შემოვიდა სამართლიანი თამაშის წესები - ასეთ შეფასებას აკეთებს ექსპერტების ნაწილი კონკურენციის სააგენტოს იმ გადაწყვეტილებაზე, რომელმაც საერთაშორისო ჯილდო დაიმსახურა.შეგახსენებთ, რომ კონკურენციის სააგენტომ ფარმაცევტული ბაზრის ყველაზე რეზონანსული კვლევა ორი წლის წინ დაიწყო, რის შემდეგაც 4 კომპანია 53 მილიონი ლარით დაჯარიმდა.9-თვიანი მოკვლევის შედეგად სააგენტომ დაადგინა, რომ 2021-2023 წლებში კომპანიები - „ავერსი“, „გეფა“, „პსპ“ და „მერმისი“ სახელმწიფო დაფინანსების ფარგლებში, ონკოლოგიურ მედიკამენტებზე ფასებს შეთანხმებულად ადგენდნენ და მათ ფიქსაციას ახდენდნენ. ფარმაცევტულ ბაზარზე ფასების მონიტორინგი იყო ის ერთ-ერთი მიზეზი, რის გამოც საქართველოს კონკურენციის და მომხმარებლის დაცვის სააგენტომ მსოფლიო ბანკის ჯილდო მიიღო. სააგენტოს ჯილდო, ედინბურგში, კონკურენციის საერთაშორისო ქსელის კონფერენციის ფარგლებში გადაეცა. ეს ქსელი მთელი მსოფლიოს მასშტაბით 160 ქვეყანას აერთიანებს.ეკონომისტი პაატა ბაირახტარი ამბობს, რომ ფარმაცევტული კომპანიების დაჯარიმებამ ქვეყანაში ისეთი პრეცედენტი შექმნა, როცა ამ ბიზნესში მოქმედი კომპანიები მედიკამენტების ფასებთან დაკავშირებით თვითნებურ გადაწყვეტილებას აღარ მიიღებენ. ეს ყველაფერი კი მედიკამენტებზე დაბალი ფასების და მომხმარებლების ინტერესების დაცვის წინაპირობა უნდა გახდეს.„არა მხოლოდ საქართველოში, არამედ ნებისმიერ სხვა ქვეყანაში ფარმაცევტული სექტორი საკმაოდ სენსიტიურია. ისიც პრობიზნესურია და თუ იქნება საშუალება, ბიზნესი შეეცდება ნებისმიერი მოგების ნებისმიერი ფორმით მიღებას. ამის რეგულატორი კი ჩვენი კანონმდებლობა და კონკრეტულად, კონკურენციის სააგენტოა. ამიტომ მონიტორინგი აუცილებელია, რათა ამ მიმართულებით სამართლიანობა შენარჩუნდეს,“ - განაცხადა ბაირახტარმა.
მიმდინარე წლის სექტემბრისთვის კონკურენციის სააგენტო ფარმაცევტულ სექტორში მორიგი მოკვლევის შედეგებს გამოაქვეყნებს. საუბარია მოკვლევაზე, რომელმაც უნდა დაადგინოს, არის თუ არა 8 კომპანია ბაზარზე დომინანტი და მათ 14 მედიკამენტზე ხომ არაა დაწესებული ჭარბი ფასი.კერძოდ, მოკვლევა მიმდინარეობს 8 კომპანიის მიმართ. ესენია: 1. შპს „გლობალ ცბს“ 2. შპს „კონცეპტ ფარმა” 3. შპს „ნუვეა ფარმაცევტიკალს” 4. შპს „ბარდი“ 5. შპს „რიჩ გრუპი“. 6. შპს „კროკუს ფარმა“7. შპს „გეა“ 8. შპს „BIH“.მოკვლევა ეხება 14 მედიკანენტს: ოფლაბ-ოზი, იორილი 10, ჰაიზინი, ფლოქსაზოლი, ადაზალ ნეო (200 მგ, 400 მგ), არიპრადა, ზინასენი, ლორნიკუსი, ერითრომიცინი, ლუტეინა, ბისეპტოლი (120 მგ, 480 მგ.), ტრეპარინი.საქართველოს კონკურენციისა და მომხმარებლის დაცვის სააგენტოს ხელმძღვანელის ირაკლი ლექვინაძის განმარტებით, სექტემბრამდე გაირკვევა, იხდიან თუ არა მოქალაქეები ამ წამლებში ჭარბ ფასს.„გვაქვს მიმდინარე მოკვლევა, რომელიც მოიცავს 8 კომპანიას და 14 მედიკამენტის შემთხვევას. ჩვენი მოკვლევის მიზანია, გარკვეულ იქნას, არიან თუ არა დომინანტები აღნიშნული კომპანიები აღნიშნულ ბაზარზე და მაღალი ფასნამატები, რომელიც არის 200% და მეტი, არის თუ არა ობიექტური და კონკურენტული გარემოს ფასწარმოქმნის შედეგად მიღებული. ანუ ჩვენი მოკვლევის მიზანია გავარკვიოთ, არის თუ არა ჭარბი ფასი დაწესებული ჩვენი მოქალაქეებისთვის,“ - განაცხადა ირაკლი ლექვინაძემ.შეგახსენებთ, რომ კონკურენციის სააგენტომ ფარმაცევტული ბაზრის ყველაზე რეზონანსული კვლევა ორი წლის წინ დაიწყო, რის შემდეგაც 4 კომპანია 53 მილიონი ლარით დაჯარიმდა.9-თვიანი მოკვლევის შედეგად სააგენტომ დაადგინა, რომ 2021-2023 წლებში კომპანიები - „ავერსი“, „გეფა“, „პსპ“ და „მერმისი“ სახელმწიფო დაფინანსების ფარგლებში, ონკოლოგიურ მედიკამენტებზე ფასებს შეთანხმებულად ადგენდნენ და მათ ფიქსაციას ახდენდნენ. ფარმაცევტულ ბაზარზე ფასების მონიტორინგი იყო ის ერთ-ერთი მიზეზი, რის გამოც საქართველოს კონკურენციის და მომხმარებლის დაცვის სააგენტომ მსოფლიო ბანკის ჯილდო მიიღო. სააგენტოს ჯილდო, ედინბურგში, კონკურენციის საერთაშორისო ქსელის კონფერენციის ფარგლებში გადაეცა. ეს ქსელი მთელი მსოფლიოს მასშტაბით 160 ქვეყანას აერთიანებს.
მსოფლიო ბანკის და კონკურენციის საერთაშორისო ქსელის (ICN) მიერ საქართველოს კონკურენციისა და მომხმარებლის დაცვის სააგენტოს გადაწყვეტილებები ფარმაციის სექტორში საუკეთესოდ დასახელდა. ინფორმაციას თავად სააგენტო ავრცელებს. სააგენტოს მიერ გავრცელებულ ცნობაში ნათქვამია, რომ დაჯილდოება 8 მაისს, შოტლანდიის ქალაქ ედინბურგში, კონკურენციის საერთაშორისო ქსელის (ICN) 24-ე საერთაშორისო კონფერენციის ფარგლებში გაიმართა, რომელსაც GCCA-ის თავმჯდომარე, ირაკლი ლექვინაძე ესწრებოდა. ნომინაციაში - კერძო ინვესტიციების, სამუშაო ადგილებისა და მომხმარებლის კეთილდღეობის ზრდისთვის მდგრადი კონკურენტული პროცესის მხარდაჭერა - გაიმარჯვა GCCA-ის ქეისმა, რომელიც ფარმაცევტულ ბაზარზე მონიტორინგის ფარგლებში გაცემული რეკომენდაციების შედეგად განხორციელებულ რეფორმებს, შეთანხმებული ქმედებების გამოვლენის გადაწყვეტილებებს ეხებოდა.კერძოდ, GCCA-ის მიერ ფარმაციის ბაზარზე 13 რეკომენდაცია გაიცა, რის საფუძველზეც საქართველოს მთავრობის და ჯანდაცვის სამინისტროს მიერ განხორციელებული რეფორმების შესაბამისად ქვეყანაში დაინერგა ელექტრონული რეცეპტის სისტემა, ამოქმედდა GMP და GDP სტანდარტი, დაინერგა რეფერენტული ფასი 7000-მდე მედიკამენტზე, შედეგად რიგ მედიკამენტებზე ფასები შემცირდა და პაციენტებმა მნიშვნელოვანი დანაზოგის გაკეთება შეძლეს. 2023 წელს კი GCCA-ს მიერ 4 ფარმაცევტული კომპანია 53 მლნ. ლარით დაჯარიმდა - სახელმწიფოს მიერ ონკოლოგიური მედიკამენტების შეძენის მიზნით გამოცხადებულ კონკურსებში იდენტური ფასწარმოქმნის დაწესების გამო.
2024 წელს ევროკავშირიდან ფარმაცევტული პროდუქტებისა და წამლების ექსპორტი 13,5%-ით გაიზარდა 2023 წელთან შედარებით და 313,4 მილიარდი ევრო შეადგინა. იმპორტმა კი მხოლოდ 0,5%-იანი ზრდა აჩვენა და 119,7 მილიარდი ევროთი განისაზღვრა. შესაბამისად, 2024 წელს ევროკავშირის სავაჭრო ბალანსმა წამლებისა და ფარმაცევტული პროდუქციის მიმართულებით 193,6 მილიარდ ევროს მიაღწია, რაც რეკორდული მაჩვენებელია.ევროკავშირის უმსხვილესი ექსპორტიორები არიან გერმანია (67,9 მილიარდი ევრო), ირლანდია (56,6 მილიარდი ევრო) და ბელგია (41,4 მილიარდი ევრო).რაც შეეხება ექსპორტის მიმართულებას, ესაა აშშ (38%), შვეიცარია (16,4%) და დიდი ბრიტანეთი (5,8%).იგივე ჩამონათვალია იმპორტის კუთხითაც.
„ბავშვთა ონკოლოგიის მიმართულებით საქართველოში ბრწყინვალე ექიმები არიან და მათი შრომა დაფასებას საჭიროებს"
ჯანდაცვის ფასები ერთ წელიწადში 9 %-ით გაიზარდა, გაძვირება ყველაზე მეტად ამბულატორიულ მომსახურებას შეეხო
აზია-წყნარი ოკეანის რეგიონში გამაჯანსაღებელი ტურიზმის ბუმია - Marriott-ი და Hilton-ი სპა-ცენტრებს ხსნიან
წლის ბოლომდე ქვეყანაში დამატებით რამდენიმე ასეული ფსიქიატრიული საწოლი შეიქმნება
სოციალური მომსახურების სააგენტოსა და მოლდოვის სოციალური დაზღვევის ოფისს შორის მემორანდუმი გაფორმდა
