ფარმაცევტულ სექტორს ტრამპის ტარიფები ჯერჯერობით არ ეხება - აზიური მწარმოებლების აქციების ფასები იზრდება

PSP პირველი ფარმაცევტული კომპანიაა აღმოსავლეთ ევროპაში, რომელმაცMicrosoft Dynamic 365 Business Central და LS Retail სრულად დანერგა და ამით მომსახურების ხარისხის, ოპერაციული ეფექტიანობისა და ბიზნეს პროცესების ახალ სტანდარტს ამკვიდრებს.LS Retail არის საცალო გაყიდვებში მსოფლიოში წამყვანი სისტემა, რომელიც დაფუძნებულია Microsoft Dynamics 365 Business Central პლატფორმაზე და სრულად შეესაბამება დასავლურ სტანდარტებს. ეს PSP-სა და Microsoft-ის პარტნიორობის მესამე ეტაპია. ERP მოდულების გამოყენებით კომპანიის ციფრული ტრანსფორმაცია დაიწყო WMS საწყობის მართვის სისტემის დანერგვით, რასაც მოჰყვა ფინანსური პროცესების,შესყიდვებისა და კორპორაციული გაყიდვების მართვის გაუმჯობესება.საწყობის მართვის WMS (Warehouse Management System) სისტემის დანერგვამ 2023წელს მნიშვნელოვნად გაამარტივა საწყობის ოპერაციული საქმიანობა. მედიკამენტების აღრიცხვის სისტემის ოპტიმიზაციამ თითქმის 2-ჯერ გაზარდა შეკვეთების მომზადების სისწრაფე. საწყობის 300-მდე თანამშრომელი დავალებებს მობილური აპლიკაციის საშუალებით ასრულებს. საწყობის სრული ავტომატიზაცია და მარაგების გამჭვირვალე მონიტორინგი საშუალებას აძლევს კომპანიას უფრო სწრაფად და ეფექტურად მართოს მარაგები, შეამციროს შეცდომები და გაზარდოს მომხმარებელთა კმაყოფილება.ERP-ის მოდულების დანერგვა კომპანიაში 2024 წელს გაგრძელდა. PSP-მ Microsoft-ის თანამედროვე ტექნოლოგიები კომპანიის მასშტაბით განავრცო, დანერგა ფინანსური, შესყიდვების და კორპორაციული გაყიდვების მოდულები, რამაც შექმნა მოსამზადებელი ბაზა ERP დანერგვის საბოლოო ეტაპისთვის.2025 წლის მარტიდან PSP-ს საპილოტე აფთიაქებში Microsoft 365 Business Central-ის ერთიანი (ERP) სისტემის სრულად ამოქმედების შედეგად გამარტივდა ასორტიმენტისა და დეფიციტების მართვის სისტემა, ავტომატიზაციის ხარჯზე 50%-ით შემცირდა ფარმაცევტის მომსახურების დრო და, შესაბამისად, რიგები,რაც მომხმარებელთა კმაყოფილების ზრდას უწყობს ხელს.გაყიდვების ანალიტიკის და მოთხოვნის პროგნოზირების გაუმჯობესებამ უფრო მოქნილი გახადა მარაგების მართვა; შესყიდვის პროცესების ავტომატიზაციამ უზრუნველყო ოპერაციული ხარჯების ოპტიმიზაცია და მომხმარებლისთვის ზუსტი, დროული ინფორმაციის მიწოდება სასურველი პროდუქციის ხელმისაწვდომობაზე.„Microsoft 365 Business Central-ის თანამედროვე ტექნოლოგიური გადაწყვეტები ხელს უწყობს ოპერაციული პროცესების გაუმჯობესებას, ბიზნესის გამჭვირვალობას და მომხმარებელთა უკეთეს გამოცდილებას.  პროექტის წარმატებული განხორციელება შესაძლებელი გახდა SMART Business-ის პროფესიონალთა გუნდის მხარდაჭერით. SMART Business არის საქართველოს წამყვანი ERP სისტემების ინტეგრატორი და Microsoft-ის ოფიციალური პარტნიორი. პროექტის განხორციელებით PSP-ს ბიზნეს პროცესების ავტომატიზაცია და ციფრული ტრანსფორმაცია კომპანიის ოპერაციული და ფინანსური მართვის ახალ, უფრო მაღალ სტანდარტს უზრუნველყოფს. ესსიახლე მნიშვნელოვნად აუმჯობესებს მომსახურების ხარისხს და ამკვიდრებს მსოფლიო სტანდარტებს ამ სფეროში.“-აცხადებენ PSP-ში.PSP აგრძელებს ინოვაციების დანერგვას, მომხმარებელზე ორიენტირებულიმაღალი სტანდარტების დასამკვიდრებლად.

თბილისის თავისუფალი ინდუსტრიული ზონის (თიზ) მფლობელის "ზოტი ჰოლდინგის" ერთ-ერთი დამფუძნებლის და თიზ-ის მმართველი პარტნიორის სოსო ნიბლაძის განცხადებით, თბილისის თიზ-ი ფაქტობრივად, ფარმაცევტული პროდუქციის იმპორტ-ექსპორტისა და რეგიონული დისტრიბუციის ჰაბი გახდა.როგორც მან "ბიზნესპარტნიორთან" აღნიშნა, თბილისის თიზ-ში დღეს GDP სტანდარტის ფარმაცევტული საწყობი უკვე ოპერირებს, მეორე ანალოგიური პროექტი სერტიფიცირების პროცესს ასრულებს, ხოლო მესამის დაწყება წლის ბოლომდე იგეგმება."ჩვენ რამდენიმე ახალ მცირე ზომის საინვესტიციო პროექტთან შეთანხმება თითქმის მიღწეული გვაქვს, თუმცა სანამ ხელს არ მოვაწერთ, მანამდე არ გვსურს საუბარი. ეს არ არის მასშტაბური პროექტები, თუმცა გამომდინარე იქიდან, რომ თიზ-ის ტერიტორია 17 ჰა-ს მოიცავს და მასშტაბური პროექტების განხორციელების შესაძლებლობას არ იძლევა, ჩვენი პირდაპირი მიზნობრივი სეგმენტიც მცირე და საშუალო ტიპის სამეწარმეო და სასაწყობე პროექტებია. ვესაუბრებით სხვადასხვა კომპანიას და უახლოესი 3 თვის განმავლობაში ჩავხურავთ ამ შეთანხმებებს. აღნიშნული პროექტები შეეხება ფარმაცევტულ სფეროს, სამშენებლო მასალების ინდუსტრიას, საყოფაცხოვრებო ტექნიკას და სხვა. ჩვენი კომუნიკაციის არხების საშუალებით მუდმივად გავდივართ მიზნობრივ კომპანიებზე, მათთან მიმდინარეობს მოლაპარაკებები და წარმატების კოეფიციენტიც მოლაპარაკებების შედეგად ბევრად მაღალია, ვიდრე ადრე იყო, რადგან პრიორიტეტი ინვესტორების მოთხოვნების გათვალისწინება და მათ საჭიროებებზე მორგებაა. შესაბამისად, წარმატებული “ქეისების” პროცენტულობაც იზრდება.ჩვენთან, პირველად თიზ-ების ისტორიაში უკვე განხორციელდა ერთი GDP სტანდარტის ფარმაცევტული სასაწყობე შენობის მშენებლობა, მეორეს სერტიფიკაციის პროცესი ამჟამად მიმდინარეობს და მალე დასრულდება. წლის ბოლომდე სავარაუდოდ, კიდევ ერთ პროექტს დავიწყებთ, რომელიც გულისხმობს თურქულ-აზერბაიჯანულ კომპანიასთან ერთად ასეთივე ტიპის ინფრასტრუქტურის მოწყობას. ჯერჯერობით მესამე სასაწყობე სივრცის პროექტის საინვესტიციო ღირებულება არ არის ცნობილი, თუმცა, რაც შეეხება გასულ პროექტებს - პირველი პროექტში 2 მლნ. დოლარამდე ინვესტიცია განხორციელდა, ხოლო მეორე პროექტში 1 მლნ. დოლარის. პროგრესის გათვალისწინებით შეიძლება თამამად ითქვას, რომ ქვეყნის ფარგლებში თბილისის თიზ-ს უკვე გააჩნია ერთ-ერთი მნიშვნელოვანი რეგიონული გამტარი ჰაბის ფუნქცია როგორც ფარმაცეფტული და FMCG-ის მიმართულებით", - აცხადებს სოსო ნიბლაძე.ცნობისთვის, თბილისის თიზ-ი 2016 წლიდან ოპერირებს, თუმცა „ზოტი ჰოლდინგმა“ თბილისის თიზ-ის შესყიდვა 2023 წლის აპრილში დაასრულა. „ზოტი ჰოლდინგი“ ქართველი და უცხოელი ბიზნესმენების მიერ დაფუძნებულ კომპანიას წარმოადგენს.bp.ge

ჩინეთი მსოფლიო ფარმაცევტული წარმოების ახალ ერაში შედის.ამის შესახებ გამოცემა www.shine.cn წერს და ინტერესდება ამ სიტუაციაშიფარმაცევტული გიგანტების პოლიტიკით ჩინეთის მიზანია, 2030 წლისთვის ახალი მედიკამენტების ბაზარი გაასამმაგოს. ამის მიღწევას ქვეყანა ცდილობს სამთავრობო პოლიტიკით, რომელიც სექტორის ზრდას გულისხმობს. ეს პოლიტიკა ითვალისწინებს ნორმატიული აქტების დამტკიცების პროცესის ოპტიმიზაციას. შვეიცარიულმა Roche-მ განაცხადა, რომ გეგმავს ჩინური წარმოების სამი ახალი მედიკამენტის ჩართვას თავის გლობალურ კვლევებში. 1970-იანი წლების ბოლოს ჩინეთმა მიიღო უცხოელებისთვის ქვეყნის გახსნისა და შიდა წარმოების მოდერნიზაციის პოლიტიკა, რომელმაც უცხოურ ფარმაცევტულ კომპანიებს ჩინეთში გაძლიერების შესაძლებლობა მისცა. შედეგად, უცხოურმა კომპანიებმა ჩინეთში შეიტანეს წამლების წარმოების თანამედროვე მეთოდები, მარკეტინგული გამოცდილება და სამედიცინო ცოდნა.შვეიცარიული Roche იყო ერთ-ერთი პირველი, ვინც ჩინეთში სამკურნალო პრეპარატების კვლევების პოტენციალი გაიაზრა. ზოგიერთი მსხვილი ფარმაცევტული კომპანიისთვის ჩინეთში გაყიდვებმა მსოფლიო რეალიზაციის 10%-ს გადააჭარბა. ამან ჩინეთი აშშ-ისა და  იაპონიის შემდეგ უმსხვილეს ბაზრად აქცია. 2020 წლისთვის AstraZeneca-ს ჩინურმა გაყიდვებმა მსოფლიო რეალიზაციის 20% შეადგინა, რის შედეგადაც ბრიტანული კომპანიისთვის ჩინური ბაზარი სიდიდით მეორე გახდა.ისეთმა კომპანიებმა, როგორებიცაა AstraZeneca, Roche და Eli Lilly, გააძლიერეს საკუთარი ჩინური განყოფილებები, რათა მედიკამენტების ახალი ხაზები გაეფართოვებინათ. გერმანულმა Boehringer-Ingelheim-მა ჩინეთში ბიოპრეპარატების საწარმოო ბაზა შექმნა. ჩინურ ბაზარზე შესვლა დაიწყეს ახალმა ინოვაციურმა მოთამაშეებმა, როგორებიცაა ამერიკული Amgen, Biogen და Celgene. ჩინეთში განვითარების პროცესი გარკვეულწილად კოვიდპანდემიამ შეაფერხა. თუმცა ამ ბაზრის მიმართ მსოფლიო გიგანტების ყურადღება არ შენელებულა. მაგალითად,  Roche-მ, რომელიც მომავალ წელს არსებობის 130, ხოლო ჩინეთში შესვლის 30 წელს აღნიშნავს, ამ ბაზარზე ინვესტიციების გაზრდის გადაწყვეტილება მიიღო. ამასთან, ისაა ერთ-ერთი არცთუ ბევრ ფარმაცევტულ კომპანიას შორის, რომლებსაც შეუძლიათ იამაყონ ჩინეთში მიწოდების სრული ჯაჭვის ფლობით - კვლევებით დაწყებული,  მარკეტინგითა და შიდა პარტნიორობით დამთავრებული. ამან კომპანიას საშუალება მისცა, შეასრულოს უნიკალური როლი ჩინეთისა და აზიის ბაზრებზე, მიუხედავად აშშ-სა და ჩინეთს შორის არსებული დაძაბული ურთიერთობისა. გასულ წელს Roche-ს ჯგუფის გლობალური გაყიდვები 7%-ით გაიზარდა და 69 მილიარდ დოლარს მიაღწია. მან საკმაოდ ამბიციური ამოცანა დაისახა: მისი პრეპარატების მინიმუმ 80%-ს უნდა ჰქონდეს პოტენციალი, იყოს საუკეთესო მკურნალობის კონკრეტულ სფეროებში. ეს კი ნოვატორული პრეპარატების შექმნის დაჩქარებას მოითხოვს. ჩინეთის ბაზარზე კომპანიის გაყიდვები გასულ წელს 6%-ით გაიზარდა. ეს განპირობებულია კიბოს საწინააღმდეგო პრეპარატების Perjeta-ს, Alecensa-სა და Avastin-ის გაყიდვების ზრდით, ასევე გრიპის სამკურნალო მედიკამენტ Xofluza-ზე არსებული მაღალი მოთხოვნით.2022 წლიდან მოყოლებული, Roche-მ გააფორმა რამდენიმე ექსკლუზიური გლობალური სალიცენზიო შეთანხმება ჩინურ ბიოტექნოლოგიურ კომპანიებთან, ძირითადად, კიბოს მკურნალობის სფეროში. Roche ჩინეთის ბაზრის პოტენციალის კიდევ უფრო მაქსიმალურად გამოყენებას აპირებს, რადგან მას ზრდის მამოძრავებელ ძალად განიხილავს. აქცენტს კი ნეირობიოლოგიასა და კიბოზე აკეთებს. Roche-ს აქვს მკაფიო მიზანი, დაიკავოს წამყვანი როლი ჩინეთის ფარმაცევტულ ბაზარზე ზრდის მორიგ ეტაპზე.