1771326326
2025 წლის მონაცემებით, რომლებსაც შინაგან საქმეთა სამინისტრო ავრცელებს, საგზაო-სატრანსპორტო შემთხვევების შედეგად ქვეყანაში 469 ადამიანი დაიღუპა და 8191 დაშავდა. ეს მაჩვენებლები წინა წლის იგივე მონაცემებს აღემატება.
კერძოდ. 2024-ში გზებზე მომხდარი ავტოავაროების შედეგად 444 ადამიანი დაიღუპა, დაშავდა 7 587 მოქალაქე. 2023 წელს დაღუპულთა მაჩვენებელი 442 იყო, ხოლო დაშავებულთა 7 310.
რაც შეეხება 2022 წელს, ავტოკატასტროფებში დაიღუპა 430 ადამიანი, დაშავდა - 7 517.
პარლამენტი „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ კანონში ცვლილების განხილვას იწყებს, რომლის ინიციატორიც საქართველოს მთავრობაა.ცვლილებების თანახმად, ნარკოტიკული საშუალებების, ფსიქოტროპული ნივთიერებების და პრეკურსორების ჩამონათვალს ახალი ნივთიერებები ემატება.კერძოდ, კანონპროექტით „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“კანონის №1 დანართით გათვალისწინებულ ბრუნვისათვის მკაცრად შეზღუდული ნარკოტიკული საშუალებების ნუსხას 15 ახალი ნივთიერება, ფსიქოტროპული ნივთიერებების ნუსხას - ერთი, ხოლო პრეკურსორების სიის ცხრილს 18 ნივთიერება ემატება.ამავე კანონის №2 დანართით (უკანონო მფლობელობიდან ან ბრუნვიდან ამოღებული ნარკოტიკული საშუალებებისა და ფსიქოტროპული ნივთიერებების მცირე, დიდი და განსაკუთრებით დიდი ოდენობების ნუსხა) გათვალისწინებულ „ნარკოტიკული საშუალებების ნუსხას ემატება 15, ხოლო „ფსიქოტროპული ნივთიერებების" ნუსხას - ერთი ახალი ნივთიერება.პარლამენტის ბიურომ კანონპროექტზე წამყვან კომიტეტად ჯანმრთელობის დაცვისა და სოციალურ საკითხთა კომიტეტი განსაზღვრა.
სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის პირველი სხდომა ხვალ გაიმართება. სხდომა 12 საათზეა ჩანიშნული. პირველი სხდომა დაეთმობა ადგილობრივი ხორცპროდუქტების, რძის პროდუქტების და კვერცხის მწარმოებელი კომპანიების მონაწილეობით ბაზრის სტრუქტურის, ფასწარმოქმნის ჯაჭვის და სექტორის საოპერაციო პროცესების განხილვაა.შეგახსენებთ: პრემიერმა 2025 წლის ბოლოს განაცხადა, რომ სასურსათო პროდუქტებზე ქართულ და ევროპულ ფასებს შორის სხვაობა ძალიან დიდია. პრობლემის მოსაგვარებლად შეიქმნა სამთავრობო კომისია, რომლებშიც სხვადასხვა სამინისტროსა და უწყების ხელმძღვანელი პირები შედიან. საკითხის შესასწავლად შეიქმნა სპეციალური საპარლამენტო კომისიაც.
მედიკამენტებზე რეფერენტულ ფასებს ჰქონდა სერიოზული შედეგი, – ამის შესახებ საქართველოს პრემიერ-მინისტრმა, ირაკლი კობახიძემ ტელეკომპანია „რუსთავი 2“-ის გადაცემა „დებატებში“ განაცხადა.პრემიერის თქმით, ამან გამოიწვია ძირითადი მოხმარების მედიკამენტების ძალიან ფართო სპექტრზე რეალურად ფასების დაბალანსება და შემცირება.„თავის დროზე, დაახლოებით სამი წლის წინ, შემოღებული იქნა რეფერენტული ფასები. ზოგადად, ერთი რამ შეიძლება ითქვას, რომ ნებისმიერ გადაწყვეტილებას აქვს თავისი პლუს-მინუსები. რეფერენტულ ფასებს ჰქონდა სერიოზული შედეგი. ამან გამოიწვია ძირითადი მოხმარების მედიკამენტების ძალიან ფართო სპექტრზე რეალურად ფასების დაბალანსება და შემცირება. რა თქმა უნდა, ამას თავისი მინუსებიც ჰქონდა, კერძოდ, შეიზღუდა, მაგალითად, ამ შემთხვევაშიც კონკრეტული სახეობის მედიკამენტის შემოტანა. ანალოგიურად მოხდა სხვა მედიკამენტების შემთხვევაში. ეს არის პლუს-მინუსები. მაგრამ პლუსი ამ რეფერენტული ფასების შემოღების იყო ის, რომ, საბოლოო ჯამში, მედიკამენტების ძალიან ფართო სპექტრზე მოხერხდა ფასების შემცირება. იგივე შეიძლება ეხებოდეს სურსათსაც. ჩვენთვის ყველაზე ადვილი იქნებოდა ამ ყველაფრის მიშვება ისე, როგორც არის და საერთოდ არ ჩავერეოდით იმავე სურსათის ფასებში. ჩვენთვის ხომ თავის ტკივილია. ისეთ თემაში შევედით, სადაც, ბუნებრივია, რთულია პრობლემის გადაჭრა, იმიტომ, რომ საქმე ეხება თავისუფალ ბიზნესს, მოთხოვნა-მიწოდებას. რეალურად, მოთხოვნა გაზრდილია იმის გამო, რომ შემოსავლებია გაზრდილი. ამით სარგებლობს ბიზნესი, უფრო ძვირად აწვდის მოსახლეობას სურსათს. რა თქმა უნდა, ეს არის მოთხოვნა-მიწოდება და ამაში ჩარევაზე ვსაუბრობთ, რეალურად. შეიძლება, კეთილშობილური მიზანი გვქონდეს და კეთილშობილურ ფორმებზეც ვფიქრობდეთ, მაგრამ, საბოლოო ჯამში, ეს არის თავისუფალ ბაზარში ჩარევა“, – განაცხადა პრემიერმა.როგორც ირაკლი კობახიძემ აღნიშნა, ეს აუცილებელია იმისათვის, რომ მიზანი იყოს მიღწეული.„მიზანი რა არის, მარტივად, ჩვენი მოქალაქე უყურებს რას, რომ საფრანგეთში რაღაც პროდუქტი რომ ღირს ხუთი ლარი, ჩვენთან ღირს ათი ლარი, მაშინ როდესაც ფრანგ მოქალაქეს ხელფასი მეტი აქვს, ვიდრე საქართველოს მოქალაქეს. ეს არის ობიექტური პრობლემა და გვინდა, რაღაცნაირად შევეხოთ ამ პრობლემას. ბუნებრივია, ამას აქვს თავისი მინუსები. თავის ტკივილიც არის ჩვენთვის, მაგრამ იმის გამო, რომ ეს არის სერიოზული სოციალური საკითხი, გვინდა, ამ თემით დავკავდეთ და გვინდა უფრო მეტიც, რომ პრობლემის გადაჭრის გზები გამოვძებნოთ. იგივე იყო მედიკამენტების ფასების შემთხვევაში და იგივე სურსათზე ფასების შემთხვევაშიც. ამიტომ, ყველასთან, მეწარმეებთან, დისტრიბუტორებთან, ქსელებთან ერთად, გვინდა, ვიმსჯელოთ იმასთან დაკავშირებით, თუ როგორ შეიძლება, ყველაზე სწორი ფორმით მოვახერხოთ მოსახლეობისთვის ამ სოციალური ტვირთის შემცირება. ამასაც თავისი მინუსები აქვს, ბუნებრივია, იმიტომ, რომ გამოვედით და ვსაუბრობთ ბიზნესთან დაკავშირებით იმაზე, რომ ნაკლები მოგება მიიღონ. რა თქმა უნდა, რთული პროცესია, მაგრამ ეს არის აუცილებელი იმისთვის, რომ ყველამ ერთად ვიზრუნოთ მოსახლეობისთვის სოციალური ტვირთის შემცირებაზე. რაც შეეხება მედიკამენტებს. ზოგადად, პლუს-მინუსები არსებობს. ზღვარი დაწესდა. ამ ზღვარმა შეიწირა კონკრეტული სახეობის მედიკამენტები, მაგრამ, მეორე მხრივ, ფასებიც შემცირდა. მზად ვართ, კონკრეტული მედიკამენტების შემთხვევაც განვიხილოთ იმისთვის, რომ პრობლემა გადავჭრათ. ამისთვის არის ჯანსაღი დისკუსია და ჯანსაღი მსჯელობა. თუ პრობლემა არის, უნდა ვიფიქროთ პრობლემის გადაჭრაზე და ამისთვის ვართ მზად ნებისმიერ ფორმატში“, – განაცხადა პრემიერ-მინისტრმა.1tv.ge
გუნდის შიგნით გვქონდა საუბარი იმაზე, რომ შეიძლება, სახელმწიფოს მხარდაჭერით ვიზრუნოთ ალტერნატიული მიწოდების ქსელის ჩამოყალიბებაზე, რომელსაც ექნება ფასების რეგულატორის ფუნქცია. ასეთი რამეც კი შეიძლება გაკეთდეს როგორც სურსათის, ისე საწვავისა და მედიკამენტების შემთხვევაში.ამის შესახებ საქართველოს პრემიერ-მინისტრმა, ირაკლი კობახიძემ ტელეკომპანია „რუსთავი 2“-ის გადაცემა „დებატებში“ განაცხადა.მისივე თქმით, გუნდში მიმდინარეობს მსჯელობა სხვადასხვა ალტერნატივაზე ფასების შემცირების მიმართულებით.„შესაძლოა, საერთაშორისო პრაქტიკის შესაბამისად ვიფიქროთ ჩვენ კონკრეტული კანონმდებლობის შემუშავებაზე, მათ შორის, ანტიმონოპოლიური მიმართულებით. ჩვენ გვქონდა გუნდის შიგნით მსჯელობა და იმაზეც კი გვქონდა საუბარი, რომ შეიძლება, სახელმწიფოს მხარდაჭერით ვიზრუნოთ ალტერნატიული მიწოდების ქსელის ჩამოყალიბებაზე, რომელსაც ექნება ფასების რეგულატორის ფუნქცია. ასეთი რამეც კი შეიძლება გაკეთდეს როგორც სურსათის, ისე თუნდაც საწვავისა და მედიკამენტების შემთხვევაში. სხვადასხვა ალტერნატივა, შეიძლება, არსებობდეს, თუმცა მანამდე გვაქვს იმედი, რომ უშუალოდ ბიზნესის მხრიდან მოხდება ფასების შემცირება, რაც,ვფიქრობ, შესაძლებელია“, – აღნიშნა პრემიერმა.
აჭარაში რეაბილიტაციის კურსი 4000-მდე ბავშვს დაუფინანსდება
აჭარის ჯანდაცვის სამინისტრომ ლიპიდდამაქვეითებელი თერაპიის დაფინანსება დაიწყო
ჯანდაცვის მიზნობრივ პროგრამებში 2025 წელს 248 მილიონ ლარზე მეტი დაიხარჯა
AstraZeneca-ს მოგება 45%-ით გაიზარდა - მიზეზი კიბოს საწინააღმდეგო პრეპარატების გაყიდვების ზრდაა
პლასტმასში განთავსებული სასმელების გაყიდვა აიკრძალება - როდიდან იგეგმება რეგულაციის ამოქმედება
