ოქტომბრის მონაცემებით, წინა წლის იგივე თვესთან შედარებით, საქართველოში საავადმყოფოების მომსახურების ტარიფები არ შეცვლილა. ინფორმაციას საქსტატი ავრცელებს. მისი მონაცემებით, ასევე უცვლელია თერაპევტის მომსახურების ღირებულება, რომელმაც წინა თვეში, წლიურ ჭრილში, თითქმის 10%-ით მოიმატა.პრაქტიკულად არ შეცვლილა კბილის დაბჟენის, სისხლის ანალიზის, ექოსკანირებია და სხვა სერვისების ტარიფები. რაც შეეხება მედიკამენტებს, სისხლძარღვთა გამაფართოებელი პრეპარატები 2%-ით გაძვირდა, ტკივილგამაყუჩებელი მედიკამენტები - 1%-ით.უმნიშვნელოდ (1%-მდე) გაიაფდა: ანტიბიოტიკები, ვიტამინები, საჭმლის მომნელებელი სისტემის პრეპარატები ანთების საწინააღმდეგო პრეპარატები.
მსოფლიოში ცნობილი კორეული ბრენდის, Beauty of Joseon-ის ოფიციალური და ექსკლუზიური პარტნიორის, PSP-ის ორგანიზებით, 2 ნოემბერს ივენთჰოლ „რესპუბლიკაში“ ბრენდის კორეელი წარმომადგენლებისა და ქართველიმომხმარებლების შეხვედრა გაიმართა.ბრენდის ისტორიის, ფილოსოფიისა და პროდუქციის შესახებ პრეზენტაცია ქართველ აუდიტორიას თავად Beauty of Joseon-ის კორეელმა სპეციალისტებმა წარუდგინეს. ღონისძიებას ქართველი ინფლუენსერები, კანის მოვლის სფეროს ექსპერტები და მედიის წარმომადგენლები ესწრებოდნენ.სტუმრებისთვის განსაკუთრებით საინტერესო აღმოჩნდა მარაოების მასტერკლასი, პროდუქციის საპრეზენტაციო სივრცე და სპეციალურად ღონისძიებისთვის მომზადებული საჩუქრები.Beauty of Joseon-ის პროდუქტები ქართველი მომხმარებლებისთვის უკვე სექტემბრის დასაწყისიდან არის ხელმისაწვდომი. ბრენდის ასორტიმენტში წარმოდგენილია მსოფლიო მასშტაბით პოპულარული პროდუქტები: Relief Sun, Glow შრატი, Dynasty კრემი, ჟენშენისა და რეტინოლის შრატი და კიდევ 20-ზე მეტი დასახელების პროდუქტი.Beauty of Joseon-ის ასორტიმენტი კანის მოვლის თითქმის ყველა ძირითად ეტაპს მოიცავს: გამწმენდებს, ტონერებსა და ესენციებს, შრატებს, დამატენიანებლებს, ნიღბებსა და მზისგან დამცავ საშუალებებს. ბრენდი მომხმარებელს სთავაზობს კანის მოვლის მრავალსაფეხურიანი რუტინის გამარტივებულ, სასიამოვნო დაეფექტურ გამოცდილებას.“PSP - ჩვენს ოფიციალურ პარტნიორად საქართველოში ფარმაცევტულ სექტორში მისი გამორჩეული ლიდერული პოზიციის, ქვეყნის მასშტაბით არსებული ფართო სააფთიაქო ქსელისა და ხარისხისა და მომხმარებელზე ორიენტაციის უმაღლესი სტანდარტებისადმი ერთგულების გამო შევარჩიეთ. დარწმუნებულები ვართ, რომ PSP-ს ძლიერი საბაზრო პოზიცია, მრავალწლიანი გამოცდილება და მაღალი რეპუტაცია ჩვენს შორის წარმატებული და მდგრადი გრძელვადიანი პარტნიორობის გარანტი იქნება”- განაცხადა ჯეონგვუ სონმა (Jeongwoo Son), Beauty of Joseon-ის ევროპის ბიზნესის ხელმძღვანელმა.„PSP, როგორც საქართველოს ფარმაციის ლიდერი ბრენდი, ქართულ საზოგადოებას სთავაზობს თანამედროვე K-Beauty-ის ტოპ ბრენდების მრავალფეროვან არჩევანს, საუკეთესო კორეული ასორტიმენტსა და მსოფლიობაზრის ყველაზე ტრენდულ პროდუქტებს, რაც მომხმარებელს შესაძლებლობას აძლევს, საკუთარი კანის საჭიროებების მიხედვით შეარჩიოს ყოველდღიური მოვლის პროდუქტები. კორეელი სტუმრების შეხვედრა ქართველაუდიტორიასთან მიზნად ისახავდა, მომხმარებლებს უფრო ახლოს გაეცნოთ ბრენდის ისტორია, ფილოსოფია და მისი პროდუქციის ეფექტურობის საფუძვლები.Beauty of Joseon-ის ისტორია შთაგონებულია კორეის ჯოსონის დინასტიის ეპოქის სილამაზის კულტურით. ისტორიული მემკვიდრეობის თანამედროვე ინტერპრეტაციით შექმნილი ბრენდი ტრადიციულ კორეულ ინგრედიენტებს თანამედროვე და ეფექტურ ფორმულებთან აერთიანებს.PSP საქართველოში მომხმარებელს კორეული კოსმეტიკური ბრენდების პირველი დისტრიბუტორია. 2018 წელს პირველი კორეული ბრენდი -Mizon სწორედ PSP-მ გააცნო ქართველს მომხმარებელს. დღეს PSP 10-ზე მეტი K-Beauty-ს ბრენდის ექსკლუზიური და ოფიციალური პარტნიორია და Mizon, Missha, Mizon, A'pieu, Village11, Dermafirm, Manyo, Round Lab, COSRX და Erborian-ის ყველაზე ფართო ასორტიმენტს სთავაზობს“, - აცხადებენ PSP-ში.
ჩინურმა ფარმაცევტულმა კომპანიამ Hansoh Pharmaceutical-მა შვეიცარიულ ფარმაცევტულ გიგანტ Roche-სთან პარტნიორობისა და ლიცენზირების შეთანხმება გააფორმა. გარიგება კიბოს სამკურნალო პრეპარატების შემუშავების პროგრამებს მოიცავს და მისი პოტენციური ღირებულება 15 მილიარდ დოლარს აღემატებათემაზე Reuters-ი წერს და აღნიშნავს, რომ შეთანხმების პირობების მიხედვით, ჩინური კომპანია მიიღებს 400 მილიონ დოლარს — საწყისი გადახდის სახით, 110 მილიონ დოლარს შეთანხმების პირველი წლისთავზე, ხოლო 15 მილიარდ დოლარზე მეტ პოტენციურ დამატებით ანაზღაურებას — პრეპარატების შემუშავების, მარეგულირებელი ორგანოებისგან დამტკიცებისა და კომერციალიზაციის ეტაპებზე მიღწეული შედეგების მიხედვით.შესაბამისად, 15 მილიარდი დოლარი გარიგების გარანტირებული თანხა არ არის — მისი მიღება დამოკიდებულია იმაზე, რამდენად წარმატებით გაივლის პრეპარატები შემუშავებისა და კომერციალიზაციის ეტაპებს.შეთანხმება ანტისხეულთან დაკავშირებული წამლის კონიუგატების (ADC) რამდენიმე პროგრამას მოიცავს. ეს არის კიბოს საწინააღმდეგო მიზნობრივი თერაპიის მეთოდი, რომლის დროსაც ანტისხეული ქიმიოთერაპიულ ნივთიერებას სიმსივნურ უჯრედამდე მიიტანს და ამით ჯანმრთელი ქსოვილების დაზიანების შემცირებას ცდილობს.მსხვილი საერთაშორისო ფარმაცევტული კომპანიები სულ უფრო ხშირად თანამშრომლობენ ჩინურ ბიოტექნოლოგიურ და ფარმაცევტულ კომპანიებთან. ასეთი პარტნიორობა მათ საშუალებას აძლევს, მიიღონ წვდომა ახალ ტექნოლოგიებსა და პერსპექტიულ პრეპარატებზე, ხოლო ჩინურ კომპანიებს საერთაშორისო ბაზრებზე გასვლისა და საკუთარი აღმოჩენების კომერციული ღირებულების გაზრდის შესაძლებლობას აძლევს.
„დაახლოებით ერთი წლის წინ, პრემიერ-მინისტრის ინიციატივოთ მივიღეთ გადაწყვეტილება ფსიქოტროპული მედიკამენტების ბრუნვაზე კონტროლის და პასუხისმგებლობის საკუთარ თავზე აღებასთან დაკავშირებით. ახლა კომერციული ინტერესი ნაკლებად ჰკარნახობს ვინმეს, რომ მეტი იყოს ამის მოხმარება“, -ამის შესახებ ჯანდაცვის მინისტრმა განაცხადა. მიხეილ სარჯველაძის განმარტებით, პრემიერ-მინისტრის აღნიშნული ინიციატივისა და დაწესებული მკაცრი რეგულაციების შედეგად, ფსიქოტროპული მედიკამენტების ბრუნვა მკაცრ კონტროლს დაექვემდებარა, რამაც კომერციული ინტერესები შეზღუდა.მინისტრის თქმით, 18 ფსიქოტროპული პრეპარატიდან უმრავლესობაზე ქვეყანაში გადახარჯვა და ნორმაზე ბევრად მაღალი მოხმარება ფიქსირდებოდა, ვიდრე ამას მსოფლიო ჯანდაცვის ორგანიზაცია განსაზღვრავს. თუმცა, ბოლო თვეების მონაცემებით, მოხმარება დასტაბილურდა და 18-დან 17 მედიკამენტზე მაჩვენებელი ჯანმოს დადგენილ ნორმებს დაუახლოვდა.რაც შეეხება ფსიქოტროპული მედიკამენტის 2-კვირიანი მარაგით გამოწერის წესს, მინისტრის განმარტებით ამ გადაწყვეტილების დისკომფორტის მიუხედავად, მან ქვეყანას უმნიშვნელოვანესი შედეგი მოუტანა.„ეს დოკუმენტაციაც მომზადებულია და უახლოეს მომავალში ეს გადაწყვეტილება მიღებული იქნება. გარკვეული შეღავათი გაჩნდება, თუმცა ეს ვერ იქნება აბსოლუტური ლიბერალიზაცია ამ მიმართულებით. მნიშვნელოვანი სიკეთე იქნა მიღწეული მათ შორის ამ რთული გადაწყვეტილებით, დისკომფორტული გადაწყვეტილებით, მაგრამ ძალიან დიდი სიკეთის მომტანი გადაწყვეტილების შედეგად“, - განაცხადა მიხეილ სარჯველაძემ.მინისტრის თქმით, სახელმწიფომ ამ პროცესებზე დაკვირვებასა და მეთვალყურეობას მომავალშიც გააგრძელებს, რათა ობიექტური საჭიროების მქონე პაციენტები ზედმეტად არ წუხდებოდნენ.
„ჩემი პროგრამის პრიორიტეტები საქართველოს ეროვნულ პრიორიტეტებს ემთხვევა“- ჯანმოს დირექტორობის კანდიდატი საქართველოშია
Bayer-მა სასამართლო დავა მოიგო - კომპანიას კიბოს გამომწვევი ნივთიერების გამოყენებაში ადანაშაულებენ
„შესაძლოა გამოიწვიოს ორგანოების მძიმე ქიმიური დამწვრობა“ - ბაზრიდან ბავშვებისთვის საშიში სათამაშოები ამოიღეს
თბილისში საერთაშორისო კონფერენცია - „ხელოვნური ინტელექტი ჯანდაცვასა და მედიცინაში“ (AIMCare 2026) იმართება
ახალგაზრდა სამედიცინო პროფესიონალებისთვის პროფესიული წარმატების საკითხებზე ტრენინგი ჩატარდება
