დავით ონოფრიშვილი დაზღვევის ზედამხედველობის სამსახურის ხელმძღვანელის თანამდებობაზე მომდევნო 5 წლის განმავლობაშიც იქნება. ამის შესახებ მთავრობის განკარგულებიდან ხდება ცნობილი.
განკარგულების მიხედვით, დავით ონოფრიშვილი აღნიშნულ თანამდებობაზე 2024 წლის 12 თებერვლიდან დაინიშნა.
შეგახსენებთ, დავით ონოფრიშვილი დაზღვევის ზედამხედველობის სააგენტოს 2019 წლის 8 თებერვლიდან ხელმძღვანელობს. 2012 - 2016 წწ-ებში იყო საქართველოს პარლამენტის მაჟორიტარი დეპუტატი საქართველოს პარლამენტის საფინანსო-საბიუჯეტო კომიტეტის თავმჯდომარე, საქართველოს პარლამენტის ჯანდაცვისა და სოციალურ საკითხთა კომიტეტის წევრი, ასევე ენერგეტიკის ქვეკომიტეტის თანათავმჯდომარე. საქართველოს პარლამენტის აშშ კონგრესთან მეგობრობის ჯგუფის წევრი.
2004 - 2005 წლებში იყო შპს „საქართველოს რკინიგზის" გენერალური დირექტორი.
bp.ge