სიმსივნის 1500 და ფსიქიკური აშლილობის 5 ათასამდე შემთხვევა - 14 წლამდე ასაკის ბავშვების ავადობის სტატისტიკა

აფთიაქში ადამიანები სხვადასხვა მიზეზით შედიან. ზოგს კონკრეტული მედიკამენტი სჭირდება, ზოგს ექიმის დანიშნულების დაზუსტება, ზოგს კი უბრალოდ სურს, მოუსმინონ და არჩევანის გაკეთებაში დაეხმარონ. ეს შეხვედრა, რომელიც რამდენიმე წუთს გრძელდება, იმდენად ხანმოკლეა, რომ იშვიათად გვაფიქრებს, რა დგას მის უკან.სინამდვილეში, იმ რამდენიმე წუთს წინ უძღვის პროცესი, რომელიც მომხმარებლისთვის თითქმის უხილავია - ხუთწლიანი უმაღლესი განათლების მიუხედავად, ცოდნის მუდმივი განახლებაა აუცილებელი; რადგან ფარმაცევტის პროფესია დღეს აღარ არის ისეთი, როგორიც თუნდაც ოცი წლის წინ იყო.ერთ დროს პროფესიის მთავარი ამოცანა მედიკამენტების შემადგენლობის, მოქმედების და შენახვის პირობების ცოდნა იყო. დღეს ამას კიდევ ბევრი რამ დაემატა: მტკიცებულებებზე დაფუძნებული ინფორმაციის გააზრება, ასობით ახალი პროდუქტის ცოდნა, სხვადასხვა კატეგორიის პროდუქტების ერთმანეთისგან გარჩევა, მომხმარებლის საჭიროებების შეფასება, სწორი კომუნიკაცია, პასუხისმგებლობა. ფარმაცევტი სულ უფრო ხშირად იქცევა იმ ადამიანად, ვისთანაც პაციენტს ჯანდაცვის სისტემაში პირველი შეხება აქვს.ეს ცვლილება მხოლოდ საქართველოს არ ეხება. მსოფლიოს ბევრ ქვეყანაში ფარმაცევტული პრაქტიკა ბოლო ორი ათწლეულის განმავლობაში მნიშვნელოვნად გაფართოვდა. პარალელურად, უწყვეტი პროფესიული განათლება პროფესიის განუყოფელ ნაწილად იქცა. ახალი კვლევები, განახლებული რეკომენდაციები, ინოვაციური პროდუქტები, ყველაფერი იმდენად სწრაფად იცვლება, რომ უნივერსიტეტში მიღებული ცოდნა პროფესიული ცხოვრების მხოლოდ საწყის ეტაპად მიიჩნევა.ეს ტრანსფორმაცია, შესაძლოა, ნაკლებად თვალსაჩინოა, თუმცა ყოველდღიურ პრაქტიკაში კარგად იგრძნობა. საქართველოში ფარმაცევტული სექტორის თანამედროვე განვითარებას საფუძველი გასული საუკუნის 90-იან წლებში სამმა კომპანიამ, მათ შორის PSP-მ, ჩაუყარა. მთავარი გამოწვევა მედიკამენტების ფიზიკურ ხელმისაწვდომობასთან ერთად თანამედროვე მედიკამენტებისა და მედიცინის სიახლეების დანერგვა იყო. ამ პროცესში გადამწყვეტი როლი ფარმაცევტების ცოდნის უწყვეტმა განვითარებამ ითამაშა.PSP-მ 1994 წელს ევროპული გარანტირებული ხარისხის მედიკამენტების იმპორტი დაიწყო, მოგვიანებით სააფთიაქო ქსელის შექმნა. გაფართოვების პარალელურად საჭირო გახდა თანამშრომლების მუდმივ პროფესიულ განვითარებასა და სასწავლო სისტემების შექმნაზე ზრუნვა.2003 წელს კომპანიაში ჩამოყალიბდა იდეა, რომ სწავლა დასაქმებასთან ერთად არ უნდა დასრულებულიყო. ასე შეიქმნა PSP აკადემია, რომელიც დროთა განმავლობაში ტრენინგების სივრციდან უწყვეტი პროფესიული განვითარების სისტემად ჩამოყალიბდა.დღეს აკადემიაში 12 სასწავლო პროგრამა მოქმედებს. ზოგიერთი მათგანი 100 საათზე მეტს მოიცავს. სიახლეების გაცნობის მიზნით კი, ყოველ კვარტალში, სხვადასხვა მიმართულებით დაახლოებით 5000 მონაწილე გადის სწავლებას. პროგრამები აერთიანებს ფარმაცევტებს, სილამაზის კონსულტანტებსა და მენეჯერებს, ყველას, ვინც ყოველდღიურად მომხმარებელთან ურთიერთობს.ცოდნის განახლება მხოლოდ შიდა გამოცდილებით აღარ შემოიფარგლება. აკადემიამ მიმდინარე წლის განმავლობაში 30-მდე საერთაშორისო ტრენერს უმასპინძლა. მათი ტრენინგები მხოლოდ ფარმაცევტულ და სამედიცინო თემებს არ მოიცავდა. განხილვის საგანი იყო ყველაფერი, რაც თანამედროვე აფთიაქის ყოველდღიურობას ქმნის - სამკურნალო საშუალებებიდან და საკვები დანამატებიდან დაწყებული, დერმატოკოსმეტიკით, პირის ღრუს მოვლითა და არომათერაპიით დასრულებული. აკადემიაში მუდმივად ხდება ფარმაცევტების, კონსულტანტებისა და მენეჯერების ატესტაცია: ცოდნისა და უნარების შეფასება და განმეორებით სწავლება.თუმცა, პროფესიული განვითარება მხოლოდ პროდუქტის ცოდნას აღარ ნიშნავს. თანამედროვე აფთიაქში ხარისხიან მომსახურებას გუნდი ქმნის, ხოლო გუნდის ხარისხს - მისი ხელმძღვანელი. სწორედ ამიტომ, ბოლო წლებში განსაკუთრებული ყურადღება დაეთმო მენეჯერების განვითარებასაც. თანამედროვე ხელმძღვანელს მხოლოდ პროცესების მართვა აღარ ევალება - მან უნდა შეძლოს გუნდის მოტივაციის შენარჩუნება, მუდმივი ცვლილებების პირობებში ეფექტიანი მუშაობა და ისეთი გარემოს შექმნა, სადაც სწავლა ყოველდღიური კულტურის ნაწილია. ამ მიდგომას დაეფუძნა PSP-ის „მენეჯერების განვითარების" უნიკალური პროგრამა, რომელიც PSP-ს მენეჯერების დიდმა ნაწილმა უკვე გაიარა და ეტაპობრივად ქსელის ყველა მენეჯერს მოიცავს.შესაძლოა, ეს ყველაფერი მომხმარებლისთვის უხილავი დარჩეს. ის მხოლოდ რამდენიმე წუთს ატარებს აფთიაქში. თუმცა სწორედ ამ რამდენიმე წუთის ხარისხს განსაზღვრავს ის, რაც ბევრად ადრე იწყება - სწავლის სურვილით, პროფესიული განვითარებითა და PSP-ს კორპორაციული კულტურით, რომელიც ცოდნას არა ერთჯერად მოვლენად, არამედ ყოველდღიურ პასუხისმგებლობად აღიქვამს.“PSP-სთვის ფარმაცევტების ცოდნის მუდმივი განახლება და პროფესიის განვითარება მხოლოდ კომპანიის საჭიროება არ არის - ეს არის პასუხისმგებლობა, რომელიც ბაზრის ლიდერის როლს ახლავს. საერთაშორისო ფარმაცევტული და სამედიცინო ბრენდებისთვის სანდო და სასურველი პარტნიორის როლში, PSP-ს მნიშვნელოვანი წვლილი შეაქვს საქართველოში თანამედროვე ფარმაცევტული ცოდნისა და პრაქტიკის განვითარებაში. სწორედ ამიტომ, კომპანიისთვის პროფესიული განვითარება მუდმივი პროცესია, რომელიც მომხმარებლებისა და პარტნიორების ნდობის საფუძველს ქმნის”-აცხადებენ PSP-ში.ალბათ სწორედ ამიტომაც შეიცვალა ფარმაცევტის პროფესია ყველაზე მეტად არა გარეგნულად, არამედ შინაარსობრივად- თანამედროვე ფარმაცევტის პროფესია ყოველდღე თავიდან ისწავლება.

დანიური ფარმაცევტული კომპანია Novo Nordisk-მა აშშ-ის ნიუ-ჯერსის ფედერალურ სასამართლოში კონკურენტი Eli Lilly-ს წინააღმდეგ სარჩელი შეიტანა. კომპანია ამტკიცებს, რომ Eli Lilly-მ მომხმარებლები შეცდომაში შეიყვანა სიმსუქნის სამკურნალო პრეპარატის Zepbound-ისა და დიაბეტის სამკურნალო Mounjaro-ს რეკლამებით.კერძოდ. Novo Nordisk-ის განცხადებით, Eli Lilly რეკლამებში იყენებს მოძველებული კლინიკური კვლევების შედეგებს, სადაც საკუთარი პრეპარატების მაღალი დოზები შედარებულია Novo Nordisk-ის Wegovy-სა და Ozempic-ის უფრო დაბალ, უკვე მოძველებულ დოზებთან. Novo ამტკიცებს, რომ რეკლამები არ ასახავს იმ ფაქტს, რომ 2026 წლის მარტში აშშ-ის მარეგულირებელმა ორგანომ Wegovy-ის უფრო მაღალი დოზა დაამტკიცა, რომელმაც ეფექტიანობის მაჩვენებლები მნიშვნელოვნად გააუმჯობესა.კომპანია აცხადებს, რომ ასეთი რეკლამები არღვევს აშშ-ის ფედერალურ და შტატის კანონებს, მათ შორის Lanham Act-ს, რომელიც ცრუ რეკლამირებას არეგულირებს. Novo Nordisk სასამართლოს სთხოვს, აიძულოს Eli Lilly შეწყვიტოს აღნიშნული რეკლამების გავრცელება, ჩაატაროს ახალი სარეკლამო კამპანია და აანაზღაუროს ის მოგება, რომელიც, Novo-ს შეფასებით, შეცდომაში შემყვანი რეკლამებით მიიღო.თავის მხრივ, Eli Lilly ბრალდებებს არ ეთანხმება. კომპანია აცხადებს, რომ მისი რეკლამები ემყარება კლინიკური კვლევის SURMOUNT-5-ის შედეგებს და გეგმავს, რომ სასამართლოში საკუთარი პოზიცია დაიცვას.ეს სასამართლო დავა კიდევ უფრო ამწვავებს კონკურენციას ორ კომპანიას შორის, რომლებიც სიმსუქნის საწინააღმდეგო მედიკამენტების სწრაფად მზარდ ბაზარზე ლიდერობისთვის იბრძვიან. ანალიტიკოსები ვარაუდობენ, რომ ამ ბაზრის მოცულობა 2030 წლისთვის 100 მილიარდ დოლარს გადააჭარბებს.Reuters

Samsung Biologics-ი შვეიცარიულ ბიოფარმაცევტულ კომპანია PolyPeptide-ს შეიძენს. გარიგების თანხა 1.8 მილიარდი დოლარია. როგორც Reuters-ი წერს, ეს კორეული ფარმაცევტული და ბიოტექნოლოგიური კომპანიის ისტორიაში ყველაზე მასშტაბური შესყიდვა იქნება.აღნიშნული გარიგება არის Samsung Group-ის ყველაზე დიდი საერთაშორისო გარიგება მას შემდეგ, რაც Samsung Electronics-მა 2017 წელს Harman International შეიძინა. უახლესი შენაძენი ჯგუფის ბიოტექნოლოგიური ბიზნესის გაფართოების სტრატეგიის ნაწილია. ეს მიმართულება, ნახევარგამტარებთან ერთად, კომპანიის ზრდის ერთ-ერთი მთავარი მამოძრავებელი ფაქტორია.Samsung Biologics-მა შეთანხმების შესახებ ორშაბათს განაცხადა. კომპანია გეგმავს, გარიგება მიმდინარე წლის ბოლომდე დაასრულოს და PolyPeptide-ის 100%-იანი წილის მფლობელი გახდეს. Samsung Group-ს კუთვნილი Samsung Biologics არის სამხრეთკორეული ბიოფარმაცევტული კომპანია, რომლის ძირითადი საქმიანობაა ბიოლოგიური მედიკამენტების შემუშავებისა და წარმოებისთვის მომსახურების გაწევა სხვა ფარმაცევტული კომპანიებისთვის.კომპანია მუშაობს მოდელით, რომელიც გულისხმობს ბიოლოგიური პრეპარატების კვლევასა და განვითარებას, კლინიკური და კომერციული პარტიების წარმოებას, ასევე ხარისხის კონტროლსა და სხვა საწარმოო მომსახურებებს. Samsung Biologics მსოფლიოში ერთ-ერთი უმსხვილესი ბიოფარმაცევტული მწარმოებელია და მრავალ საერთაშორისო ფარმაცევტულ კომპანიასთან თანამშრომლობს. ის აწარმოებს მონოკლონურ ანტისხეულებს, ბიოსიმილარებსა და სხვა ბიოპროდუქტებს.სხვა სიტყვებით რომ ვთქვათ, Samsung Biologics მხოლოდ საკუთარ წამლებს არ ქმნის — ის სხვა ფარმაცევტული კომპანიებისთვის ავითარებს და აწარმოებს ბიოლოგიურ მედიკამენტებს, რის გამოც ბიოფარმაცევტული ინდუსტრიის ერთ-ერთ წამყვან პარტნიორად ითვლება.PolyPeptide კი არის შვეიცარიაში დაფუძნებული ბიოფარმაცევტული კომპანია, რომელიც სპეციალიზებულია პეპტიდური აქტიური ფარმაცევტული ინგრედიენტების განვითარებასა და წარმოებაში.მისი საქმიანობის ძირითადი მიმართულებებია თერაპიული პეპტიდების კვლევა, განვითარება და წარმოება, ფარმაცევტული და ბიოტექნოლოგიური კომპანიებისთვის საკონტრაქტო მომსახურების გაწევა. პეპტიდები ამინომჟავების მოკლე ჯაჭვებია, რომლებიც თანამედროვე მედიცინაში ფართოდ გამოიყენება ისეთი დაავადებების სამკურნალოდ, როგორიცაა სიმსუქნე, შაქრიანი დიაბეტი, ონკოლოგიური დაავადებები, ენდოკრინული დარღვევები, იშვიათი გენეტიკური დაავადებები. რაც შეეხბა გარიგების მნიშვნელობას, Samsung Biologics ტრადიციულად ძლიერიაბიოლოგიური პრეპარატების (მაგალითად, მონოკლონური ანტისხეულების) წარმოებაში. PolyPeptide-ის შეძენით ის მნიშვნელოვნად გააძლიერებს პოზიციებს სწრაფად მზარდ პეპტიდური მედიკამენტების ბაზარზე, რომელიც სიმსუქნისა და დიაბეტის ახალი თაობის პრეპარატების მზარდი მოთხოვნის ფონზე განსაკუთრებულად იზრდება.