1741418995
ჯანდაცვის მინისტრმა ღვაწლმოსილ, დამსახურებულ ექიმებს, იაშვილის კლინიკის ჰემატოლოგ ციალა ჩინჩალაძეს და ინფექციური საავადმყოფოს შიდსის სადიაგნოსტიკო ლაბორატორიის ხელმძღვანელს მანანა ღვაბერიძეს 8 მარტი მიულოცა.
მიხეილ სარჯველაძემ, ექიმებს, ქვეყნისა და პაციენტებისთვის გაწეული სამსახურისთვის მადლობა გადაუხადა და აღნიშნა, რომ მათი წვლილი სამედიცინო სფეროს განვითარებისთვის უმნიშვნელოვანესია.
მიუხედავად ბოლო წლებში გადადგმული ნაბიჯებისა, ჯანდაცვაზე გადახდილი თანხა მოსახლეობის მნიშვნელოვანი ნაწილის გაღარიბებას იწვევს და ყველაზე დიდ ტვირთად მედიკამენტებზე ჯიბიდან გაწეული ხარჯი აწვება საზოგადოებას. ამის შესახებ საუბარია ფონდ „კურაციოს“ კვლევაში „ჯანდაცვის სფეროს ბარომეტრი. საქართველოში ჯანდაცვაზე გაწეული ხარჯების ფინანსური ტვირთი მოსახლეობისთვის: გამოწვევები და პერსპექტივები.“ ფონდის ინფორმაციით, ბარომეტრში გამოყენებული ინფორმაცია ეყრდნობა როგორც პირველადად შეგროვებულ თვისებრივ მონაცემებს - ინტერვიუებს, ასევე, სტატისტიკის ეროვნული სამსახურის შინამეურნეობების შემოსავლებისა და ხარჯების კვლევის რაოდენობრივი მონაცემების ანალიზს.კვლევის მიხედვით, ბოლო წლების განმავლობაში შემცირდა ჰოსპიტალურ სერვისებზე გაწერული ხარჯის ხვედრითი წილი და შინამეურნეობების ყველაზე დიდი ხარჯი მედიკამენტებზე მოდის (75-79%).კვლევაში აღნიშნულია, რომ დასახელებული ხარჯებისგან ყველაზე დაუცველი შინამეურნეობების უღარიბესი 20%-ია, რომელთაც ყავთ სულ მცირე ერთი წევრი ქრონიკული დაავადებით და/ან შშმ პირი.„ამ პრობლემის გადასაჭრელად სახელმწიფომ რამდენიმე მნიშვნელოვანი ცვლილება განახორციელა, რომელთაგანაც ყველაზე დიდი პოზიტიური ეფექტის მქონე იყო ქრონიკული დაავადების მედიკამენტებით უზრუნველყოფის პროგრამა და გარე რეფერენტული ფასწარმოქმნის პოლიტიკა. 2017 წელს დანერგილი ქრონიკული დაავადების მქონე პირებისთვის მედიკამენტებით უზრუნველყოფის პროგრამა, განსაკუთრებით მის ადრეულ ფაზაში მოიცავდა მოსახლეობის მცირე ნაწილს, ჰქონდა დაბალი ბიუჯეტის ათვისება და პროგრამის შესახებ მოსახლეობის ინფორმირებულობაც დაბალი იყო - შესაბამისად ვერ იცავდა მოსახლეობასგაღარიბებისგან. 2017 წლიდან დღემდე ამ პროგრამამ დიდი გზა განვლო, ბევრი წარმატებული გადაწყვეტილებით და კარგი პროგრესით - გაიზარდა ბენეფიციარების რაოდენობა და მათი ფინანსური დაცულობა. თუმცა, კვლავაც რჩება გამოწვევები. ზემოთ აღნიშნულმა ცვლილებებმა 2022 წლის ბოლოს ინიცირებულ გარე რეფერენტული ფასწარმოქმნის პოლიტიკასთან ერთად დადებითი შედეგი გამოიღო და შეამცირა მოსახლეობის დანახარჯი მედიკამენტებზე. მაგრამ ეს ჯერ საკმარისი არ არის და აუცილებელია ამ მიღწევების შემდგომი გაფართოვება,“ - წერია დოკუმენტში.კვლევაში აღნიშნულია, რომ ქრონიკული დაავადებების მედიკამენტებით უზრუნველყოფის პროგრამის ბიუჯეტი წლების განმავლობაში იზრდებოდა და 2024 წელს ამ თანხამ 58 მილიონ ლარს გადააჭარბა, რაც პროგრესია, მაგრამ მოცულობით მაინც მწირია, რადგან შინამეურნეობების დანახარჯმა წამლებზე ამავე წელს 1 მილიარდ ლარს გადააჭარბა.ამ ყველაფრის გათვალისწინებით, „კურაციო“ შემდეგ რეკომენდაციებს იძლევა:1. გაიზარდოს ქრონიკული მედიკამენტების პროგრამის სახელმწიფო დაფინანსების მოცულობა და დამატებითი ფინანსები ფოკუსირდეს მოსახლეობის მოწყვლად ფენაზე, რომელიც სიღარიბის დახმარების მიმღებად ირიცხება;2. ამ ჯგუფებისთვის გაფართოვდეს პროგრამით დაფინანსებული ქრონიკული მდგომარეობების და შესაბამისი მედიკამენტების ნუსხა;3. გაძლიერდეს პირველადი ჯანდაცვის როლი ბენეფიციარებისთვის პროგრამის სარგებლის მიწოდებაში და შესაბამისად სამიზნე მოსახლეობის ინფორმირებულობაში;4. გაიზარდოს მოსახლეობის მოცვა იმ რეგიონებში, სადაც ჯერჯერობით მოცვის დონე საშუალო ეროვნულზე დაბალია;5. გაგრძელდეს გარე რეფერენტულ ფასწარმოქმნის მექანიზმზე მუდმივი მონიტორინგი, რათა დროულად მოხდეს საჭირო ადაპტაციები და შენარჩუნდეს და გაძლიერდეს მოსახლეობაზე ამ პოლიტიკის პოზიტიური ფინანსური ეფექტი;6. გააქტიურდერს პროგრამის მიერ შეთავაზებული სარგებელის შესახებ მოსახლეობისთვის ინფორმაციის მიწოდება ეფექტური საინფორმაციო არხების გამოყენებით.
ფარმაცევტული წარმოების მიმართ ტრამპის სატარიფო პოლიტიკამ შესაძლოა, დაარღვიოს მსოფლიო ვაჭრობის ორგანიზაციის მიერ დაწესებული წესები, რომლის წევრიც აშშ-ცაა. ამის შესახებ ანალიტიკოსების ნაწილი, ტრამპის სატარიფო პოლიტიკის შესაძლო შედეგებზე საუბრისას აცხადებს.თემაზე Cnbc წერს. როგორც ცნობილია, ტრამპი აპირებს, 25%-იანი ტარიფები დააწესოს აშშ-დან ექსპორტზე. მანამდე ამერიკის პრეზიდენტმა განაცხადა, რომ განიხილავს 25%-იანი ფიქსირებული ტარიფების შემოღებას ფარმაცევტული პრეპარატების, ავტომობილებისა და ჩიპების იმპორტზე.შექმნილ ვითარებაში ევროპულმა ფარმაცევტულმა კომპანიებმა უკვე დაიწყეს აშშ-ის საიმპორტო გადასახადის შესაძლო ზრდისთვის მზადება. ზოგიერთ კომპანიაში „ტარიფების სპეციალური ჯგუფებიც“ კი შეიქმნა. ვაჭრობის მსოფლიო ორგანიზაციის 1994 წლის ფარმაცევტული შეთანხმების თანახმად, ფარმაცევტული პროდუქტებისა და ნედლეულის უმეტესობაზე, რომელიც პრეპარატების წარმოებაში გამოიყენება, არსებობს ზღვარი, რომლის ზევითაც საბაჟო გადასახადი ნულოვანია.Sydbank-ის ფარმაცევტული აქციების ანალიტიკოსი სორენ ლონთფორტი ამბობს, რომ, როგორც ჩანს, ტრამპის ადმინისტრაციას არ აღელვებს, დაირღვევა თუ არა ვაჭრობის მსოფლიო ორგანიზაციის წესები.ამასთან, თეთრ სახლში CNBC-სთვის არ მიუციათ კომენტარი სავაჭრო წესების შესაძლო დარღვევასთან დაკავშირებით. მსოფლიო სავაჭრო ორგანიზაციის სამდივნოში კი განაცხადეს, რომ მათი წევრების კონკრეტულ ქმედებებზე კომენტარს არ აკეთებენ, თუმცა დაამატეს, რომ ორგანიზაციის წევრებს შეუძლიათ შეშფოთების გამოთქმა სხვა წევრების საქციელზე ან დავების დარეგულირების პროცედურების დაინიცირება. ტრამპის წინადადებების გაურკვევლობა ევროპული კომპანიებისთვის სერიოზული თავის ტკივილია. ისინი ელიან, რომ ტარიფების ზრდა მათ ძალიან დააზარალებს. ING-ის გათვლებით, 2024 წელს შტატებში 560 მილიარდი დოლარის ფარმაცევტული პროდუქცია მოიხმარეს, საიდანაც მესამედზე მეტი იმპორტირებული იყო ძირითადად, ირლანდიიდან, გერმანიიდან და შვეიცარიიდან.ექსპერტების თქმით, სწორედ ესაა ქვეყნები, რომლებიც განსაკუთრებით დაზარალდებიან, თუკი საფრთხე რეალობად იქცევა.ტრამპის სატარიფო პოლიტიკის ერთ-ერთი გაცხადებული მიზანია აშშ-ის შიდა წარმოების სტიმულირება. Pfizer-ის გენერალური დირექტორი ალბერტ ბურლა ფიქრობს, რომ მათ შესაძლოა, თავისი საზღვარგარეთის წარმოება შტატებში გადაიტანონ, რათა მაღალი ხარჯები შეამცირონ.გერმანულ კომპანია Fresenius Medical Care-ში კი აცხადებენ, რომ ტარიფები, დიდი ალბათობით, დიალიზის აპარატებისა და სახარჯი მასალების აშშ-სთვის მიწოდებაზე აისახება.ექსპერტების ნაწილი დარწმუნებულია, რომ დამატებითი გადასახადები კიდევ უფრო გაზრდის აშშ-ის ჯანდაცვის ისედაც მაღალ ტარიფებს.„ბევრ კომპანიას აქვს მიწოდების გლობალური ჯაჭვი. ამიტომ, ამა თუ იმ ფორმით, ეს ზიანს მიაყენებს ან კომპანიებს, ან პაციენტებს, ანდაც ამერიკული ჯანდაცვის რთული სისტემის სხვა წევრებს,“ - განაცხადა Sydbank-ის წარმომადგენელმა.
Pfizer-ი შეშფოთებულია დონალდ ტრამპის გეგმებით, ევროკავშირის საქონელზე გადასახადები დააწესოს. ევროკავშირში კი მედიკამენტების მწარმოებელს საკუთარი საწარმოები აქვს. ამის შესახებ კომპანიის დირექტორმა ალბერტ ბურლამ განაცხადა.„ბლუმბერგი“ წერს, რომ ჩინეთის, ასევე მექსიკისა და კანადის მიმართ გადასახადის დაწესება Pfizer-ზე, დიდი ალბათობით, არ მოახდენს გავლენას. თუმცა, კომპანიას აქვს მინიმუმ 10 ქარხანა ევროპაში. “ჩვენ ველოდებით, როდის დავინახავთ, თუ როგორ აისახება ეს ადგილობრივ ტარიფებზე, თუმცა ჩინეთს, კანადასა და მექსიკას ისინი ჯერ არ შეეხება,“ - განაცხადა ფარმაცევტული გიგანტის ხელმძღვანელმა.ფარმაცევტული პრეპარატები, როგორც წესი, საბაჟო გადასახადისგან თავისუფლდება, რადგან მათ ჯანდაცვის სფეროსთვის სასიცოცხლო დანიშნულება აქვთ. ტრამპმა ამ სექტორისთვის იმპორტის გადასახადის დაწესების გეგმების შესახებ აშშ-ის წარმოების სექტორის გაზრდის გეგმების ფარგლებში განაცხადა. შეგახსენებთ, რომ ტრამპი გეგმავს, აპრილის დასაწყისიდან აშშ-ში ავტომობილების, ნახევარგამტარ კომპონენტებსა და ფარმაცევტულ პროდუქციაზე 25%-იანი საბაჟო გადასახადი დააწესოს.გადაწყვეტილება შესაძლოა უკვე 2 აპრილიდან ამოქმედდეს. ამასთან, ტრამპმა თქვა, რომ სურს, იმპორტზე ახალი გადასახადის გამოცხადებამდე კომპანიებს მისცეს დრო ახალ ვითარებასთან შესაგუებლად. ახალი ზომები ეტაპობრივად ამოქმედდება, რათა კომპანიებს ჰქონდეთ მცირე შანსი, საწარმოები აშშ-ში გადაიტანონ. ამერიკის პრეზიდენტს არ დაუკონკრეტებია, დამატებითი გადასახადები გარკვეულ ქვეყნებს შეეხება თუ მთელი მსოფლიოს იმპორტს აშშ-ში.
ქართულ ფარმაცევტულ ბაზარზე ადგილობრივი წარმოების მედიკამენტების წილი 12%-მდეა, ხოლო იმისთვის, რომ მომხმარებელმა მეტი სარგებელი მიიღოს ფასების კუთხით, ეს მაჩვენებელი 20-30% მაინც უნდა გაიზარდოს.ამის შესახებ გადაცემა „ბიზნესპარტნიორში“ საქართველოს ფარმაცევტთა ასოციაციის პრეზიდენტმა ლევან გოგიბერიძემ განაცხადა. ამასთან, მან ხაზი გაუსვა, რომ აქ საუბარი არაა ხარისხზე და ამ კუთხით ადგილობრივად წარმოებულ მედიკამენტებს არანაირი ხარვეზი არ აქვს. გოგიბერიძემ აღნიშნა, რომ GMP სტანდარტი ამ ეტაპზე 4 ქართულ ფარმაცევტულ საწარმოს აქვს მიღებული, ხოლო რამდენიმე ქარხანა ამ სერტიფიკატის მისაღებად ემზადება, რისთვისაც სარკონსტრუქციო და სხვა სახის სამუშაოებს აწარმოებს. „ცალსახად შემიძლია გითხრათ, რომ ადგილობრივი მწარმოებლების მიერ წარმოებული მედიკამენტების ხარისხის მიმართ რაიმე პრეტენზია ვერ იქნება ვერც ადგილობრივ და ვერც საერთაშორისო ბაზარზე. საერთაშორისო ბაზრებში ვგულისხმობ ევროპის მიმართულებას, აზიაში და ჩვენს სამეზობლოში ექსპორტი ისედაც უპრობლემოდ ხდება. ევროპის მიმართულება უფრო რთულია იქიდან გამომდინარე, რომ ჩვენი ქვეყნის მარეგულირებელი გაწევრიანებული უნდა იყოს ევროპის მარეგულირებელ ორგანოში და ჩვენი GMP-სტანდარტი უნდა იყოს მათ მიერ აღიარებული. სწორედ ამის შემდეგ ეხსნება გზა ადგილობრივად წარმოებულ მედიკამენტებს ევროპაში. კიდევ ერთხელ გავიმეორებ, რომ ხარისხის და ეფექტიანობის მიმართულებით ქართული წარმოების მედიკამენტებს ხარვეზი და ნაკლი ნამდვილად არ გააჩნია,“ - აღნიშნა ლევან გოგიბერიძემ.მისივე თქმით, ქართული წარმოების მედიკამენტები სრულად ვერ ფარავს ადგილობრივ ბაზარზე არსებული მოთხოვნას და ის ბაზრის მხოლოდ 11-12%-ს შეადგენს. შესაბამისად, ექსორტზე ვართ დამოკიდებული, მით უმეტეს, რომ GMP-სტანდარტის მქონე 4 საწარმოც ყველა მიმართულებით ვერ მუშაობს. „რაც მეტი წარმოება გაივლის GMP-სერტიფიცირებას, მით უფრო დადებითად აისახება ეს ფასზე. 20-30% რომ იყოს ადგილობრივი წარმოების ნიშა, ეს იქნებიოდა ძალიან კარგი პირველ რიგში მომხმარებლებისთვის, რადგან ადგილობრივი პროდუქცია გაცილებით კონკურენტუნარიანია ფასების მიმართულებით. ხარისხთან მიმართებაში კი, როგორც უკვე ვთქვი, პრეტენზია ვერ გვექნება,“ - განაცხადა ლევან გოგიბერიძემ. მისი თქმით, ბოლო პერიოდში სექტორთან ჯანდაცვის სამინისტროს კომუნიკაცია გაუმჯობესდა, ამასთან, მისივე აზრით, ამ სფეროს სახელმწიფოს მხრიდან მეტი ხელშეწეყობა სჭირდება, რომ ქართულ ბაზარზე ადგილობრივი წარმოების მეტი მედიკამენტი იყოს. ლევან გოგიბერიძის თქმით, სექტორის წარმატებისა და სახელმწიფოსთან თანამშრომლობის შედეგია, რომ დღეს საქართველოში რაიმე მოლეკულის დეფიციტი არ გვაქვს.ცნობისთვის: GMP სერტიფიკატი საქართველოში ბოლოს „ბიოქიმფარმმა“ მოიპოვა. ისაა მეოთხე საწარმო ქვეყანაში, რომელიც აღნიშნულ სერტიფიკატს ფლობს. მანამდე ეს სერტიფიკატი მიიღეს „ავერსი რაციონალმა “, „ჯი ემ ფარმასიუთიქალმა “ (PSP-ს საწარმო) და ანტიბიოტიკების მწარმოებელმა კომპანია „აბიფარმმა“. GMP-სტანდარტის ფლობის ვალდებულება საქართველოში მოქმედი ფარმაცევტული საწარმოებისთვის 2022 წლის იანვრიდან ამოქმედდა.ესაა სტანდარტი, რომელიც ითვალისწინებს მაღალი ხარისხის, წარმოებისთვის უსაფრთხო შენობა-ნაგებობების, მიკრობიოლოგიური ლაბორატორიების, წყლის და ჰაერის ვენტილაციის სისტემის დანერგვას და სხვა მკაცრი მოთხოვნების დაკმაყოფილებას.
ევროპის ფარმაცევტული კომპანიები „ტრამპის გადასახადის“ ნეგატიური შედეგებისთვის ემზადებიან
„ფონდი კურაციო“: შინამეურნეობების ყველაზე დიდი ხარჯი - 75-79% მედიკამენტებზე მოდის
"2025 წელს ველნეს ტურიზმიდან შემოსავლები $978 მლრდ-მდე გაიზრდება" - გლობალური ველნეს ინსტიტუტი
ტატუ კიბოს რისკს ზრდის - ევროპელი მეცნიერების ახალი კვლევის შედეგები
აზიის სამედიცინო ტურიზმი ძლიერ აღმასვლას განიცდის - რა განაპირობებს მის წარმატებას
