"დაზღვევა ფუფუნება აღარაა" - 5 წელიწადში სამედიცინო სერვისები მინიმუმ ორჯერ გაძვირდა

1778077080

სამედიცინო სერვისები ძვირდება და, შესაბამისად, დაზღვევა არათუ ფუფუნება აღარაა, ფუფუნება უკვე მისი არქონაა.

ამის შესახებ სადაზღვევო კომპანია „ევროინს ჯორჯიას“ გაყიდვების დეპარტამენტის ხელმძღვანელმა გიორგი გოქსაძემ, დაზღვევის სახელმწიფო ზედამხედველობის სამსახურის პროექტის ფარგლებში, ფეისბუქ ლაივ ჩართვაში საუბრისას განაცხადა.

მან მოიყვანა 2020-დან 2025 წლის ჩათვლით პერიოდში, საქართველოში სამედიცინო მომსახურების სერვისების ფასების მაჩვენებლები, სადაც ნათლად ჩანს, რომ ეს მომსახურებები მნიშვნელოვნადაა გაძვირებული.
კერძოდ, თუ 2020 წელს ექიმის კონსულტაციის საშუალო ღირებულება 40-50 ლარი იყო, 2025 წლისთვის ის უკვე 70-100 ლარს შეადგენს.

ამბულატორიული მომსახურება იგივე პერიოდში 80-120 ლარიდან 150-250 ლარამდე გაძვირდა. ჰოსპიტალიზაცია კი, რომლის ტარიფიც 2020 წელს ერთ პაციენტზე საშუალოდ 800-დან 1200-მდე ლარს შეადგენდა, დღეს 1800-დან 2800 ლარამდეა გაზრდილი.

„დაზღვევა ნამდვილად არაა ფუფუნება. დაზღვევით ჩვენ ვყიდულობთ სიმშვიდის და სტაბილურობის განცდას,“ - აღნიშნა გოქსაძემ.

ფილტვის კიბოს უფასო სკრინინგზე, პროგრამის ამოქმედების პირველივე დღეებიდან მაღალი მიმართვიანობაა

კახა კალაძე: „რევმატოიდული ართრიტის სამკურნალო მედიკამენტის დაფინანსების“ პროგრამა საარჩევნო დაპირება იყო და დღეს ეს შესრულებული სიტყვაა

მიხეილ სარჯველაძე ცისტური ფიბროზის მქონე პაციენტების მშობლებს შეხვდა

მალარიის წინააღმდეგ ბრძოლაში შეტანილი წვლილისთვის რეგიონებში მომუშავე, ჯანდაცვის სფეროს წარმომადგენლები დაჯილდოვდნენ

"პოლიტიკური მიკერძოება ან კომერციულ ინტერესები არასწორ შთაბეჭდილებებს ქმნის, მსოფლიოში საუბრობენ ფარმაცევტული კომპანიების მხრიდან გადაჭარბებული მოლოდინების შექმნაზე"

საყოველთაო ჯანდაცვა

დღეს ასთმის მსოფლიო დღეა - რა სერვისები ფინანსდება საყოველთაო ჯანდაცვის პროგრამით

მიხეილ სარჯველაძე: პაციენტების უცხოეთში სამკურნალოდ გაგზავნასთან დაკავშირებით დიდი ინდუსტრიაა აწყობილი

სახელმწიფოს მიერ ონკოპაციენტების მკურნალობაზე დახარჯული თანხები ორ წელიწადში 77%-ით გაიზარდა

ფარმაცევტული ბაზარი

მწარმოებლებთან გვქონდა კომუნიკაცია და ინფორმაციის გაცვლა, ვისთან, როგორ და რანაირად წარიმართა ეს ყველაფერი, ამის დეტალების გამხელის უფლება მე არ მაქვს, თუ თავად არ დაადასტურებენ, – ამის შესახებ ჯანდაცვის მინისტრმა, მიხეილ სარჯველაძემ დიუშენის კუნთოვანი დისტროფიის სამკურნალო მედიკამენტების შესახებ დასმული კითხვის საპასუხოდ განაცხადა.მისივე თქმით, ამ თემისთვის პოლიტიკური ელფერის შეძენას არანაირი გამართლება არ აქვს.„მუშაობას ვაგრძელებთ მედიკამენტზე ინფორმაციის შეგროვების მიმართულებით. ვეძებთ საშუალებებს, როგორ განვავითაროთ დაწყებული სამკურნალო საშუალებების ეფექტიანობა, ასევე მოვაწესრიგოთ სოციალური საკითხები, რაც არანაკლებ მნიშვნელოვანია იმ მშობლებისთვის, რომელთა ნაწილიც პროტესტს გამოხატავს. მთავარი ის არის, რომ შევძლოთ რეალურად ქმედითი, დახმარების პოტენციალის მქონე საშუალებების მოფიქრება, ამის იმპლემენტირება და სწორედ იმგვარი სისტემის შექმნა, რომელიც ნომერ პირველ, მთავარ ღირებულებას – პაციენტის რეალურ ინტერესს მოემსახურება. ეს არის კრიტიკულად მნიშვნელოვანი.უნდა გვესმოდეს, რომ პოლიტიკურ მიკერძოებას ან კომერციული ინტერესების არსებობას არასწორი შთაბეჭდილებების შექმნა შეუძლია. საფუძვლიანი ვარაუდი გვაქვს იმისა, რომ შეიძლება, ეს იყოს ცალკეული სტატიები, ცალკეული პუბლიკაციები, პაციენტებისთვის არასწორი იმედის შექმნის პრაქტიკა. ეს არ არის ჩვენი მოგონილი თემა, ამაზე მსოფლიოში ყველა წერს, ყველა საუბრობს ფარმაცევტული კომპანიების მხრიდან გადაჭარბებული მოლოდინების შექმნაზე. სამწუხაროდ, ეს არ არის არც პირველი და არც უკანასკნელი შემთხვევა, როდესაც ასეთი ეჭვები შეიძლება არსებობდეს კონკრეტულ საშუალებებთან დაკავშირებით“, – განაცხადა სარჯველაძემ.ჯანდაცვის მინისტრმა კონკრეტულ მედიკამენტებზეც ისაუბრა და აღნიშნა, რომ „ელევიდისსა“ და „როშეს“ EMA-ს ავტორიზაცია არ აქვთ.„გთხოვთ, თქვენც გაარკვიოთ, მაგალითად, „ელევიდისთან“ დაკავშირებული საკითხი. ღმერთმა ქნას, ამ მედიკამენტმა აჩვენოს კარგი შედეგები, გაუმჯობესდეს, გახდეს უსაფრთხოც, ეფექტიანიც. შარშან ამ დროს რომ ყოფილიყო გადაწყვეტილება მისაღები, ალბათ ყველაზე იმედის მომცემი მედიკამენტი „ელევიდისი“ იყო , მაგრამ გავიდოდა რამდენიმე თვე და, მაგალითად, ივლისში ჩვენ ვნახავდით EMA-ს მიერ მიღებულ გადაწყვეტილებას, რომელმაც ამ მედიკამენტს ავტორიზაცია არ მისცა. მანამდე FDA-მ დაჩქარებული წესით მიანიჭა ავტორიზაცია, თუმცა შემდეგ ვნახავდით, რომ ფატალური შემთხვევების გამო უნდა შეჩერდეს კლინიკური კვლევები და ეს ძალიან მნიშვნელოვანი ამბავია.გაითვალისწინეთ, რომ ამ მედიკამენტების დიდი უმრავლესობა ამჟამად გამოიყენება ევროპაში, როგორც კლინიკური კვლევების რეჟიმში მედიკამენტები. ეს ყველაფერი, რა თქმა უნდა, მხედველობაში არის მისაღები. ანალოგიური მდგომარეობის და დილემების წინაშე დგას, მათ შორის, შვედეთის სახელმწიფო, რომელთანაც გვაქვს კომუნიკაცია იქ არსებულ საუნივერსიტეტო ბაზებზე და იქიდან მიღებულ ინფორმაციაზე. დღეს შვედეთში არსებული ჯანდაცვის პროგრამა ითვალისწინებს მხოლოდ იმ მედიკამენტის არსებობას, რომელიც ჩვენი, ქართული სისტემით არის გათვალისწინებული. მეტზე არაფერზე ამ დრომდე გადაწყვეტილება მიღებული არ გახლავთ. შვედეთი არ არის ის სახელმწიფო, რომელზეც შეიძლება ვინმე დაეჭვდეს, რომ ან თანხა ენანება, ან ნაკლებად ემპათიურია რომელიმე პაციენტის მიმართ. მნიშვნელოვანია, რომ ეს ყველაფერი ერთდროულად მხედველობაში მივიღოთ და ჩვენი დასკვნები ამგვარად ჩამოვაყალიბოთ. ამ საქმისთვის პოლიტიკური ელფერის შეძენას არანაირი გამართლება არ აქვს, არც ადამიანური და არც მორალური თვალსაზრისით.„როშეს“ მედიკამენტზე მოლაპარაკებებს წინ არაფერი უდგას, მაგრამ სწორედ „როშე“ გახლავთ ის მწარმოებელი, რომელიც ამბობდა, რომ 2025 წლის ივლისის ბოლოს ამ მედიკამენტს EMA-ს ავტორიზაცია ექნებოდა, თუმცა ეს არ მოხდა. არ ჯობს, რომ ეს კითხვები დავსვათ, ვიდრე ვისაუბროთ ჰიპოთეტურ შეხვედრაზე და მოლაპარაკებაზე? მწარმოებლებთან გვქონდა კომუნიკაცია და ინფორმაციის გაცვლა. ვისთან, როგორ და რანაირად წარიმართა ეს ყველაფერი, ამის დეტალების გამხელის უფლება მე არ მაქვს, თუ თავად არ დაადასტურებენ“, – განაცხადა სარჯველაძემ.1tv.ge

"არცერთი თეთრი, არც 10 მილიონი და არც მილიარდი არ დაენანება არავის, როდესაც საქმე ეხება შედეგს - არ შეიძლება პოლიტიკურ სპეკულაციებს ავყვეთ, არ შეიძლება ავყვეთ ფარმაცევტული მაფიის ინტერესებს"

არცერთი თეთრი, 10 მილიონი და არც მილიარდი არ დაენანება არავის, როდესაც საქმე ეხება შედეგს! არ შეიძლება პოლიტიკურ სპეკულაციებს ავყვეთ. არ შეიძლება განზოგადებულად ავყვეთ ფარმაცევტული მაფიის ინტერესებს, - ამის შესახებ პრემიერმა ირაკლი კობახიძემ დიუშენის კუნთოვანი დისტროფიის სამკურნალო მედიკამენტზე საუბრისას განაცხადა.როგორც პრემიერმა აღნიშნა, არის ჩამოყალიბებული მარტივი მაფია, ამ მაფიას კი აქვს კონკრეტული წამლების რეალიზაციის ინტერესი.„ეს მგრძნობიარე საკითხია. ჯანდაცვის სამინისტრო ბოლომდე ჩართულია ამ საკითხთან დაკავშირებით დისკუსიის გაგრძელებაში.რაც შეეხება ფარმაცევტულ კომპანიებს, ერთ-ერთი სერიოზული პრობლემა ასეთი საკითხების მოგვარების დროს, არის ფარმაცევტული კომპანიები. არის მარტივი მაფია ჩამოყალიბებული. ამ მაფიას აქვს კონკრეტული წამლების რეალიზაციის ინტერესი, სხვადასხვა მიმართულებით გამოიკვეთა ეს. სწორედ ამიტომ, აქ არის სიფრთხილე საჭირო, როდესაც ფარმაცევტულ კომპანიებს ეხება საქმე. მსოფლიო მასშტაბით არის ეს მაფია გაშლილი, მარტო საქართველოს არ ეხება. ყველა საკითხი უნდა იყოს აწონ-დაწონილი გონივრულად. არავის ენანება არცერთი თეთრი, არც 50 და თუნდაც 150 მილიონი იმაში, რასაც მოაქვს კონკრეტული შედეგი“,- აღნიშნავს პრემიერი.არის მათ შორის ქვეყნები, სადაც არაერთი კორუფციული გარიგება დაიდო მთავრობებსა და ფარმაცევტულ კომპანიებს შორის. ძალიან დიდ ფულს შოულობენ კონკრეტული პოლიტიკოსები ასეთი მაფიოზური გარიგებებიდან. კონკრეტული ქვეყნებია, კონკრეტული პრეპარატები, სადაც არის კორუფციული გარიგების ეჭვი და მაინცდამაინც ისე ემთხვევა რომ გამორჩეულად კორუმპირებული მთავრობები დებენ შესაბამის გარიგებებს შესაბამის ფარმაცევტულ კომპანიებთან. ყველაფერი უნდა იყოს გამჭვირვალე და დასაბუთებული.არცერთი თეთრი, 10 მილიონი და არც მილიარდი არ დაენანება არავის, როდესაც საქმე ეხება შედეგს! არ შეიძლება პოლიტიკურ სპეკულაციებს ავყვეთ, განზოგადებულად ვსაუბრობ, არ შეიძლება განზოგადებულად ავყვეთ ფარმაცევტული მაფიის ინტერესებს“ , - აღნიშნავს პრემიერი.ipn.ge

ცენტრალიზებული შესყიდვები, მიწოდების ჯაჭვის ოპტიმიზაცია - რა წერია ფასების კომისიის რეკომენდაციებში ბავშვთა კვების პროდუქციაზე

მიზანშეწონილია ბავშვთა კვების პროდუქტებზე ცენტრალიზებული შესყიდვების მექანიზმის დანერგვის ხელშეწყობა, რაც გაზრდის შესყიდვის მოცულობას და შექმნის უკეთესი ფასის მოლაპარაკების შესაძლებლობას მომწოდებლებთან. ამის შესახებ ნათქვამია სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი დროებითი საპარლამენტო კომისიის დასკვნაში, რომელიც დღეს გამოქვეყნდ და სამ სექტორს - ფარმაცევტულს, საწვავისა და სურსათის ბაზარს ეხება. ფარმაცევტული ბაზრის ნაწილში კი ცალკეა გამოყოფილი ბავშვთა კვება, რომელიც, დოკუმენტის ავტორების თქმით, სოციალურად მგრძნობიარე სეგმენტია, რომლის ფასზე მნიშვნელოვან გავლენას ახდენს იმპორტზე დამოკიდებულება და მიწოდების შედარებით გრძელი ჯაჭვი.ცენტრალიზებული შესყიდვების გარდა, რეკომენდაციების ავტორების თქმით, მნიშვნელოვანია მიწოდების ჯაჭვის ოპტიმიზაციის მხარდაჭერა, რაც შეამცირებს ლოგისტიკურ და კომერციულ დანახარჯებს და დადებითად აისახება საბოლოო ფასზე. შეგახსენებთ: კომისიის ერთ-ერთ სხდომაზე ითქვა, რომ, შესაძლოა, რეფერენტული ანუ ზედა ზღვრული ფასები, მედიკამენტების შემდეგ ბავშვთა კვების პროდუქციასა და აქსესუარებზეც ამოქმედდეს. თუმცა დღეს გამოქვეყნებულ რეკომენდაციებში აღნიშნული პრინციპი არ ასახულა.

რეფერენტული ფასების გავრცელება მედიკამენტების მინიმუმ 60%-ზე - რა წერია ფასების კომისიის რეკომენდაციებში

მიზანშეწონილია რეფერენტული ფასწარმოქმნის სისტემის გაფართოება და მისი გავრცელება აქტიურად მბრუნავი მედიკამენტების მინიმუმ 60%-ზე. შედეგად, მოსალოდნელია, რომ მოსახლეობას საშუალოდ 40%-ით შეუმცირდება ფასები იმ მედიკამენტებზე, რომლებზეც რეფერენტული ფასები დღეს არ მოქმედებს.ამის შესახებ ნათქვამია სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი დროებითი საპარლამენტო კომისიის დასკვნაში, რომელიც დღეს გამოქვეყნდ და სამ სექტორს - ფარმაცევტულს, საწვავისა და სურსათის ბაზარს ეხება. დოკუმენტის თანახმად, საქართველოს ფარმაცევტული ბაზარი ხასიათდება ფართოდ განვითარებული საცალო ქსელით და იმპორტზე მაღალი დამოკიდებულებით. 2025 წლის მონაცემებით, იმპორტი განახორციელა 342-მა კომპანიამ, რომლის 80% ნაწილდება ბაზრის 10 მოთამაშეზე. ამასთან, ჯამური იმპორტის 58% სრულდება სამი კომპანიის მიერ.„საქართველოს ფარმაცევტული ბაზარი წარმოადგენს კონსოლიდირებულ და რეგულირებად სექტორს, სადაც ფასის ფორმირება დამოკიდებულია როგორც სახელმწიფო პოლიტიკაზე, ისე ბაზრის სტრუქტურულ თავისებურებებზე,“ - აღნიშნულია რეკომენდაციებში.მასში ასევე ვკითხულობთ, რომ საქართველოს ფარმაცევტული ბაზარი ეკონომიკის ერთ-ერთ მნიშვნელოვან და სწრაფად მზარდ სეგმენტს წარმოადგენს და 2025 წლის მდგომარეობით, ბაზრის ბრუნვა შეადგენს დაახლოებით 2 მილიარდ ლარს და წლიურად საშუალოდ 5%-7%-ით იზრდება. აღნიშნული კი მიუთითებს, რომ სექტორი ინარჩუნებს ზრდის დინამიკას როგორც მოსახლეობის მოთხოვნის, ისე ჯანმრთელობის სისტემის გაფართოების პარალელურად.დოკუმენტში განსაკუთრებითაა აღნიშნული იმპორტის მაღალი წილი, რომელიც ბაზრის დაახლოებით 88%-90%-ს შეადგენს. ამასთან, იმპორტირებულ პროდუქციაში კერძო, ანუ არასახელმწიფო შესყიდვების წილი დაახლოებით 84 %-ია.დოკუმენტში ასევე აღნიშნულია, რომ 2025 წლის მდგომარეობით, ქართულ ფარმაცევტულ ბაზარზე ადგილობრივი წარმოების მედიკამენტების წილი 12%-14%-მდეა, რასაც GMP (კარგი საწარმოო პრაქტიკა) სერტიფიკატის მქონე 4 კომპანია აწარმოებს: ჯი ემ ფარმასიუთიქალ; ავერსი-რაციონალი; ბიოქიმფარმა და აბიფარმა. ბოლო მონაცემებით, ბაზარზე 2,386 მოქმედი საცალო აფთიაქი ფუნქციონირებს.ფარმაცევტული ბაზარი შეიძლება შეფასდეს როგორც ვერტიკალურად ინტეგრირებული, რაც ნიშნავს, რომ მიწოდების ჯაჭვის სხვადასხვა ეტაპი - წარმოება, იმპორტი, დისტრიბუცია და საცალო რეალიზაცია ხშირ შემთხვევაში კონცენტრირებულია ერთსა და იმავე ეკონომიკურ ჯგუფებში.დოკუმენტის თანახმადვე, ბაზარი გამოირჩევა მაღალი ასორტიმენტით და დღეის მდგომარეობით, რეგისტრირებულია დაახლოებით 11,000 მედიკამენტი, თუმცა მსხვილ სააფთიაქო ქსელებში წარმოდგენილია დაახლოებით 5,000 დასახელების მედიკამენტი, რომელთა შორის რეცეპტით გასაცემი და ურეცეპტო პრეპარატები დაახლოებით თანაბრად - 50%-50%-ის პროპორციით ნაწილდება. ამასთან, რეცეპტით გასაცემი მედიკამენტების 70% ექცევა რეგულირებაში (რეფერენტული ფასწარმოქმნა), ხოლო ურეცეპტოს - 10%.რაც შეეხება ფასების წარმოქნას, რეკომენდაციებში ნათქვამია, რომ ფარმაცევტულ სექტორში ფასის ფორმირება ეფუძნება ორ ძირითად რგოლს: მწარმოებელს/იმპორტიორს და სააფთიაქო ქსელს. აღნიშნული სტრუქტურა განპირობებულია იმით, რომ მსხვილ სააფთიაქო ქსელებს გააჩნიათ საკუთარი ლოგისტიკური ცენტრები, სადაც კონცენტრირდება მედიკამენტების მიწოდება და საიდანაც ხდება მათი შემდგომი გადანაწილება ქსელის მიერ საკუთარ აფთიაქებში. შედეგად, დისტრიბუციის ფუნქცია ინტეგრირებულია ქსელის დონეზე, რაც ამცირებს დამატებითი შუამავალი რგოლების საჭიროებას, ამარტივებს მიწოდების პროცესს და ზრდის ოპერაციულ ეფექტიანობას, რაც თავის მხრივ გავლენას ახდენს მომხმარებლისთვის საუკეთესო ფასის შეთავაზებაზე.მიმოხილვის შემდეგ კი დოკუმენტში მოცემულია მისი მთავარი ნაწილი - რეკომენდაციები. ავტორები ამბობენ, რომ რეფერენტული ფასების სისტემა უკვე ჩამოყალიბდა როგორც ეფექტიანი ინსტრუმენტი, რომელმაც მნიშვნელოვნად შეამცირა ფასები რეგულირებულ სეგმენტში და გაზარდა მედიკამენტების ხელმისაწვდომობა. არსებულმა პრაქტიკამ დაადასტურა, რომ აღნიშნული მექანიზმი წარმატებით ზღუდავს ზედმეტ მარჟებს და ამავდროულად ინარჩუნებს ბაზრის ფუნქციონირების სტაბილურობას. აღნიშნულის საფუძველზე, მიზანშეწონილია სისტემის გაფართოება და მისი გავრცელება აქტიურად მბრუნავი მედიკამენტების მინიმუმ 60%-ზე. შედეგად, მოსალოდნელია, რომ მოსახლეობას საშუალოდ 40%-ით შეუმცირდება ფასები იმ მედიკამენტებზე, რომლებზეც რეფერენტული ფასები დღეს არ მოქმედებს.მეორე რეკომენდაციაა ქრონიკული მედიკამენტების პროგრამის გაფართოება და დამატებითი მედიკამენტების ჩართვა. მესამე პუნქტია რეგისტრაციის მექანიზმების ოპტიმიზაცია და ეროვნული რეჟიმის გაძლიერება.„ერთის მხრივ, მიზანშეწონილია რეგისტრაციის პროცედურების გამარტივება იმ მედიკამენტებისთვის, რომლებიც 10 წელზე მეტი ხნით არიან მიმოქცევაში იმ ქვეყნებში, სადაც მოქმედებს EMA და სხვა მკაცრი მარეგულირებლები. აღნიშნულ შემთხვევებში ბიოექვივალენტობის კვლევების მოთხოვნის მოხსნა მნიშვნელოვნად ამცირებს როგორც ფინანსურ, ისე დროულ დანახარჯებს, რაც განსაკუთრებით მნიშვნელოვანია ადგილობრივი მწარმოებლებისთვის. მეორეს მხრივ, საჭიროა ეროვნული რეჟიმით რეგისტრაციის მექანიზმის გაძლიერება და მისი უფრო ეფექტიანად გამოყენება უცხოური მწარმოებლების ეროვნული GMP სერტიფიცირების მიზნით. აღნიშნული ხელს შეუწყობს ბაზარზე ახალი მედიკამენტების სწრაფ შემოსვლას, გაზრდის კონკურენციას და გააფართოებს პროდუქციის ასორტიმენტს,“ - ნათქვამია დოკუმენტში.რეკომენდაციებს შორისაა მუდმივი მონიტორინგის სისტემის დანერგვა, რომელიც უზრუნველყოფს რეფერენტული ფასების და სხვა რეგულაციური ინსტრუმენტების გავლენის რეგულარულ შეფასებას.ეს გულისხმობს მუდმივ ანალიზს, ხომ არ იწვევს რეგულაცია ასორტიმენტის შემცირებას, ნაკლებად მომგებიანი მედიკამენტების ბაზრიდან გასვლას, ხარისხის შემცირებას ან მიწოდების შეფერხებებს. მეორე მიმართულებად, აუცილებელია მედიკამენტების დეფიციტების პრევენციის სისტემური გაძლიერება. ამ მიზნით მნიშვნელოვანია როგორც სახელმწიფო პროგრამების ფარგლებში, ისე მთლიან ბაზარზე, მედიკამენტების ხელმისაწვდომობის მუდმივი მონიტორინგი.

„იმედს გამოვთქვამთ, გაჩნდება სრულფასოვანი მედიკამენტიც. რა წამს გაჩნდება ასეთი სარწმუნო ცნობები, სამინისტრო არ დააყოვნებს გადაწყვეტილების მიღებას“

დაზღვევა

26 სუბიექტი და 14 მილიონ ლარზე მეტი საკომისიო - სადაზღვევო ბროკერების ბაზარი გაიზარდა

სადაზღვევო კომპანია Wizer Insurance-სა და JPD Group-ს შორის თანამშრომლობის მემორანდუმი გაფორმდა

საქართველოში ინდივიდუალური სამედიცინო დაზღვევა 83 ათასამდე ადამიანს აქვს

მსოფლიო

ატლანტის ოკეანეში, საკრუიზო გემზე იშვიათი ვირუსის აფეთქებაა - გარდაცვლილია 3 ადამიანი

Nestlé ჩვილის ფორმულის გაწვევით გამოწვეულ ზარალს აფასებს - პროდუქცია ბაზარზე ჯერაც არ დაბრუნებულა

ჯანმო ახალი პანდემიებისთვის ემზადება - ორგანიზაციამ მორიგი სწავლება გამართა

ჯანდაცვის სექტორში გენერაციული AI ყველაზე სწრაფად აზია-წყნარი ოკეანის რეგიონში გაიზრდება

ინდური ფარმაცევტული კომპანია ამერიკულ Organon-ს ყიდულობს და მსოფლიო ბაზარზე პოზიციებს იმყარებს

სხვა სიახლეები

მიხეილ სარჯველაძე ცისტური ფიბროზის მქონე პაციენტების მშობლებს შეხვდა

რატომ გაძვირდა 200-ზე მეტი სამედიცინო სერვისი 50%-300 %-ით - საკითხს კონკურენციის სააგენტო სწავლობს

„დღეს ფიტნეს-დარბაზების ფასები „ელიტური“ აღარაა“ - სექტორი ტარიფების კიდევ უფრო შემცირების რესურსს ხედავს

ყველაზე კითხვადი

სოცდაუცველთა რაოდენობა ერთ წელიწადში 30 ათასზე მეტი ადამიანით გაიზარდა - სახელმწიფო ბაზების გადამოწმებას იწყებს

კვირის კლიმატი და ჯანმრთელობა - 4–10 მაისი

covid-19

ქართველ ტურისტებს შორის პოპულარულ ქვეყნებში კოვიდის ახალი შტამი ვრცელდება - ექიმების რეკომენდაციები

კოვიდ 19-ის პანდემიის დაწყებიდან ხუთი წლის შემდეგ მსოფლიოში ამ ვირუსზე კიდევ ერთხელ ალაპარაკდნენ. ახალ შტამს, რომელიც საკმაოდ სწრაფად ვრცელდება, NB.1.8.1 ეწოდება. თემა საზოგადოებრივმა მაუწყებელმა გააშუქა.როგორც პირველი არხის სიუჟეტშია აღნიშნული, ინფექციონისტების ინფორმაციით, არსებული მონაცემებით, ახალი შტამის სიმპტომები ომიკრონის ქვეშტამის მსგავსი უნდა იყოს. მათივე განცხადებით, მრავალი მუტაციის წყალობით კოვიდის ახალ შტამს შესაძლოა უჯრედების ინფიცირება უფრო აქტიურად შეეძლოს, ვიდრე წინა ვარიანტებს. თუმცა არ არსებობს მონაცემები, რომ მას რთული მიმდინარეობა ახასიათებს.სიუჟეტის თანახმად, უცხოური მედიის ინფორმაციით, კოვიდის ეს სახეობა უფრო გადამდებია და ჯანმრთელობის მსოფლიო ორგანიზაციამ NB.1.8.1 უკვე დაახასიათა როგორც დაკვირვების ქვეშ მყოფი ვარიანტი, რადგან ის ბევრ ქვეყანაში ცირკულირებს და სწრაფი გავრცელებით გამოირჩევა. კოვიდის ახალი შტამი მნიშვნელოვანი რაოდენობით ფიქსირდება აღმოსავლეთ ხმელთაშუაზღვისპირეთში, მათ შორის - ტურისტულად პოპულარულ ეგვიპტეში. ის უკვე გამოჩნდა ტაილანდსა და მალდივებზეც. ვირუსი ასევე გავრცელებულია აშშ-ში, ავსტრალიაში, ჩინეთსა და ჰონგ-კონგში. არის თუ არა რისკი რომ კოვიდ 19-ის ახალი ვარიანტი საქართველოშიც გავრცელდეს, ამ კითხვით პირველმა არხმა ქართველ ინფექციონისტებს მიმართა. სპეციალისტები მოქალაქეებს, რომლებიც დასახელებულ ქვეყნებში მოგზაურობას გეგმავენ, მოუწოდებენ რესპირატორული სიმპტომების გამოვლენისთანავე მოერიდონ საზოგადოებრივ თავშეყრის ადგილებს და დროულად მიმართონ სამედიცინო დაწესებულებას.ინფექციონისტები ამბობენ, რომ უახლოესი თვეების განმავლობაში ქვეყანაში ახალი შტამის გავრცელების რისკი დაბალია.„ეს შტამი მძიმე მიმდინარეობას იშვიათად იწვევს და კლინიკური მიმდინარეობით სხვა შტამებისგან არ გამოირჩევა. უბრალოდ, ახასიათებს უფრო ადვილი გავრცელება. ადვილად გავრცელებადი შტამები კი შეიძლება გავრცელდეს რამდენიმე ათეულ ქვეყანაში, მათ შორის საქართველოში, თუმცა არ მგონია, რომ ამ ეტაპზე მან რაიმე გავლენა მოახდინოს ეპიდსიტუაციაზე კოვიდის კუთხით. უბრალოდ, უნდა დავაკვირდეთ ამ შტამის განვითარებას და იმ რეკომენდაციებს მივყვეთ, რასაც ჯანდაცვის სპეციალისტები გვაძლევენ,“ - განაცხადა ინფექციონისტმა ალექსანდრე გოგინავამ.

აშშ-მ Moderna-სთან ფრინველის გრიპის ვაქცინის შექმნის 600-მილიონიანი კონტრაქტი გააუქმა

ტრამპის ადმინისტრაციამ გააუქმა კომპანია Moderna-სთან გაფორმებული კონტრაქტი, რომელიც ე.წ. ფრინველის გრიპის საწინააღმდეგო ვაქცინის ბოლო ეტაპზე გამოცდას გულისხმობს. იანვარში Moderna-ს ბაიდენის ადმინისტრაციამ 590 მილიონი დოლარი გამოუყო, რათა დაჩქარებულიყო ფრინველის გრიპის ვაქცინის შექმნა და გაფართოებულიყო პანდემიური გრიპის კიდევ ხუთი ქვეშტამის კლინიკური კვლევები. დამატებით 176 მილიონი დოლარის დაფინანსების მიზანი იყო, დასრულებულიყო H5N1-ის mRNA ვაქცინის საბოლოო განვითარების და ტესტირების პროცესი.„გაუქმება ნიშნავს, რომ მთავრობა უარყოფს ერთ-ერთ ყველაზე ეფექტურ და სწრაფ საშუალებას ფრინველის გრიპის ეპიდემიის წინააღმდეგ ბრძოლაში,“ — თქვა ჯონ ჰოპკინსის ჯანმრთელობის უსაფრთხოების ცენტრის უფროსმა მკვლევარმა ამეშ ადალჯამ. აშშ-ის ჯანმრთელობისა და სოციალური მომსახურების სამინისტროს სპიკერის განცხადებით, შემოწმების შედეგად გადაწყდა, რომ პროექტი არ აკმაყოფილებდა სამეცნიერო სტანდარტებსა და უსაფრთხოების მოთხოვნებს, რაც საჭიროა ფედერალური ინვესტიციის გაგრძელებისთვის.

ბოლო 3 კვირაა, საქართველოში კორონავირუსი დომინანტური ვირუსია

საქართველოში კორონავირუსი კვლავ აქტიურად ცირკულირებს. ამის შესახებ საზოგადოებრივ მაუწყებელთან საუბარში იაშვილის კლინიკის სამედიცინო დირექტორმა ივანე ჩხაიძემ განაცხადა.„თუ გადავხედავთ ბოლო მონაცემებს, რომლებსაც დაავადებათა კონტროლის ეროვნული ცენტრი გვაწვდის, ბოლო 3 კვირის განმავლობაში კორონავირუსი წარმოადგენს დომინანტურ ვირუსს. ანუ ის მონაცემები, რაც ლაბორატორიულად დადასტურებულ შემთხვევებს ეხება, მიუთითებს იმაზე, რომ ყველაზე მეტი რაოდენობით ახლა ქვეყანაში კორონავირუსი ფიქსირდება,“ - განაცხადა ჩხაიძემ და აღნიშნა, რომ კორონავირუსის ასეთი სიჭარბე მიმდინარე სეზონისთვის ტიპიური არ არის და მისი გავრცელების ალბათობა ზამთრის პერიოდში ყველაზე მაღალია. ივანე ჩხაიძის განცხადებით, გრიპის ბოლო შემთხვევა ქვეყანაში ივლისის დასაწყისში დაფიქსირდა, რაც ასევე უჩვეულოა. ამასთან, ივანე ჩხაიძის თქმით, ყველა ვირუსი, რომელიც ახლა ქვეყანაში ცირკულირებს, ძირითადად მსუბუქად მიმდინარეობს და სასუნთქი სისტემის მცირე დაზიანებას იწვევს - ესაა ხველა, დაბალი ტემპერატურა, ცხვირიდან გამონადენი და ა.შ. ეს არაა ვირუსები, რომლებსაც სერიოზული გართულებების გამოწვევა შეუძლია.

ჯანმო COVID-19-ის შემთხვევების ზრდაზე საუბრობს და მთავრობებს ვაქცინაციის გააქტიურებისკენ მოუწოდებს

COVID-19 კვლავ ჩვენთანაა და ყველა ქვეყანაში ვრცელდება. ამის შესახებ ჟენევაში ჟურნალისტებთან საუბარში ჯანმრთელობის მსოფლიო ორგანიზაციის წარმომადგენელმა მარია ვან კერკჰოვემ განაცხადა. მისი თქმით, ინფექციის ახალი ტალღები დარეგისტრირდა ჩრდილოეთ და სამხრეთ ამერიკაში, ევროპასა და წყნარი ოკეანის რეგიონის დასავლეთ ნაწილში. „84 ქვეყანაში არსებული ჩვენი სისტემის მონაცემები აჩვენებს, რომ SARS-CoV-2-ის ტესტებზე დადებითი პასუხები პროცენტულად მატულობს,“ - განაცხადა მან და აღნიშნა, რომ ევროპაში ეს მაჩვენებელი 20%-ს აჭარბებს, თუმცა რეალურად ის შესაძლოა 2-დან 20-ჯერ მეტი მასშტაბის იყოს.ჯანმოს წარმომადგენლის თქმით, ინფექციების გავრცელების ასეთი მაღალი ტემპები ჩრდილოეთ ნახევარსფეროსთვის დამახასიათებელი არ არის, რადგან რესპორატორული ვირუსების აქტიური ფაზა დაბალ ტემპერატურაზე მოდის. „ბოლო თვეებში, წელიწადის დროისგან დამოუკიდებლად, ბევრ ქვეყანაში COVID-19-ის აფეთქებაა. მათ შორისაა ოლიმპიური თამაშები, სადაც სულ მცირე 40 სპორტსმენი დაინფიცირდა,“ - აღნიშნა ვან კერკჰოვემ.ვირუსის გავრცელებასთან ერთად მატულობს უფრო მძიმე შტამის წარმოშობის საფრთხე.მიუხედავად ჰოსპიტალიზაციის შედარებით დაბალი მაჩვენებლებისა, ჯანმო სახელმწიფოებს მოუწოდებს, გააქტიურონ ვაქცინაციის კამპანიები და მაღალი რისკის ადამიანები 12 თვეში ერთხელ აცრან.

COVID-ის შტამების ჯგუფი FliRT-ი მსოფლიოში დომინანტი გახდა

ჯანმრთელობის მსოფლიო ორგანიზაციის მონაცემებით, COVID-19-ის ვარიანტების ახალი ჯგუფი სახელწოდებით FliRT მთელი მსოფლიოს მასშტაბით დომინანტი გახდა. LiRT არის ომიკრონის ოჯახის ქვევარიანტების ჯგუფი. სავარაუდოდ ისინი, წარმოიქმნა JN.1-ის ქვევარიანტიდან, უფრო კონკრეტულად, მისი განშტოება JN.1.11.1.-დან. ამასთან, დიდი ბრიტანეთის ჯანდაცვის სისტემის წარმომადგენლებმა განაცხადეს, რომ აუცილებელია მეტი მონაცემი იმის გასარკვევად, რამდენად სერიოზული და გადამდები შეიძლება იყოს ახალი ვარიანტები. იზრდება თუ არა Covid-19-ის შემთხვევები მსოფლიოში? ჯანმოს ბოლო ანგარიშის თანახმად, მაისში შემთხვევების რაოდენობა წინა თვეებთან შედარებით შემცირდა.ამასთან, ზოგიერთ ქვეყანაში შემთხვევების რაოდენობა იზრდება. მაგალითად ინგლისში მაისსა და ივნისში კოვიდ-დადებითი ანალიზების სტატისტიკა გაიზარდა. ასეთივე სურათია ევროპის რამდენიმე სხვა ქვეყანაშიც. შემთხვევების რაოდენობა იზრდება აშშ-შიც. 22 ივნისის მონაცემებით, ერთი კვირის ჭრილში, დადებითი პასუხების სტატისტიკა 1,4%-ითაა გაზრდილი. რაც შეეხება FliRT-ის ვარიანტების სიმპტომებს, ისინი ისეთივეა, როგორიც COVID-19-ის სხვა ტიპებისთვისაა დამახასიათებელი. ჯანმოს მონაცემებით, სიმპტომები, როგორც წესი, თავს იჩენს დაინფიცირებიდან 5-6 დღეში და 1-დან 14 დღემდე გრძელდება. ყველაზე გავრცელებული სიმპტომებია ცხელება, ყელის ტკივილი. შესაძლოა, აღინიშნოს კუნთებისა და სახსრების ტკივილი, სურდო, თავის ტკივილი, თავბრუსხვევა და სხვა. ეფექტიანია თუ არა არსებული ვაქცინები FliRT-ის ვარიანტების წინააღმდეგ? სპეციალისტების თქმით, დიდი ალბათობით, ვაქცინებმა ადამიანები კორონავირუსის ამ სახეობებისგანაც უნდა დაიცვას.ამასთან, ევროკავშირისა და აშშ-ს პოზიციაა, რომ უნდა შეიქმნას ახალი ვაქცინები.