%-ით გაიზარდა, რაც ქვეყანაში სტაბილურ ბიზნესგარემოსა და ახალი ბიზნესს ობიექტების გახსნის ტენდენციას უკავშირდება."ქვეყანაში აქტიურად იხსნება სამედიცინო დაწესებულებები, სააფთიაქო ქსელები, რესტორნები და სასტუმროები. ობიექტების მატება პირდაპირ აისახა ჩვენი გაყიდვების ზრდაზეც. ადგილობრივ ბაზარზე პირბადეები, ქუდები, ბახილები, წინსაფრები, ერთჯერადი ვინილის და პოლიეთილენის ხელთათმანები შემოგვაქვს. ნედლეულს რაც შეეხება, ჩინელი პარტნიორები მყავს. ვთანამშრომლობთ გადამყიდველებთან, კლინიკებთან, სააფთიაქო ქსელების წარმომადგენლებთან, ნედლეულს კერძო ბიზნესებს ვაწვდით (რესტორანი, სასტუმროები, კვების სწრაფი ობიექტები). კლინიკების წილი მთლიანი გაყიდვების 20%-ია, 40 გადამყიდველებს უჭირავს, დანარჩენი რაოდენობა კი კვების ობიექტებზე, სასტუმროებზე მოდის. მაგალითად, არც ერთი მაღალი დონის რესტორანი შიშველი ხელით არ მუშაობს, არაჰიგიენურია, შესაბამისად, ხელთათმანები სჭირდებათ", - აცხადებს ოთარ კლდიაშვილი.სამედიცინო სახარჯი მასალების იმპორტიორი კომპანიის ხელმძღვანელი რეგიონალური ბაზრების კუთხით გაფართოებაზეც საუბრობს და აცხადებს, რომ აღნიშნული მიმართულებით წინსვლა რთული საკითხია, რადგან მეზობელ ქვეყნებში, მაგალითად, აზერბაიჯანსა და სომხეთში სამედიცინო სახარჯო მასალები უკვე კონკრეტულ კომპანიებს აქვთ "ოკუპირებული" .სამედიცინო სახარჯი მასალების იმპორტიორი კომპანიის Medhub-ი ადგილობრივ ბაზარზე 7 წელია ოპერირებს. კომპანიის ოფისი და საწყობი თბილისში მდებარეობს, სამედიცინო სფეროს ობიექტზე 10 თანამშრომელია დასაქმებული.bp.ge

PSP რეკლამის ყოველწლიურ საერთაშორისო ფესტივალზე “Ad Black Sea 2025“ 18 ჯილდოს მფლობელი გახდა

11-13 სექტემბერს, ბათუმში გამართულ საერთაშორისო რეკლამის ფესტივალზე - „Ad Black Sea 2025“, PSP-ს კამპანიებმა ჯამში 18 ჯილდო - გრან პრი, 8 ოქრო, 4 ვერცხლი და 5 ბრინჯაო მოიპოვა. თავად PSP კი საუკეთესოლოკალურ კლიენტად დასახელდა. ფესტივალზე PSP-ს ორი სარეკლამო კამპანია - „ჩიტებს ფრენა არ ავიწყდებათ“ და „მე ვარ გოგო“ იყო წარდგენილი. კამპანია „ჩიტებს ფრენა არ ავიწყდებათ“ ფესტივალის გრან პრისთან ერთად, 8 ოქროს, 3 ვერცხლის და 1 ბრინჯაოს პრიზით დაჯილდოვდა, ხოლო, „მე ვარ გოგომ“ 1 ვერცხლის და 4 ბრინჯაოს პრიზი მიიღო. ორივე კამპანია სააგენტო Playmakers-თან თანამშრომლობით შეიქმნა.„ჩიტებს ფრენა არ ავიწყდებათ“ განსაკუთრებულია ისტორიით - ვიდეოს კადრირება და გახმოვანება, რეჟისორის და მსახიობის პატიმრობაში ყოფნის დროს არის შესრულებული. რეჟისორი გიორგი ოკმელაშვილია, ხოლო მთხრობელი - მსახიობი, ანდრო ჭიჭინაძე. კლიპში ქართული კინოს და თეატრის არაერთი ვარსკვლავი მონაწილეობს: მეგი კობალაძე, ნინო კასრაძე, კახა კინწურაშვილი, ირაკლი კვირიკაძე, გივიკო ბარათაშვილი, გიგა დათიაშვილი, ქეთა შათირიშვილი, პაატა ინაური, კატო კალატოზიშვილი.“მე ვარ გოგო” კი ქალთა დღისადმი მიძღვნილი ვიდეოა, რომელიც გენდერული ნიშნით სელექციურ აბორტს ეხმაურება და მაყურებელს თვალისმომჭრელი კადრების შემდეგ, მტკივნეულ რეალობასთან ტოვებს. აღნიშნულ ვიდეოს უკვე მიღებული აქვს არაერთი ჯილდო - ვერცხლი და ბრინჯაო „კიევის საერთაშორისო რეკლამის ფესტივალზე"; ასევე, ბრინჯაო „Baku Flames კრეატიულობის საერთაშორისო ფესტივალზე“.„Ad Black Sea“ რეგიონში ერთ-ერთი ყველაზე მასშტაბური რეკლამის ფესტივალია, რომელიც ყოველწლიურად შემოქმედებით ინდუსტრიას - საერთაშორისო სააგენტოებს და ბრენდებს აერთიანებს.

საქართველოში პრეზერვატივების იმპორტი შემცირდა, თურქული და ჩინური პროდუქცია უმცირესობაშია

საქართველოში პრეზერვატივების იმპორტი შემცირდა - საქსტატის მონაცემებით, მიმდინარე წლის ორ კვარტალში ქვეყანაში 853,5 ათასი დოლარის ღირებულების, 17,8 ტონა პრეზერვატივი შემოვიდა. შარშან, იგივე პერიოდში ეს მაჩვენებელი, შესაბამისად, მილიონ 100 ათასი დოლარი და 21,6 ტონა იყო. მიმდინარე წლის ორი კვარტლის მონაცემებით, მთავარი იმპორტიორი (6.1 ტონა და 570 ათასი აშშ დოლარი) რუსეთია, მას მოსდევს ლატვია (4.8 ტონა და 178 ათასი დოლარი) და მალიაიზია (2.4 ტონა და 24.3 ათასი დოლარი)ჩინეთი და თურქეთი ბოლო ადგილებს ინაწილებენ 0,3 და 0,2 ტონით.იმპორტიორებს შორის არიან გერმანია და იტალიაც.

ფარმაცევტული კომპანიები დიდ ბრიტანეთში საინვესტიციო გეგმებზე უარს ამბობენ

ამერიკული ფარმაცევტული კომპანია Merck-ი ლონდონში, კვლევითი ცენტრის მშენებლობას აჩერებს. ლონდონის ცენტრში ლაბორატორიების მშენებლობა უკვე დაწყებული იყო და ცენტრის გახსნა 2027 წელს იგეგმებოდა, თუმცა ორიოდე დღის წინ კომპანიამ განაცხადა, რომ პროექტიდან გასვლას აპირებს.მდგომარეობას ართულებს ის, რომ მანამდე, ქვეყნის უმსხვილესმა ფარმაცევტულმა კომპანია AstraZeneca-მ უარი თქვა დიდ ბრიტანეთში ვაქცინების წარმოების ახალი ქარხნის მშენებლობაზე. თავის განცხადებაში Merck-ი აღნიშნავს, რომ მისი გადაწყვეტილება ასახავს იმ პრობლემებს, რომლებიც უკავშირდება სიცოცხლის შემსწავლელ მეცნიერებებში (ბიოლოგია, ბიოქიმია, გენეტიკა, ნეირომეცნიერება, ფიზიოლოგია, მედიცინა...) ინვესტიციების ნაკლებობას. გამოწვევებს შორის ასევე დასახელებულია ის გარემოება, რომ დიდ ბრიტანეთში მთავრობების ცვალებადობის პირობებში ინოვაციური მედიკამენტებისა და ვაქცინების მნიშვნელობა სათანადოდ დაფასებული არაა. ამასთან, როგორც Reuters-ი წერს, კომპანიამ, როგორც ჩანს, გაითვალისწინა საბაჟო გადასახადის გაზრდის და სხვა საფრთხეები, რომლებიც აშშ-ის პრეზიდენტ დონალდ ტრამპის პოლიტიკიდან მომდინარეობს. ამ გზით, როგორც ცნობილია, ტრამპს შტატებში რაც შეიძლება მეტი საწარმოს დაბრუნება სურს. დიდი ბრიტანეთის ფარმაცევტული კომპანიები მთავრობასთან ხანგრძლივ მოლაპარაკებებს აწარმოებდნენ იმასთან დაკავშირებით, კომპანიების შემოსავლების რა ნაწილი უნდა წასულიყო ქვეყნის ჯანდაცვის სისტემაში. მოლაპარაკებები გასულ თვეში ჩიხში შევიდა და არანაირი შედეგი არ მოუტანია.ასეთ პირობებში ბრიტანეთის ფარმაცევტული ინდუსტრიის ასოციაციამ განაცხადა, რომ ბრიტანეთის რეიტინგი სექტორში პირდაპირი უცხოური ინვესტიციების მხრივ 2017 წლის მეორე ადგილიდან 2023 წელს მეშვიდე ადგილზე დაეცა.„დიდი ბრიტანეთი სულ უფრო ხშირად გამოირიცხება განხილვებიდან, როგორც პერსპექტიული ადგილი ფარმაცევტული ინვესტიციებისთვის“, - თქვა მან.რაც შეეხება ტრამპის პოლიტიკას, რომელიც ბრიტანეთზე და ევროკავშირზე სავაჭრო ზეწოლას აძლიერებს, ამერიკის პრეზიდენტი დიდ ბრიტანეთში სახელმწიფო ვიზიტით ჩასვლას მომდევნო კვირაში გეგმავს. იგივე თემას აშუქებს The Ghuardian-ი. გამოცემის თანახმად, Merck-ის გადაწყვეტილების შემდეგ, უარი თქვას მილიარდი გირვანქა სტერლინგის ღირებულების საინვესტიციო პროექტზე, ცნობილი მეცნიერი ჯონ ბელი აცხადებს, რომ სხვა მსხვილი ფარმაცევტული კომპანიებიც შეწყვეტენ ინვესტიციების განხორციელებას დიდ ბრიტანეთში.ბელმა განაცხადა, რომ ბოლო ექვსი თვის განმავლობაში რამდენიმე მსხვილი კომპანიის აღმასრულებელ დირექტორს ესაუბრა და შეიტყო, რომ ისინი აღარ აპირებენ დიდ ბრიტანეთში ინვესტიციების განხორციელებას.მისივე თქმით, დიდი პრობლემაა ის თანხა, რომელსაც სახელმწიფო ჯანდაცვის სისტემა მედიკამენტებზე ხარჯავს.„ათი წლის წინ, ჩვენ ჩვენი ჯანდაცვის ხარჯების 15%-ს ფარმაცევტულ პროდუქტებზე ვხარჯავდით. ახლა ეს 9%-ია. დანარჩენი მსოფლიო, ეკონომიკური თანამშრომლობისა და განვითარების ორგანიზაცია, 14%-დან 20%-მდე ხარჯავს“, - დასძინა მან.ბელმა განაცხადა, რომ ბრიტანეთს აქვს შესანიშნავი მეცნიერება და „შესანიშნავი ბიოტექნოლოგიური კომპანიები“ და ინფრასტრუქტურა, რომელიც დაფინანსებულია მთავრობის მიერ, „მაგრამ დიდი კომპანიების გარეშე ეს არ იმუშავებს“.მისი თქმით, თუ კომპანიებს არ შეუძლიათ თავიანთი პროდუქციის აქ გაყიდვა, ისინი წავლენ და სხვაგან განახორციელებენ თავიანთ საქმიანობას.

Medhub: სამედიცინო პროდუქციის გაყიდვები 10%-ით გაიზარდა

დაზღვევა

„სადაზღვევო კომპანიების მხრიდან ვალდებულებების შეუსრულებლობის შემთხვევები იშვიათობაა“

საქართველოში უმუშევრობის დაზღვევის საკითხი განიხილება

სამედიცინო დაზღვევის ბაზრის ზრდის ტემპები განახევრდა

მსოფლიო

იაპონური Terumo ყიდულობს ბრიტანულ კომპანიას, რომელიც ორგანოების შენახვის ტექნოლოგიებს აწარმოებს

მსოფლიოში მენტალური ჯანმრთელობის საკითხი სიმსივნურ დაავადებებზე აქტუალური გახდა - კვლევის შედეგები

მამაკაცების ჯანმრთელობისა და ველნეს-ბაზარი სწრაფად იზრდება - რომელი კომპანიებია გლობალური ბაზრის ძირითადი მოთამაშეები

ჯანმომ სიმსუქნის საწინააღმდეგო პრეპარატები აუცილებელ მედიკამენტთა სიაში შეიტანა

ტრამპმა COVID-19-ის ვაქცინების ეფექტიანობის დადასტურება მოითხოვა - მას Pfizer-მა უპასუხა

სხვა სიახლეები

"მანდალა": მოთხოვნა ყოველდღიურად იზრდება, ყველაზე პოპულარული მიმართულებები იოგა და პილატესია

რეგულაციები ბიზნეს-ინტერესების შელახვის გარეშე - ჯანდაცვის მინისტრის ხედვა

ყველაზე კითხვადი

ნინო კარანაძე: „დიაბეტური რეტინოპათია საქართველოში სერიოზული გამოწვევაა“

არაჯანსაღი საკვების რეკლამირება, ფეხით გადაადგილების სივრცეების ნაკლებობა - მოზარდებს შორის ჭარბწონიანობა იზრდება

ჯანდაცვის და სოციალური მომსახურების სფეროში საშუალო ხელფასი 16%-ით, 1848 ლარამდე გაიზარდა

covid-19

ქართველ ტურისტებს შორის პოპულარულ ქვეყნებში კოვიდის ახალი შტამი ვრცელდება - ექიმების რეკომენდაციები

კოვიდ 19-ის პანდემიის დაწყებიდან ხუთი წლის შემდეგ მსოფლიოში ამ ვირუსზე კიდევ ერთხელ ალაპარაკდნენ. ახალ შტამს, რომელიც საკმაოდ სწრაფად ვრცელდება, NB.1.8.1 ეწოდება. თემა საზოგადოებრივმა მაუწყებელმა გააშუქა.როგორც პირველი არხის სიუჟეტშია აღნიშნული, ინფექციონისტების ინფორმაციით, არსებული მონაცემებით, ახალი შტამის სიმპტომები ომიკრონის ქვეშტამის მსგავსი უნდა იყოს. მათივე განცხადებით, მრავალი მუტაციის წყალობით კოვიდის ახალ შტამს შესაძლოა უჯრედების ინფიცირება უფრო აქტიურად შეეძლოს, ვიდრე წინა ვარიანტებს. თუმცა არ არსებობს მონაცემები, რომ მას რთული მიმდინარეობა ახასიათებს.სიუჟეტის თანახმად, უცხოური მედიის ინფორმაციით, კოვიდის ეს სახეობა უფრო გადამდებია და ჯანმრთელობის მსოფლიო ორგანიზაციამ NB.1.8.1 უკვე დაახასიათა როგორც დაკვირვების ქვეშ მყოფი ვარიანტი, რადგან ის ბევრ ქვეყანაში ცირკულირებს და სწრაფი გავრცელებით გამოირჩევა. კოვიდის ახალი შტამი მნიშვნელოვანი რაოდენობით ფიქსირდება აღმოსავლეთ ხმელთაშუაზღვისპირეთში, მათ შორის - ტურისტულად პოპულარულ ეგვიპტეში. ის უკვე გამოჩნდა ტაილანდსა და მალდივებზეც. ვირუსი ასევე გავრცელებულია აშშ-ში, ავსტრალიაში, ჩინეთსა და ჰონგ-კონგში. არის თუ არა რისკი რომ კოვიდ 19-ის ახალი ვარიანტი საქართველოშიც გავრცელდეს, ამ კითხვით პირველმა არხმა ქართველ ინფექციონისტებს მიმართა. სპეციალისტები მოქალაქეებს, რომლებიც დასახელებულ ქვეყნებში მოგზაურობას გეგმავენ, მოუწოდებენ რესპირატორული სიმპტომების გამოვლენისთანავე მოერიდონ საზოგადოებრივ თავშეყრის ადგილებს და დროულად მიმართონ სამედიცინო დაწესებულებას.ინფექციონისტები ამბობენ, რომ უახლოესი თვეების განმავლობაში ქვეყანაში ახალი შტამის გავრცელების რისკი დაბალია.„ეს შტამი მძიმე მიმდინარეობას იშვიათად იწვევს და კლინიკური მიმდინარეობით სხვა შტამებისგან არ გამოირჩევა. უბრალოდ, ახასიათებს უფრო ადვილი გავრცელება. ადვილად გავრცელებადი შტამები კი შეიძლება გავრცელდეს რამდენიმე ათეულ ქვეყანაში, მათ შორის საქართველოში, თუმცა არ მგონია, რომ ამ ეტაპზე მან რაიმე გავლენა მოახდინოს ეპიდსიტუაციაზე კოვიდის კუთხით. უბრალოდ, უნდა დავაკვირდეთ ამ შტამის განვითარებას და იმ რეკომენდაციებს მივყვეთ, რასაც ჯანდაცვის სპეციალისტები გვაძლევენ,“ - განაცხადა ინფექციონისტმა ალექსანდრე გოგინავამ.

აშშ-მ Moderna-სთან ფრინველის გრიპის ვაქცინის შექმნის 600-მილიონიანი კონტრაქტი გააუქმა

ტრამპის ადმინისტრაციამ გააუქმა კომპანია Moderna-სთან გაფორმებული კონტრაქტი, რომელიც ე.წ. ფრინველის გრიპის საწინააღმდეგო ვაქცინის ბოლო ეტაპზე გამოცდას გულისხმობს. იანვარში Moderna-ს ბაიდენის ადმინისტრაციამ 590 მილიონი დოლარი გამოუყო, რათა დაჩქარებულიყო ფრინველის გრიპის ვაქცინის შექმნა და გაფართოებულიყო პანდემიური გრიპის კიდევ ხუთი ქვეშტამის კლინიკური კვლევები. დამატებით 176 მილიონი დოლარის დაფინანსების მიზანი იყო, დასრულებულიყო H5N1-ის mRNA ვაქცინის საბოლოო განვითარების და ტესტირების პროცესი.„გაუქმება ნიშნავს, რომ მთავრობა უარყოფს ერთ-ერთ ყველაზე ეფექტურ და სწრაფ საშუალებას ფრინველის გრიპის ეპიდემიის წინააღმდეგ ბრძოლაში,“ — თქვა ჯონ ჰოპკინსის ჯანმრთელობის უსაფრთხოების ცენტრის უფროსმა მკვლევარმა ამეშ ადალჯამ. აშშ-ის ჯანმრთელობისა და სოციალური მომსახურების სამინისტროს სპიკერის განცხადებით, შემოწმების შედეგად გადაწყდა, რომ პროექტი არ აკმაყოფილებდა სამეცნიერო სტანდარტებსა და უსაფრთხოების მოთხოვნებს, რაც საჭიროა ფედერალური ინვესტიციის გაგრძელებისთვის.

ბოლო 3 კვირაა, საქართველოში კორონავირუსი დომინანტური ვირუსია

საქართველოში კორონავირუსი კვლავ აქტიურად ცირკულირებს. ამის შესახებ საზოგადოებრივ მაუწყებელთან საუბარში იაშვილის კლინიკის სამედიცინო დირექტორმა ივანე ჩხაიძემ განაცხადა.„თუ გადავხედავთ ბოლო მონაცემებს, რომლებსაც დაავადებათა კონტროლის ეროვნული ცენტრი გვაწვდის, ბოლო 3 კვირის განმავლობაში კორონავირუსი წარმოადგენს დომინანტურ ვირუსს. ანუ ის მონაცემები, რაც ლაბორატორიულად დადასტურებულ შემთხვევებს ეხება, მიუთითებს იმაზე, რომ ყველაზე მეტი რაოდენობით ახლა ქვეყანაში კორონავირუსი ფიქსირდება,“ - განაცხადა ჩხაიძემ და აღნიშნა, რომ კორონავირუსის ასეთი სიჭარბე მიმდინარე სეზონისთვის ტიპიური არ არის და მისი გავრცელების ალბათობა ზამთრის პერიოდში ყველაზე მაღალია. ივანე ჩხაიძის განცხადებით, გრიპის ბოლო შემთხვევა ქვეყანაში ივლისის დასაწყისში დაფიქსირდა, რაც ასევე უჩვეულოა. ამასთან, ივანე ჩხაიძის თქმით, ყველა ვირუსი, რომელიც ახლა ქვეყანაში ცირკულირებს, ძირითადად მსუბუქად მიმდინარეობს და სასუნთქი სისტემის მცირე დაზიანებას იწვევს - ესაა ხველა, დაბალი ტემპერატურა, ცხვირიდან გამონადენი და ა.შ. ეს არაა ვირუსები, რომლებსაც სერიოზული გართულებების გამოწვევა შეუძლია.

ჯანმო COVID-19-ის შემთხვევების ზრდაზე საუბრობს და მთავრობებს ვაქცინაციის გააქტიურებისკენ მოუწოდებს

COVID-19 კვლავ ჩვენთანაა და ყველა ქვეყანაში ვრცელდება. ამის შესახებ ჟენევაში ჟურნალისტებთან საუბარში ჯანმრთელობის მსოფლიო ორგანიზაციის წარმომადგენელმა მარია ვან კერკჰოვემ განაცხადა. მისი თქმით, ინფექციის ახალი ტალღები დარეგისტრირდა ჩრდილოეთ და სამხრეთ ამერიკაში, ევროპასა და წყნარი ოკეანის რეგიონის დასავლეთ ნაწილში. „84 ქვეყანაში არსებული ჩვენი სისტემის მონაცემები აჩვენებს, რომ SARS-CoV-2-ის ტესტებზე დადებითი პასუხები პროცენტულად მატულობს,“ - განაცხადა მან და აღნიშნა, რომ ევროპაში ეს მაჩვენებელი 20%-ს აჭარბებს, თუმცა რეალურად ის შესაძლოა 2-დან 20-ჯერ მეტი მასშტაბის იყოს.ჯანმოს წარმომადგენლის თქმით, ინფექციების გავრცელების ასეთი მაღალი ტემპები ჩრდილოეთ ნახევარსფეროსთვის დამახასიათებელი არ არის, რადგან რესპორატორული ვირუსების აქტიური ფაზა დაბალ ტემპერატურაზე მოდის. „ბოლო თვეებში, წელიწადის დროისგან დამოუკიდებლად, ბევრ ქვეყანაში COVID-19-ის აფეთქებაა. მათ შორისაა ოლიმპიური თამაშები, სადაც სულ მცირე 40 სპორტსმენი დაინფიცირდა,“ - აღნიშნა ვან კერკჰოვემ.ვირუსის გავრცელებასთან ერთად მატულობს უფრო მძიმე შტამის წარმოშობის საფრთხე.მიუხედავად ჰოსპიტალიზაციის შედარებით დაბალი მაჩვენებლებისა, ჯანმო სახელმწიფოებს მოუწოდებს, გააქტიურონ ვაქცინაციის კამპანიები და მაღალი რისკის ადამიანები 12 თვეში ერთხელ აცრან.

COVID-ის შტამების ჯგუფი FliRT-ი მსოფლიოში დომინანტი გახდა

ჯანმრთელობის მსოფლიო ორგანიზაციის მონაცემებით, COVID-19-ის ვარიანტების ახალი ჯგუფი სახელწოდებით FliRT მთელი მსოფლიოს მასშტაბით დომინანტი გახდა. LiRT არის ომიკრონის ოჯახის ქვევარიანტების ჯგუფი. სავარაუდოდ ისინი, წარმოიქმნა JN.1-ის ქვევარიანტიდან, უფრო კონკრეტულად, მისი განშტოება JN.1.11.1.-დან. ამასთან, დიდი ბრიტანეთის ჯანდაცვის სისტემის წარმომადგენლებმა განაცხადეს, რომ აუცილებელია მეტი მონაცემი იმის გასარკვევად, რამდენად სერიოზული და გადამდები შეიძლება იყოს ახალი ვარიანტები. იზრდება თუ არა Covid-19-ის შემთხვევები მსოფლიოში? ჯანმოს ბოლო ანგარიშის თანახმად, მაისში შემთხვევების რაოდენობა წინა თვეებთან შედარებით შემცირდა.ამასთან, ზოგიერთ ქვეყანაში შემთხვევების რაოდენობა იზრდება. მაგალითად ინგლისში მაისსა და ივნისში კოვიდ-დადებითი ანალიზების სტატისტიკა გაიზარდა. ასეთივე სურათია ევროპის რამდენიმე სხვა ქვეყანაშიც. შემთხვევების რაოდენობა იზრდება აშშ-შიც. 22 ივნისის მონაცემებით, ერთი კვირის ჭრილში, დადებითი პასუხების სტატისტიკა 1,4%-ითაა გაზრდილი. რაც შეეხება FliRT-ის ვარიანტების სიმპტომებს, ისინი ისეთივეა, როგორიც COVID-19-ის სხვა ტიპებისთვისაა დამახასიათებელი. ჯანმოს მონაცემებით, სიმპტომები, როგორც წესი, თავს იჩენს დაინფიცირებიდან 5-6 დღეში და 1-დან 14 დღემდე გრძელდება. ყველაზე გავრცელებული სიმპტომებია ცხელება, ყელის ტკივილი. შესაძლოა, აღინიშნოს კუნთებისა და სახსრების ტკივილი, სურდო, თავის ტკივილი, თავბრუსხვევა და სხვა. ეფექტიანია თუ არა არსებული ვაქცინები FliRT-ის ვარიანტების წინააღმდეგ? სპეციალისტების თქმით, დიდი ალბათობით, ვაქცინებმა ადამიანები კორონავირუსის ამ სახეობებისგანაც უნდა დაიცვას.ამასთან, ევროკავშირისა და აშშ-ს პოზიციაა, რომ უნდა შეიქმნას ახალი ვაქცინები.