ეროვნული სკრინინგ ცენტრი ძუძუს რადიოლოგიური მიმართულების სწავლების რეგიონული ჰაბი გახდა

PSP ზაფხულს სიახლეებით ხვდება - 10 ივლისს, ბათუმში, ტბელ აბუსერიძის N13-ში ინოვაციური, ახალი კონცეფციის ფილიალი, თბილისის შემდეგ, პირველად ბათუმში გაიხსნა. ახალი PSP აფთიაქი, უამრავი ახალი ბრენდით, მათ შორის ნიშ პარფიუმის სუნამოების მრავალფეროვანი არჩევანით, სადიაგნოსტიკო სივრცეებით, მკაფიოდ გამოყოფილი ნავიგაციებით, სიახლეებით, ინოვაციებით, მომხმარებელს ყიდვის სრულიად ახალ გამოცდილებას სთავაზობს. PSP-ის ახალი კონცეფციის აფთიაქი  არ არის მხოლოდ სააფთიაქო სივრცე — ეს არის ადგილი, სადაც პროდუქტები, პრემიუმ მომსახურება,  და თანამედროვე ტექნოლოგიები ერთიანდება მომხმარებელზე ორიენტირებულ ეკოსისტემაში. კონცეფცია მომხმარებელს შოპინგის ახალ გამოცდილებას სთავაზობს, რომელიც არამხოლოდ გამარტივებულია, არამედ მორგებულია თანამედროვე ადამიანების ცხოვრების სწრაფ ტემპსა და მოლოდინებზე.საზეიმო ლენტი PSP-ს ადმინისტრაციულმა დირექტორმა მამუკა ბრეგვაძემ და აჭარის რეგიონალურმა მენეჯერმა ლუიზა საღარეიშვილმა გაჭრეს. ახალი კონცეფციის აფთიაქის საზეიმო გახსნას აჭარის რეგიონის ჯანდაცვის სფეროს წარმომადგენლები, ინფლუენსერები და ცნობილი სახეები დაესწრნენ. ახალი ფილიალის გახსნასთან დაკავშირებით, მთელი ზაფხულის განმავლობაში და არა მხოლოდ, ადგილზე მისული მომხმარებელი დამატებით მიიღებს უფასო სერვისებს, სხვადასხვა სახის სადიაგნოსტიკო და სასკრინინგო მომსახურებას.PSP-ს ახალი ზაფხულის კამპანიის „კანის მაშველების“ ფარგლებში, მომხმარებელს შესაძლებლობა ექნება, მზის სტენდთან იღბლიან ბორბალის დატრიალებით მიიღოს დამატებითი საზაფხულო საჩუქრები.  PSP-ს სიახლეების, სერვისებისა და შეთავაზებების შესახებ ინფორმაცია მუდმივად ახლდება და მომხმარებელს შეუძლია თვალი ადევნოს პსპ აფთიაქის ფეისბუქ გვერდს.           "ერთი წლის წინ  პირველი სრულიად ახალი კონცეფციის აფთიაქი პეკინის 14 ნომერში გავხსენით, სწორედ იმ ადგილას, სადაც 30 წლის წინ, 1994 წელს, PSP-ს პირველი აფთიაქი გაიხსნა. ბათუმში კი ჯერჯერობით ეს  პირველი ახალი კონცეფციის სივრცეა, რომელიც თითოეულ მომხმარებელს თავს სრულიად განსხვავებულ გარემოში აგრძნობინებს, უმარტივებს ყიდვის პროცესს და უზოგავს დროს.  თანამედროვე ციფრულ სერვისებთან ერთად, ფარმაცევტებისა და კონკსულტანტების გამოცდილება და პროფესიონალიზმი, მომხმარებელს ეხმარება კონკრეტულად მის საჭიროებაზე მორგებული არჩევანითა და მაღალი ხარისხის სერვისით ისარგებლოს“- აცხადებენ PSP-ში.PSP ზრუნავს, რომ მომხმარებლის გონივრული გადაწყვეტილების მიღების პროცესი უფრო სასიამოვნო გახადოს ახალი აფთიაქის განსაკუთრებულ გარემოში.   

ქართველ მომხმარებელს უკვე შეუძლია შეიძინოს არომათერაპიის სფეროს ლიდერი ბრენდი ფიურესენშელი (Puressentiel) PSP-ს აფთიაქებში.სახელწოდება Puressentiel ასახავს ბრენდის ბუნებრივ, სუფთა და აუცილებელ ინგრედიენტებზე დაფუძნებულ ფილოსოფიას - ეთერზეთების გამოყენებას ჯანმრთელობისა და ყოველდღიური კომფორტისთვის. პროდუქციის მრავალფეროვანი ასორტიმენტი გამოირჩევა სწრაფი მოქმედებით, სასიამოვნო სურნელით და ტექსტურით, უსაფრთხოების მაღალი სტანდარტებით ბავშვებისთვის, ორსულებისთვის, მგრძნობიარე კანისთვის. ყველა პროდუქტი იწარმოება საფრანგეთში, კერძოდ, დრომის რეგიონში, მსოფლიოს სხვადასხვა წერტილშიმოპოვებული მცენარეების გამოყენებით.კომპანიის სპეციალიზაციაა 100%-ით სუფთა, ბუნებრივი, მაღალი ხარისხის ეთერზეთებსა და მცენარეული ექსტრაქტებზე დამზადებული გამაჯანსაღებელი პროდუქტების წარმოება.პროდუქცია არ შეიცავს სინთეზურ კონსერვანტებს, საღებავებს, არომატიზატორებს ან ქიმიურ ინგრედიენტებს.ბრენდის უნიკალურობას ქმნის პროდუქციის გამოშვების ინოვაციური ფორმები და გამოყენების სიმარტივე: როლერი, ინჰალატორი, გელი, სპრეი, საწუწნი ტაბლეტები და ა.შ. კომპანიის მისიაა „გახადოს ბუნება ყველასთვის ხელმისაწვდომი“.ზაფხულის პერიოდის გათვალისწინებით განსაკუთრებულ აქტუალობას იძენს ბუნებრივ ეთერზეთებზე შექმნილი მწერების ნაკბენის საწინააღმდეგო საშუალებები, რომელიც არა მხოლოდ იცავს მწერების ნაკბენისგან, არამედ ხელს უწყობს უკვე არსებული გაღიზიანების, ქავილისა და შეშუპების სწრაფ შეჩერებას. უსაფრთხო ფორმულა, რომელიც არ შეიცავს პარაფინებს, სინთეზურ საღებავებსა და არომატიზატორებს, თამამად გამოყენების საშუალებას იძლევა ბავშვებსა და მგრძნობიარე კანის მქონე ადამიანებისთვისაც. დამატებით, ბუნებრივი ინგრედიენტები უზრუნველყოფენ სასიამოვნო სურნელს.განსაკუთრებით სიცხისა და ხანგრძლივი ფიზიკური აქტივობის ფონზე, ხშირად ვაწყდებით ფეხების სიმძიმის, შეშუპებისა და სისხლის მიმოქცევის შეფერხების პრობლემებს. მაღალი ტემპერატურა აუარესებს ვენურ ცირკულაციას, განსაკუთრებით მათთვის, ვინც დიდხანს დგას ან ზის.ცირკულაციის სპრეი ამ შემთხვევაში იდეალურ გადაწყვეტას გთავაზობთ გამაგრილებელი ეფექტით, რაც სწრაფად ამცირებს დაღლილობის და სიმძიმის შეგრძნებას ფეხებში. განსაკუთრებით ეფექტურია ცხელ დღეებში და იდეალურია მოგზაურობისას, ხანგრძლივი დგომის ან ჯდომის შემდეგ.ამასთან პროდუქციის ასორტიმენტი მოიცავს როგორც რესპირატორულ, კუნთებისა და სახსრების, სტრესისა და თავის ტკივილის საწინააღმდეგო პროდუქტებს, ასევე სისხლის მიმოქცევის გასაუმჯობესებელ და გამწმენდ-სადეზინფექციო მრავალეფროვან პროდუქციას.„სახელწოდება ორი ფრანგული სიტყვის კომბინაციაა - Pur - სუფთა, რაც ასახავს კომპანიის ერთგულებას მაღალი ხარისხის ბუნებრივი ინგრედიენტების მიმართ და Essentiel - აუცილებელი, ეთერზეთები, რაც კომპანიის პროდუქციის საფუძველია.კომპანიას დაფუძნებულია სამ ძირითად ღირებულებაზე „NATURAL, COMMITMENT, PERFORMANCE“ - „ბუნებრივი წარმოშობის, პასუხისმგებლობით შექმნილი და ეფექტური შედეგისთვის ორიენტირებული პროდუქცია.“ კომპანია დაარსდა 2005 წელს იზაბელ და მარკო პაკიონების მიერ პარიზში. ფურესენშელის დაარსებით მათ შექმნეს პირველი არომათერაპიის ლაბორატორია, ადამიანისა და ბუნების სრული პატივისცემით. კომპანია ქმნის პროდუქტებს, რომლებიც აერთიანებს ბუნებრივი ეთერზეთების და მეცნიერების შესაძლებლობებს ჯანმრთელობის და ყოველდღიური კეთილდღეობის მხარდასაჭერად.პროდუქციის ორგანულობა, ეფექტურობა, უსაფრთხოება და მაღალი ხარისხი დადასტურებულია კლინიკური კვლევებით და ბრენდს აქვს არაერთი საერთაშორისო სერტიფიკატით.ქართველ მომხმარებელს უკვე შეუძლია გაეცნოს ეთერზეთების ბუნებრივ გამაჯანსაღებელძალას მსოფლიოს წამყვანი და ევროპის N1 არომათერაპიის ბრენდისგან“- აცხადებენ PSP-ში.

არსებობს გონივრული ეჭვი, რომ ჩანაცვლებითი თერაპიების კერძო ცენტრებში სათანადოდ არ ხდება დოზის შემცირება ან ხდება ამა თუ იმ პაციენტისთვის, გარკვეული ინტერესის გამო, დოზის მატება. ამის შესახებ პარლამენტის ჯანდაცვის კომიტეტის თავმჯდომარემ ზაზა ლომინაძემ პარლამენტის სესიაზე, იმ ცვლილებების წარდგენისას ისაუბრა, რომელთა შედეგად ჩანაცვლებითი თერაპიისა და ფსიქოტროპული მედიკამენტების იმპორტის სფეროში კერძო სექტორის მონაწილეობა იკრძალება და ეს პროცესი მთლიანად სახელმწიფოს ხელში გადადის. დაგეგმილი ცვლილებებით 15 აგვისტოდან ნარკომანიის ჩანაცვლებითი თერაპიის განხორციელება სრულად სახელმწიფოს დაქვემდებარებაში იქნება და ამ მომსახურების გაწევა კერძო სუბიექტებს აეკრძალება. 1 ოქტომბრიდან კერძო კომპანიებს ფსიქოტროპული მედიკამენტების იმპორტი სრულად ჩამოერთმევათ და ეს მიმართულებაც სახელმწიფოს პრეროგატივა გახდება. ცვლილებების მიზეზებზე საუბრისას, ზაზა ლომინაძემ განაცხადა, რომ იყო შემთხვევები, როცა ჩანაცვლებითი თერაპიის პროგრამის ბენეფიციარი ორივე პროგრამაში მონაწილეობდა, ცვლილებების შემდეგ კი ეს გამორიცხული იქნება და აღრიცხვიანობა  მოწესრიგდება. ლომინაძის ინფორმაციით, ჩანაცვლებითი თერაპიის პროგრამას 20 კერძო და 21 სახელმწიფო კლინიკა ახორციელებს.  კერძო ობიექტები, მართალია, საქართველოს მასშტაბითაა გადანაწილებული, მაგრამ ეს არ არის მუნიციპალიტეტების პრინციპით და ზოგჯერ ერთი ცენტრი 4-5 მუნიციპალიტეტს ემსახურება. ცვლილებების მიზანი კი, ლომინაძის განმარტებით, არის ის, რომ ეს ცენტრები ან ადგილზე ჩანაცვლდება, ან მოძიებული იქნება ახალი ადგილი, რისთვისაც სახელმწიფოს მზაობა აქვს. რაც შეეხება მედპერსონალს, რომელიც, ცენტრების ნაწილის წარმომადგენლების თქმით, გაურკვეველ მდგომარეობაშია, ზაზა ლომინაძის თქმით, მათ სახელმწიფო პროგრამაში მონაწილეობა შეეთავაზებათ, რადგან ნარკოლოგები დეფიციტური პროფესიის წარმომადგენლები არიან და მათი რესურსი საჭიროა.