2024 წლის მონაცემებით, წინა წელთან შედარებით ჯანმრთელობის დაზღვევის ერთი პოლისის საშუალო ღირებულება დაახლოებით 15%-ით გაიზარდა. პრემიებისა და წლის განმავლობაში გაცემული პოლისების თანაფარდობით ირკვევა, რომ ერთი პოლისის საშუალო ღირებულება 46 ლარიდან 53 ლარამდე გაიზარდა.
აღსანიშნავია, რომ ჯანმრთელობის დაზღვევა წლიდან წლამდე, როგორც წესი, 10-15%-ის ფარგლებში იზრდება, რაც სამედიცინო სერვისებისა და პროდუქციის გაძვირებასთანაა კავშირში.
მაგალითისთვის: დღეს საქსტატის მიერ გამოქვეყნებული მონაცემების თანახმად, მიმდინარე წლის მარტში, ჯანდაცვის ჯგუფში (სამედიცინო პროდუქცია, საავადმყოფოებისა და ამბულატორიის მომსახურებები) ფასები დაახლოებით 9%-ით გაიზარდა.