ჯანმო არგენტინამაც დატოვა - ორგანიზაცია შემცირებებისთვის ემზადება

1773912084

არგენტინის მიერ ერთი წლის წინ მიღებული გადაწყვეტილება, შეწყდეს ჯანდაცვის მსოფლიო ორგანიზაციაში მისი წევრობა, ძალაში შევიდა. ამის შესახებ ქვეყნის საგარეო საქმეთა მინისტრმა კირნომ განაცხადა. არგენტინამ გასვლის მიზეზად ორგანიზაციის მიერ პანდემიის მართვასთან დაკავშირებული უთანხმოება დაასახელა.

„ჩვენი ქვეყანა გააგრძელებს ჯანდაცვის სფეროში საერთაშორისო თანამშრომლობის ხელშეწყობას ორმხრივი შეთანხმებებისა და რეგიონული ფორუმების მეშვეობით, სრულად დაიცავს თავის სუვერენიტეტს და ჯანდაცვის პოლიტიკის საკითხებზე გადაწყვეტილების მიღების უფლებამოსილებას“, - დაწერა კვირნომ სოციალურ მედია პლატფორმა X-ზე.

ზუსტად ერთი წლის წინ, არგენტინის მთავრობამ გაეროს გენერალურ მდივანს ანტონიო გუტიერესს აცნობა ჯანმო-დან გასვლის განზრახვის შესახებ. პრეზიდენტმა ხავიერ მაილიმ ეს ნაბიჯი COVID-19 პანდემიის დროს ჯანმო-ს პოლიტიკასთან უთანხმოებით ახსნა.

მსგავსი გადაწყვეტილება არგენტინის გადაწყვეტილებამდე დაახლოებით ერთი თვით ადრე აშშ-ის პრეზიდენტის, დონალდ ტრამპის ადმინისტრაციამ მიიღო და ეს გადაწყვეტილება იანვრის ბოლოს შევიდა ძალაში. ამგვარად, შეერთებული შტატები გახდა პირველი ქვეყანა, რომელმაც დატოვა ჯანდაცვის მსოფლიო ორგანიზაცია, რომელიც 1948 წელს დაარსდა და 190-ზე მეტი წევრი ჰყავს. ტრამპმა ჯანმო კორუფციაში, არაეფექტურობასა და ჩინეთისა და სხვა ქვეყნების პოლიტიკური ზეწოლისადმი დამორჩილებაში დაადანაშაულა.

ჯანმო-დან ოფიციალური გასვლის შემდეგ, შეერთებულმა შტატებმა 260 მილიონი დოლარის ვალი დატოვა. აშშ-სა და არგენტინის გადაწყვეტილებების შემდეგ, ჯანმო-ს ხელმძღვანელობა პერსონალს ამცირებს. მოსალოდნელია, რომ ჯანმო-ს თანამშრომლების 25 პროცენტი წლის ბოლომდე სამსახურიდან გათავისუფლდება.

„მნიშვნელოვანი პროგრესია“ - საქართველოში ბავშვთა და ახალშობილთა სიკვდილიანობა მცირდება

ჯანმო ღრმა მწუხარებას გამოთქვამს ილია მეორის გარდაცვალების გამო

სამსახურის გაცდენა, პროდუქტიულობის შემცირება, ადამიანების შრომის ბაზრიდან გათიშვა - ჯანმო არადაგადამდები დაავადებების ეკონომიკურ შედეგებს აფასებს

„ტუბერკულოზის ინოვაციური მკურნალობის თვალსაზრისით, საქართველო რეგიონული ლიდერია“ - უცხოელი პარტნიორების შეფასება

რეგიონებში სკრინინგის უფასო აქციები დაიწყო

საყოველთაო ჯანდაცვა

ექთნების დეფიციტი განსაკუთრებით მწვავედ პირველად ჯანდაცვაში დგას - მიზეზი დაბალი ხელფასებია

„საბაზისო პაკეტი ბევრად მომხიბვლელი გახდა, ვიდრე ოდესმე ყოფილა“ - სპეციალისტები პირველადი ჯანდაცვის რეფორმაზე

ქვეყანაში სოცდაუცველთა გადამოწმება იწყება - ჯანდაცვის რომელი პროგრამებით სარგებლობენ სტატუსის მქონე ოჯახები

ფარმაცევტული ბაზარი

Reuters: ომი კიბოს სამკურნალო პრეპარატებით მომარაგებას საფრთხეს უქმნის

ახლო აღმოსავლეთში მიმდინარე ომმა სერიოზულად დაარღვია საჰაერო და საზღვაო სატრანსპორტო მარშრუტები, რომლებიც ფარმაცევტული პროდუქციის მიწოდებისთვის კრიტიკულად მნიშვნელოვანია. ამის შესახებ Reuters-ი წერს და აღნიშნავს, რომ რეგიონის რამდენიმე მთავარი აეროპორტი, მათ შორის დუბაიში, აბუ დაბისა და დოჰაში დროებით დაიხურა. ამის გამო შეფერხდა ისეთი მედიკამენტების ტრანსპორტირება, რომლებიც მკაცრ ტემპერატურულ პირობებს მოითხოვს, მაგალითად კიბოს სამკურნალო პრეპარატები.სპეციალისტების თქმით, ყურის ქვეყნები ფარმაცევტული პროდუქციის იმპორტზე მნიშვნელოვნად არიან დამოკიდებული და ამ პროდუქტებისთვის ალტერნატიული ტრანსპორტირების ვარიანტები შეზღუდულია, რადგან ბევრ მედიკამენტს მცირე შენახვის ვადა აქვს და მუდმივ „ცივ ჯაჭვს“ საჭიროებს.ფარმაცევტული კომპანიები და ლოჯისტიკური ოპერატორები უკვე ცდილობენ გადაზიდვების გადამისამართებას სხვა ქალაქების გავლით, მათ შორის ერ-რიადში, სტამბოლსა და ომანში.ინდუსტრიის წარმომადგენლები აცხადებენ, რომ თუ შეფერხება დიდხანს გაგრძელდება, 4–6 კვირის განმავლობაში შესაძლოა მნიშვნელოვანი დეფიციტი შეიქმნას, განსაკუთრებით ისეთი ძვირადღირებული და მოკლე შენახვის ვადის მქონე მკურნალობების შემთხვევაში, როგორიცაა მონოკლონური ანტისხეულები.ამ დროისთვის კომპანიები პრობლემის მართვას ცდილობენ გადაზიდვების კოორდინაციის გაძლიერებით, სასიცოცხლოდ მნიშვნელოვანი ტვირთების პრიორიტეტიზაციით და ალტერნატიული მარშრუტების გამოყენებით, მაგალითად ჩინეთის ან სინგაპურის გავლით.თუმცა, ახალი მარშრუტები უფრო ძვირი და გრძელია, რაც ზრდის საწვავის ხარჯებს და ართულებს მედიკამენტების მუდმივ ტემპერატურულ კონტროლს. ექსპერტების თქმით, პრობლემები შესაძლოა მხოლოდ წამლებზე არ გავრცელდეს — შეფერხება შეიძლება შეეხოს მედიკამენტების შეფუთვის მასალებსაც, რაც ჯანმრთელობის დაცვის მიწოდების ჯაჭვს კიდევ უფრო დააზარალებს.

Roche-ის აქციები 5%-ზე მეტით დაეცა- მიზეზი კიბოს წამლის წარუმატებლობაა

შვეიცარიული ფარმაცევტული კომპანია Roche-ის აქციები ორშაბათს 5%-ზე მეტით დაეცა მას შემდეგ, რაც კომპანიამ ვერ შეძლო ეჩვენებინა, რომ მისი პერსპექტიული პრეპარატის კანდიდატი giredestrant, რომელიც ძუძუს კიბოს გავრცელებული ფორმის წინააღმდეგაა მიმართული, ახლად დიაგნოსტირებული პაციენტებისთვის ეფექტიანია. ვაჭრობის პერიოდში კომპანიის აქციები 5.1%-ით შემცირდა და დაახლოებით ერთი თვის განმავლობაში ყველაზე დაბალ ნიშნულზე დაეცა.Roche-მ განცხადებაში აღნიშნა, რომ III ფაზის კლინიკურმა კვლევამ ვერ წარმოადგინა სანდო მტკიცებულება, რომ პრეპარატის გამოყენება Pfizer-ის Ibrance-თან კომბინაციაში, როგორც პირველადი მკურნალობა, ანელებს დაავადების პროგრესირებას სტანდარტულ ჰორმონულ თერაპიასთან შედარებით, Ibrance-თან კომბინაციაში.გასულ წელს Roche-ის აბებმა შეამცირა სიმსივნის რეციდივის რისკი ძუძუს კიბოთი დაავადებულ პაციენტებში, რომლებმაც მკურნალობა გვიან სტადიაზე ჩატარებული კვლევის დროს მიიღეს. ამ შედეგმა მაშინ Roche-ს აქციები გაზარდა.„გირედესტრანტის“ აბი მიეკუთვნება მედიკამენტების კლასს, რომელიც ცნობილია როგორც ორალური სელექციური ესტროგენის რეცეპტორების დეგრადატორები (SERD). ეს მედიკამენტები ებრძვიან სიმსივნეებს, რომლებიც ესტროგენის საპასუხოდ იზრდებიან და რომლებიც ძუძუს კიბოს ყველა შემთხვევის 80%-მდე შეადგენს.Reuters-ის ინფორმაცია

რაც ქალებს ყველაზე მეტად სჭირდებათ, ჩვენთან არ იყიდება

ყველაფერი, რაც ქალს ჯანმრთელობის, საჯანსაღისა და თავის მოვლისთვის სჭირდება, PSP უსაზღვროდ დიდ არჩევანს სთავაზობს, ამასთან მსოფლიოში ცნობილი ბრნედების პროდუქციაზე 10 მარტის ჩათვლით განსაკუთრებულ, 70%-მდე ფასდაკლებას აცხადებს.ეს მრავალფეროვნება და გრანდიოზული ფასდაკლება ძალიან ამარტივებს ქალთა დღეების საჩუქრების შეძენას. მსოფლიოში ცნობილი 100-ზე მეტი ბრენდის პროდუქტებიდან სასურველს ადვილად იპოვი, მაგრამ ყველას ერთად ხომ არ უყიდი; საკითხი დგება, რომელი უფრო სჭირდება ქალს: შრატი თუ სახის ნიღაბი? სახის ნიღაბი თუ ტუში? ბალზამი თუ კონდიციონერი? კონდიციონერი თუ თმის ზეთი? კოლაგენი თუ ვიტამინი? CC კრემი თუ კონსილერი...და სწორედ მაშინ, როდესაც ყველა კოსმეტიკა თუ ყვავილები, სუნამო თუ სამკაული, თუ…-ზე იმტვრევდა თავს, აღმოჩნდა, რომ ქალების უდიდეს ნაწილს სინამდვილეში მეტი გამოძინება, სამსახურის მერე დასვენება, ფინანსურიდამოუკიდებლობა, ოჯახში ზრუნვის გადანაწილება, სქესის განურჩევლად დაწინაურების თანაბარი შესაძლებლობა, ქალებზე სტერეოტიპებისგან გათავისუფლება, პროფესიების სქესის მიხედვით არდაყოფა, მისი არა, რომ არადისმოდეს და მემკვიდრეობის თანაბარი განაწილება სჭირდებათ.„ეს ერთგვარი აღიარება და სიმართლისთვის თვალის გასწორებაა, რომელიც PSP-ს კომუნიკაციას მუდამ თან სდევს - გამბედაობა გავუსწოროთ თვალი რეალობასშეულამაზებლად, დავფიქრდეთ და ვილაპარაკოთ იმაზე, რაც საზოგადოებისთვის მნიშვნელოვანია“-აცხადებენ PSP-ში.

„ბიოქიმფარმი“: რეგიონში არსებული გეოპოლიტიკური ტურბულენტობის მიუხედავად, ახალ ბაზარზე შესვლას ვგეგმავთ

ფაგების მწარმოებელი კომპანია „ბიოქიმფარმი“ წელს ახალ საექსპორტო ბაზარზე გასვლას გეგმავს. როგორც კომპანიაში აცხადებენ, რეგიონში მიმდინარე გეოპოლიტიკური ტურბულენტობის მიუხედავად, მათ გეგმებშია, მიმდინარე წელს მინიმუმ კიდევ ერთ ახალ ბაზარზე შევიდნენ. ამ ეტაპზე „ბიოქიმფარმი“ 8 საექსპორტო ქვეყანაშია წარმოდგენილი.„GMP ტანდარტის დანერგვა "ბიოქიმფარმისთვის" გარდამტეხი ეტაპი იყო. ისტორიული ფაგების საწარმოს მოდერნიზაცია და მისი გარდაქმნა სრულად ავტომატიზებულ, ევროპული სტანდარტის საწარმოდ, გახდა სტრატეგიული წინაპირობა ადგილობრივი და საერთაშორისო განვითარებისთვის. საკმაოდ რთული გზა გამოვიარეთ ამ მიმართულებით და ძალიან რთული იქნებოდა ჩვენი პარტნიორებისა და სახელმწიფო მხარდაჭერის გარეშე მსგავსი მასშტაბური, მაღალტექნოლოგიური პროექტის განხორციელება. ჩვენი განვითარების სტრატეგია მოიცავს უკვე არსებულ ბაზრებზე ზრდა-განვითარებასა და საექსპორტო გეოგრაფიის შემდგომ დივერსიფიკაციას, GMP სერტიფიცირებული საწარმოს შესაძლებლობების მაქსიმალურ გამოყენებას და წარმოების მასშტაბირების გაგრძელებას, ასევე ფაგებზე დაფუძნებული ახალი მედიკამენტების განვითარებასა და არსებული პორტფელის გაფართოებას. ასევე ვგეგმავთ საერთაშორისო კვლევითი და ტექნოლოგიური თანამშრომლობის გაძლიერებას,“ - განაცხადა „ბიოქიმფარმის“ გენერალურმა მენეჯერმა რატი ღოლიჯაშვილმა jandacva.ge-სთან საუბარში და აღნიშნა, რომ განსაკუთრებული ყურადღება ეთმობა ხარისხის მართვის სისტემის ეფექტურ ფუნქციონირებასა და GMP სტანდარტთან შესაბამისობის შენარჩუნებას. მისი თქმით, ეს მნიშვნელოვანია არამხოლოდ კომპანიის, არამედ მთლიანად სფეროს განვითარებისთვის, რათა საქართველო სწორად პოზიციონირდეს, როგორც ფაგების ტექნოლოგიის ლიდერი და ანტიბიოტიკორეზისტენტობასთან ბრძოლის მსოფლიო ცენტრი. „ჩვენ გვჯერა, რომ ანტიბიოტიკებისადმი რეზისტენტობის ფონზე ფაგებისა და ფაგოთერაპიის როლი მხოლოდ გაიზრდება, ამიტომ ჩვენი გუნდისთვის 2026 წელი იქნება ხარისხზე, ადგილობრივ და საერთაშორისო განვითარებაზე ორიენტირებული,“ - აღნიშნა ღოლიჯაშვილმა. რაც შეეხება გამოწვევებს, კომპანიაში აცხადებენ, რომ GMP რეგულაციის ამოქმედების შემდეგ, ბაზარზე გამოჩნდა ფაგებზე დაფუძნებული არაერთი არარეგისტრირებელი პარასამკურნალო საშუალება, რომელიც არც რეგულირებასა და არც GMP კონტროლს არ ექვემდებარება. jandacva.ge-სთან საუბარში „ბიოქიმფარმის“ ხარისხის მიმართულების ხელმძღვანელი იმედა რუბაშვილი განსაკუთრებულ აქცენტს აკეთებს იმ სტანდარტებზე, რომელსაც კარგი საწარმოო პრაქტიკის (GMP) სერტიფიკატი ადასტურებს. ეს სტატუსი კი „ბიოქიმფარმს“ რამდენიმე წელია, მიღებული აქვს.რუბაშვილის განმარტებით, აღნიშნული სტანდარტი გულისხმობს მკაცრად კონტროლირებულ საწარმოო გარემოს, მაღალი ხარისხის ხელსაწყო-დანადგარებს, სათავსოებსა და ტექნოლოგიურ პროცესებს, ასევე ხარისხის მრავალსაფეხურიან კონტროლს, დატრენინგებულ და კვალიფიცირებულ პერსონალს, მიკრობიოლოგიური სისუფთავისა და ბიოუსაფრთხოების მაღალ დონეს, პროდუქტის წარმოების თითოეული ეტაპის სათანადო დოკუმენტირებას.მისივე თქმით, ფაგის პრეპარატების წარმოება განსაკუთრებით კომპლექსურია, რადგან, გარდა იმისა, რომ ეს სტერილური წარმოებაა, მოიცავს მეორე რისკ-ჯგუფის პათოგენურ მიკროორგანიზმებთან მუშაობას (როგორიცაა Salmonella, Shigella, Escherichia coli, Staphylococcus, Streptococcus და სხვ.), ასევე - საწარმოო მასშტაბით მათ გამრავლებას, სტერილური ფილტრაციის მრავალეტაპიან პროცედურებს, რაც დამატებით, ბიოუსაფრთხოების მკაცრი მოთხოვნების დაცვას მოითხოვს.„აღნიშნული მოთხოვნების შესრულებას GMP სტანდარტი უზრუნველყოფს, რადგან ფარმაცევტულ წარმოებაში პათოგენური მიკროორგანიზმების არსებობაზე მონიტორინგი GMP-ის კრიტიკულად მნიშვნელოვანი საკითხია. ჩვენს კომპანიაში, ხარისხის მიმართულებით დასაქმებულია მაღალკვალიფიციური პერსონალი, რომელიც საწარმოს მთლიანი პერსონალის რაოდენობის მესამედს შეადგენს.ერთის მხრივ, GMP სტანდარტი საუკეთესო შესაძლებლობაა ფარმაცევტული სფეროს განვითარებისთვის, თუმცა მნიშვნელოვანია, რომ ეს სტანდარტი და მოთხოვნები გავრცელებული იყოს მთლიანად სფეროზე და არა ცალკეულ GMP სერტიფიცირებულ მწარმოებლებზე. ამ კონტექსტში, განსაკუთრებით პრობლემურია ის ფაქტი, რომ GMP რეგულაციის ამოქმედების შემდეგ, ბაზარზე გამოჩნდა ფაგებზე დაფუძნებული არაერთი არარეგისტრირებული პარასამკურნალო საშუალება, რომელიც არ ექვემდებარება რეგულირებასა და წარმოების პროცესის GMP კონტროლს. ასეთ პირობებში განსაკუთრებულ მნიშვნელობას იძენს სახელმწიფოს მხრიდან არარეგისტრირებული პარასამკურნალო საშუალებების რეგულაციების ქვეშ შემოყვანა და აღნიშნული რეგულაციის აღსრულება. ეს მნიშვნელოვანია დასაქმებული პერსონალის, მომხმარებლისა და საზოგადოების უსაფრთხოების უზრუნველსაყოფად. „ბიოქიმფარმისთვის“ GMP მხოლოდ სერტიფიკატი არ არის, არამედ ეს არის ნდობის საფუძველი ადგილობრივ და საერთაშორისო ბაზრებზე, პროდუქტის ხარისხისა და პაციენტის უსაფრთხოების გარანტი და კომპანიის გრძელვადიანი, მდგრადი განვითარების სტრატეგიული საყრდენი,“ - განაცხადა რუბაშვილმა.ცნობისთვის: „ბიოქიმფარმში“ 80-მდე თანამშრომელია დასაქმებული. კომპანია საქართველოში ფაგების ერთადერთი ავტორიზებული ფარმაცევტული მწარმოებელია. გარდა ამისა, ის ერთ-ერთია საქართველოს ბაზარზე წარმოდგენილ იმ ოთხ კომპანიას შორის, რომლებიც სერტიფიცირებულია ნაციონალურ სტანდარტად აღიარებული EU GMP სტანდარტით. 1934 წელს დაარსებული, ისტორიული ფაგების საწარმო, სრული მოდერნიზაციის შემდეგ, ევროპული სტანდარტის საწარმოდ გარდაიქმნა. 2023 წელს კი კომპანიას GMP სერტიფიკატი მიენიჭა.

„ჭარბი ფასები ფარმაცევტულ ბაზარზე“ - კონკურენციის სააგენტომ ქართული გამოცდილება ევროპული ქვეყნების წარმომადგენლებს გააცნო

დაზღვევა

2025 წელს სადაზღვევო სექტორის შემოსავლები მილიარდ 411 მილიონ ლარს მიაღწია, რაც 12%-იანი ზრდაა

"თუ სადაზღვევო კომპანიები არ ჩამოშორდა ფარმაცევტულ ბიზნესს, შეუძლებელია, შედეგი მივიღოთ"

“ვაიზერმა” ტურისტულ სექტორს სამოგზაურო პოლისების ახალი პლატფორმა წარუდგინა

მსოფლიო

ფიზიკური აქტივობის მაქსიმალური დონე მდიდარ ქვეყნებში მცხოვრებ, შეძლებულ მამაკაცებში დაფიქსირდა - კვლევა

„ეს არის ომის დანაშაულები. ყველაფერს თავისი სახელი დავარქვათ“ - ჯანმო საავადმყოფოებისა და სკოლების დაბომბვაზე

COVID-ვაქცინის ლეგენდარული შემქმნელები BioNTech-ს ტოვებენ და ახალ კომპანიას ქმნიან

ჯანმო: ახლო აღმოსავლეთში კონფლიქტის ესკალაციის შედეგად 1800-ზე მეტი ადამიანი დაიღუპა და 12500-ზე მეტი დაშავდა

პანდემიის გამოცხადებიდან ექვსი წლის თავზე, COVID-19 „საზოგადოებრივი ჯანმრთელობის მუდმივ საფრთხედ“ რჩება

სხვა სიახლეები

ჯანმო ღრმა მწუხარებას გამოთქვამს ილია მეორის გარდაცვალების გამო

რეგიონებში სკრინინგის უფასო აქციები დაიწყო

„საჭიროა გონივრული პერიოდით გადავადება“ - როდის აიკრძალება ქვეყანაში სისხლის დონორობა ანაზღაურების სანაცვლოდ?

„დღეს ფიტნეს-დარბაზების ფასები „ელიტური“ აღარაა“ - სექტორი ტარიფების კიდევ უფრო შემცირების რესურსს ხედავს

ყველაზე კითხვადი

16–22 მარტი - კვირის კლიმატი და ჯანმრთელობა

"გარემოსა და ადამიანის ჯანმრთელობაზე პლასტმასის გავლენა ძალიან მაღალია" - რატომ ზღუდავს ხელისუფლება პლასტმასის მოხმარებას

covid-19

ქართველ ტურისტებს შორის პოპულარულ ქვეყნებში კოვიდის ახალი შტამი ვრცელდება - ექიმების რეკომენდაციები

კოვიდ 19-ის პანდემიის დაწყებიდან ხუთი წლის შემდეგ მსოფლიოში ამ ვირუსზე კიდევ ერთხელ ალაპარაკდნენ. ახალ შტამს, რომელიც საკმაოდ სწრაფად ვრცელდება, NB.1.8.1 ეწოდება. თემა საზოგადოებრივმა მაუწყებელმა გააშუქა.როგორც პირველი არხის სიუჟეტშია აღნიშნული, ინფექციონისტების ინფორმაციით, არსებული მონაცემებით, ახალი შტამის სიმპტომები ომიკრონის ქვეშტამის მსგავსი უნდა იყოს. მათივე განცხადებით, მრავალი მუტაციის წყალობით კოვიდის ახალ შტამს შესაძლოა უჯრედების ინფიცირება უფრო აქტიურად შეეძლოს, ვიდრე წინა ვარიანტებს. თუმცა არ არსებობს მონაცემები, რომ მას რთული მიმდინარეობა ახასიათებს.სიუჟეტის თანახმად, უცხოური მედიის ინფორმაციით, კოვიდის ეს სახეობა უფრო გადამდებია და ჯანმრთელობის მსოფლიო ორგანიზაციამ NB.1.8.1 უკვე დაახასიათა როგორც დაკვირვების ქვეშ მყოფი ვარიანტი, რადგან ის ბევრ ქვეყანაში ცირკულირებს და სწრაფი გავრცელებით გამოირჩევა. კოვიდის ახალი შტამი მნიშვნელოვანი რაოდენობით ფიქსირდება აღმოსავლეთ ხმელთაშუაზღვისპირეთში, მათ შორის - ტურისტულად პოპულარულ ეგვიპტეში. ის უკვე გამოჩნდა ტაილანდსა და მალდივებზეც. ვირუსი ასევე გავრცელებულია აშშ-ში, ავსტრალიაში, ჩინეთსა და ჰონგ-კონგში. არის თუ არა რისკი რომ კოვიდ 19-ის ახალი ვარიანტი საქართველოშიც გავრცელდეს, ამ კითხვით პირველმა არხმა ქართველ ინფექციონისტებს მიმართა. სპეციალისტები მოქალაქეებს, რომლებიც დასახელებულ ქვეყნებში მოგზაურობას გეგმავენ, მოუწოდებენ რესპირატორული სიმპტომების გამოვლენისთანავე მოერიდონ საზოგადოებრივ თავშეყრის ადგილებს და დროულად მიმართონ სამედიცინო დაწესებულებას.ინფექციონისტები ამბობენ, რომ უახლოესი თვეების განმავლობაში ქვეყანაში ახალი შტამის გავრცელების რისკი დაბალია.„ეს შტამი მძიმე მიმდინარეობას იშვიათად იწვევს და კლინიკური მიმდინარეობით სხვა შტამებისგან არ გამოირჩევა. უბრალოდ, ახასიათებს უფრო ადვილი გავრცელება. ადვილად გავრცელებადი შტამები კი შეიძლება გავრცელდეს რამდენიმე ათეულ ქვეყანაში, მათ შორის საქართველოში, თუმცა არ მგონია, რომ ამ ეტაპზე მან რაიმე გავლენა მოახდინოს ეპიდსიტუაციაზე კოვიდის კუთხით. უბრალოდ, უნდა დავაკვირდეთ ამ შტამის განვითარებას და იმ რეკომენდაციებს მივყვეთ, რასაც ჯანდაცვის სპეციალისტები გვაძლევენ,“ - განაცხადა ინფექციონისტმა ალექსანდრე გოგინავამ.

აშშ-მ Moderna-სთან ფრინველის გრიპის ვაქცინის შექმნის 600-მილიონიანი კონტრაქტი გააუქმა

ტრამპის ადმინისტრაციამ გააუქმა კომპანია Moderna-სთან გაფორმებული კონტრაქტი, რომელიც ე.წ. ფრინველის გრიპის საწინააღმდეგო ვაქცინის ბოლო ეტაპზე გამოცდას გულისხმობს. იანვარში Moderna-ს ბაიდენის ადმინისტრაციამ 590 მილიონი დოლარი გამოუყო, რათა დაჩქარებულიყო ფრინველის გრიპის ვაქცინის შექმნა და გაფართოებულიყო პანდემიური გრიპის კიდევ ხუთი ქვეშტამის კლინიკური კვლევები. დამატებით 176 მილიონი დოლარის დაფინანსების მიზანი იყო, დასრულებულიყო H5N1-ის mRNA ვაქცინის საბოლოო განვითარების და ტესტირების პროცესი.„გაუქმება ნიშნავს, რომ მთავრობა უარყოფს ერთ-ერთ ყველაზე ეფექტურ და სწრაფ საშუალებას ფრინველის გრიპის ეპიდემიის წინააღმდეგ ბრძოლაში,“ — თქვა ჯონ ჰოპკინსის ჯანმრთელობის უსაფრთხოების ცენტრის უფროსმა მკვლევარმა ამეშ ადალჯამ. აშშ-ის ჯანმრთელობისა და სოციალური მომსახურების სამინისტროს სპიკერის განცხადებით, შემოწმების შედეგად გადაწყდა, რომ პროექტი არ აკმაყოფილებდა სამეცნიერო სტანდარტებსა და უსაფრთხოების მოთხოვნებს, რაც საჭიროა ფედერალური ინვესტიციის გაგრძელებისთვის.

ბოლო 3 კვირაა, საქართველოში კორონავირუსი დომინანტური ვირუსია

საქართველოში კორონავირუსი კვლავ აქტიურად ცირკულირებს. ამის შესახებ საზოგადოებრივ მაუწყებელთან საუბარში იაშვილის კლინიკის სამედიცინო დირექტორმა ივანე ჩხაიძემ განაცხადა.„თუ გადავხედავთ ბოლო მონაცემებს, რომლებსაც დაავადებათა კონტროლის ეროვნული ცენტრი გვაწვდის, ბოლო 3 კვირის განმავლობაში კორონავირუსი წარმოადგენს დომინანტურ ვირუსს. ანუ ის მონაცემები, რაც ლაბორატორიულად დადასტურებულ შემთხვევებს ეხება, მიუთითებს იმაზე, რომ ყველაზე მეტი რაოდენობით ახლა ქვეყანაში კორონავირუსი ფიქსირდება,“ - განაცხადა ჩხაიძემ და აღნიშნა, რომ კორონავირუსის ასეთი სიჭარბე მიმდინარე სეზონისთვის ტიპიური არ არის და მისი გავრცელების ალბათობა ზამთრის პერიოდში ყველაზე მაღალია. ივანე ჩხაიძის განცხადებით, გრიპის ბოლო შემთხვევა ქვეყანაში ივლისის დასაწყისში დაფიქსირდა, რაც ასევე უჩვეულოა. ამასთან, ივანე ჩხაიძის თქმით, ყველა ვირუსი, რომელიც ახლა ქვეყანაში ცირკულირებს, ძირითადად მსუბუქად მიმდინარეობს და სასუნთქი სისტემის მცირე დაზიანებას იწვევს - ესაა ხველა, დაბალი ტემპერატურა, ცხვირიდან გამონადენი და ა.შ. ეს არაა ვირუსები, რომლებსაც სერიოზული გართულებების გამოწვევა შეუძლია.

ჯანმო COVID-19-ის შემთხვევების ზრდაზე საუბრობს და მთავრობებს ვაქცინაციის გააქტიურებისკენ მოუწოდებს

COVID-19 კვლავ ჩვენთანაა და ყველა ქვეყანაში ვრცელდება. ამის შესახებ ჟენევაში ჟურნალისტებთან საუბარში ჯანმრთელობის მსოფლიო ორგანიზაციის წარმომადგენელმა მარია ვან კერკჰოვემ განაცხადა. მისი თქმით, ინფექციის ახალი ტალღები დარეგისტრირდა ჩრდილოეთ და სამხრეთ ამერიკაში, ევროპასა და წყნარი ოკეანის რეგიონის დასავლეთ ნაწილში. „84 ქვეყანაში არსებული ჩვენი სისტემის მონაცემები აჩვენებს, რომ SARS-CoV-2-ის ტესტებზე დადებითი პასუხები პროცენტულად მატულობს,“ - განაცხადა მან და აღნიშნა, რომ ევროპაში ეს მაჩვენებელი 20%-ს აჭარბებს, თუმცა რეალურად ის შესაძლოა 2-დან 20-ჯერ მეტი მასშტაბის იყოს.ჯანმოს წარმომადგენლის თქმით, ინფექციების გავრცელების ასეთი მაღალი ტემპები ჩრდილოეთ ნახევარსფეროსთვის დამახასიათებელი არ არის, რადგან რესპორატორული ვირუსების აქტიური ფაზა დაბალ ტემპერატურაზე მოდის. „ბოლო თვეებში, წელიწადის დროისგან დამოუკიდებლად, ბევრ ქვეყანაში COVID-19-ის აფეთქებაა. მათ შორისაა ოლიმპიური თამაშები, სადაც სულ მცირე 40 სპორტსმენი დაინფიცირდა,“ - აღნიშნა ვან კერკჰოვემ.ვირუსის გავრცელებასთან ერთად მატულობს უფრო მძიმე შტამის წარმოშობის საფრთხე.მიუხედავად ჰოსპიტალიზაციის შედარებით დაბალი მაჩვენებლებისა, ჯანმო სახელმწიფოებს მოუწოდებს, გააქტიურონ ვაქცინაციის კამპანიები და მაღალი რისკის ადამიანები 12 თვეში ერთხელ აცრან.

COVID-ის შტამების ჯგუფი FliRT-ი მსოფლიოში დომინანტი გახდა

ჯანმრთელობის მსოფლიო ორგანიზაციის მონაცემებით, COVID-19-ის ვარიანტების ახალი ჯგუფი სახელწოდებით FliRT მთელი მსოფლიოს მასშტაბით დომინანტი გახდა. LiRT არის ომიკრონის ოჯახის ქვევარიანტების ჯგუფი. სავარაუდოდ ისინი, წარმოიქმნა JN.1-ის ქვევარიანტიდან, უფრო კონკრეტულად, მისი განშტოება JN.1.11.1.-დან. ამასთან, დიდი ბრიტანეთის ჯანდაცვის სისტემის წარმომადგენლებმა განაცხადეს, რომ აუცილებელია მეტი მონაცემი იმის გასარკვევად, რამდენად სერიოზული და გადამდები შეიძლება იყოს ახალი ვარიანტები. იზრდება თუ არა Covid-19-ის შემთხვევები მსოფლიოში? ჯანმოს ბოლო ანგარიშის თანახმად, მაისში შემთხვევების რაოდენობა წინა თვეებთან შედარებით შემცირდა.ამასთან, ზოგიერთ ქვეყანაში შემთხვევების რაოდენობა იზრდება. მაგალითად ინგლისში მაისსა და ივნისში კოვიდ-დადებითი ანალიზების სტატისტიკა გაიზარდა. ასეთივე სურათია ევროპის რამდენიმე სხვა ქვეყანაშიც. შემთხვევების რაოდენობა იზრდება აშშ-შიც. 22 ივნისის მონაცემებით, ერთი კვირის ჭრილში, დადებითი პასუხების სტატისტიკა 1,4%-ითაა გაზრდილი. რაც შეეხება FliRT-ის ვარიანტების სიმპტომებს, ისინი ისეთივეა, როგორიც COVID-19-ის სხვა ტიპებისთვისაა დამახასიათებელი. ჯანმოს მონაცემებით, სიმპტომები, როგორც წესი, თავს იჩენს დაინფიცირებიდან 5-6 დღეში და 1-დან 14 დღემდე გრძელდება. ყველაზე გავრცელებული სიმპტომებია ცხელება, ყელის ტკივილი. შესაძლოა, აღინიშნოს კუნთებისა და სახსრების ტკივილი, სურდო, თავის ტკივილი, თავბრუსხვევა და სხვა. ეფექტიანია თუ არა არსებული ვაქცინები FliRT-ის ვარიანტების წინააღმდეგ? სპეციალისტების თქმით, დიდი ალბათობით, ვაქცინებმა ადამიანები კორონავირუსის ამ სახეობებისგანაც უნდა დაიცვას.ამასთან, ევროკავშირისა და აშშ-ს პოზიციაა, რომ უნდა შეიქმნას ახალი ვაქცინები.