დაზღვევის ბაზარზე, მოზიდული პრემიის წილი ყველაზე მაღალი - 42,39 პროცენტი, სამედიცინო დაზღვევაზე მოდის. წინა წელთან შედარებით (42,02%) ეს მაჩვენებელი მცირედითაა გაზრდილი.
მეორე ადგილზეა ავტომობილების დაზღვევა 20,35%-ით, მესამეზე კი ქონების დაზღვევა 10,50%-იანი წილით.
აღნიშნული მონაცემები დაზღვევის სახელმწიფო ზედამხედველობის სამსახურმა გაავრცელა. სტატისტიკის თანახმად, 2024 წელს სადაზღვევო კომპანიებმა 1 259 396 138 ლარის ინვესტიციები მოიზიდეს.
ამავე პერიოდის ინფორმაციით, მზღვეველების სადაზღვევო მოგებამ 307 მილიონი ლარი შეადგინა, წმინდა მოგებამ კი 127 მილიონი ლარი. (2023 წლის ანალოგიურ პერიოდში - წმინდა მოგება 73,5 მლნ იყო).
სამედიცინო დაზღვევით საქართველოს მოსახლეობის 20% სარგებლობს.