1753786800
2024 წელს, წინა წელთან შედარებით, საქართველოში აბორტების რაოდენობა საგრძმობლად შემცირდა და 11800 შეადგინა.
წინა წელს კი, საქსტატის მონაცემებით, ქვეყანაში 14900 აბორტი ჩატარდა, ხოლო 2022-ში - 16600.
ამასთან, 2024 წლის მონაცემებით, ორსულობის ხელოვნურად შეწყვეტის გადაწყვეტილება 20 წლამდე ასაკის 307-მა ქალმა მიიღო. მათგან სამი 15 წლამდე ასაკის იყო.
ევროკავშირსა და აშშ-ს შორის დადებული სავაჭრო ხელშეკრულების მიუხედავად, ფარმაცევტული პრეპარატების ტარიფები ამ დრომდე გაურკვეველია და მათი ბედი აშშ-ის ეროვნული უსაფრთხოების გამოძიების შედეგებზეა დამოკიდებული, რომლის მიხედვითაც შესაძლოა შემდგომში დაწესდეს ტარიფები, მაქსიმუმ 15%-ის ოდენობით. ამის შესახებ „ევრონიუსი“ წერს და აღნიშნავს, რომ ახალი ტარიფები კვირას გამოცხადდა.მდგომარეობა განსაკუთრებით სენსიტიურია სექტორში არსებული ურთიერთდამოკიდებულების გათვალისწინებით: აშშ ევროკავშირიდან ახორციელებს კრიტიკულად მნიშვნელოვანი ფარმაცევტული პრეპარატების იმპორტს, ევროკავშირის კომპანიები კი (განსაკუთრებით ირლანდიისა და დანიის) მნიშვნელოვანწილად არიან დამოკიდებულნი ამერიკული ბაზრის ხელმისაწვდომობაზე. მართალია, ახალი სავაჭრო შეთანხმება ძალაში 1 აგვისტოდან შედის, თუმცა 15%-იანი ტარიფი, რომელიც ევროკავშირიდან აშშ-ში იმპორტირებული პროდუქტების უმრავლესობაზე დაწესდა, ფარმაცევტულ კომპანიებს არ შეეხება. ეს არ ნიშნავს, რომ სამედიცინო პროდუქციაზე ბაჟი საერთოდ არ დაწესდება, რადგან შტატები ჯერ კიდევ აგრძელებს გამოძიებას იმპორტირებული ფარმაცევტული პრეპარატების მიმართულებით, რათა შეაფასოს, უქმნიან თუ არა ისინი საფრთხეს აშშ-ის ეროვნულ უსაფრთხოებას. სწორედ ამ მიზეზით ფარმაცევტული მედიკამენტები ტექნიკურად გამოეთიშა გუშინდელ შეთანხმებას.თუმცა, თუკი გამოძიების შემდეგ საბაჟო ტარიფები ამოქმედდება, ევროკავშირი ელოდება, რომ პრეზიდენტ ტრამპის პირობებში შტატები შეასრულებენ არაფორმალურ შეთანხმებას, რომელიც გადასახადების 15%-მდე შენარჩუნებას ითვალისწინებს.მიუხედავად გასულ პერიოდში გაკეთებული განცხადებებისა, რომ შტატები ფარმაცევტულ პროდუქტებზე 15%-იან ტარიფს შეინარჩუნებენ, სავარაუდოა, რომ ეს მალე არ მოხდება. ფარმაცევტული პროდუქტების უმეტესობა, რომლითაც ევროკავშირი და აშშ ვაჭრობენ, ამ ეტაპზე 0%-იანი გადასახადით იბეგრება.ცნება „ეროვნული უსაფრთხოება“ ამ კონტექსტში აღნიშნავს არა მხოლოდ სამხედრო უსაფრთხოებას, არამედ ისეთ ფაქტორებს, როგორიცაა ეკონომიკური მდგრადობა, წვდომა კრიტიკულად მნიშვნელოვან საქონელზე, მათ შორის წამლებზე, ასევე უცხოურ მომწოდებლებზე დამოკიდებულება და სხვა.
რუსეთში შექმნილი ახალი ფარმაცევტული კომპანიების რაოდენობა განუხრელად მცირდება. მიზეზი სანქციები და საერთაშორისო ასპარეზზე ქვეყნის მზარდი იზოლაციაა. ამის შესახებ გამოცემა The Pharma Letter-ი წერს და მოჰყავს რუსეთის კვლევითი სააგენტოს „კონტურ ფოკუსის“ მონაცემები, რომლის თანახმადაც 2025 წლის პირველ ნახევარში ქვეყანაში მხოლოდ 47 ახალი ფარმაცევტული კომპანია შეიქმნა, რაც 23%-ით ნაკლებია გასული წლის ანალოიურ პერიოდთან შედარებით. ამასთან, ეს მაჩვენებელი ბოლო 4 წლის მინიმუმია: 2023 წელს 61 კომპანია დარეგისტრირდა, 2022-ში კი 69.ამასთან, რუსეთში არსებული კრიზისის გარდა, ანალიტიკოსები ასეთ ვარდნას ბაზრის გაჯერებითაც ხსნიან. მათი თქმით, რუსეთში ახალი ფარმაცევტული კომპანიების გახსნის ბუმი 2022-2023 წლებში იყო, როცა საერთაშორისო ფარმაცევტული კომპანიების შემცირების შედეგად ბაზარზე წამლების ახალი ადგილობრივი მწარმოებლები გამოჩნდნენ.
PSP-ს კიდევ ერთი განსაკუთრებული სიახლე ქართველ მომხმარებლებს ჯანსაღი ცხოვრებისთვის - ამერიკული კომპანია “შუგაბიარპროს” (SugarBearPro) -ს ვიტამინები თქვენი თმის, კანის, ფრჩხილის ჯანმრთელობის, ძილის ხარისხის გაუმჯობესების, იმუნიტეტის გაძლიერების, ქალის ჯანმრთელობისა და ენერგიის მოსამატებლად.“შუგაბიარპრო” ამერიკული კომპანიაა, რომელმაც სახელი გაითქვა ინოვაციური, გემრიელი და მარტივად მისაღები ვიტამინების წარმოებით. ბრენდის მისიაა, ჯანსაღი ცხოვრების წესი ხელმისაწვდომი და სასიამოვნო გახადოს თანამედროვე მომხმარებლისთვის. 2015 წლიდან აწარმოებს პროდუქტებს FDA-ის რეგულაციებისა და GMP სტანდარტების სრული დაცვით.პროდუქტები დამზადებულია ბუნებრივი, ჰიპოალერგიული და ვეგანური ფორმულებით, არ ტესტირდება ცხოველებზე (cruelty-free), არ შეიცავს ხელოვნურ დანამატებს, გლუტენს, სოიოსა და რძის პროდუქტებს, აქვს შესანიშნავი გემო და უზრუნველყოფს მომხმარებლის ჯანმრთელობას და სილამაზეს.იდეა შეექმნათ ვიტამინები გემრიელი, საღეჭი ფორმით, რაც ჯანსაღი ცხოვრების წესს უფრო მარტივსა და მიმზიდველს გახდიდა საფუძვლად დაედო კომპანიის პირველი პროდუქტის - ცისფერი დათუნიას ფორმის საღეჭ ვიტამინებს თმისთვის, რომლის ინოვაციურმა ფორმატმა და სასიამოვნო გემომ პროდუქტს სწრაფად მოუტანასაერთაშორისო აღიარება. კომპანია აქტიურად არის ჩართული გარემოს დაცვით პროექტებში, დიდ მნიშვნელობას ანიჭებს ეკოლოგიურად სუფთა და გადამუშავებადი შეფუთვის გამოყენებას.„შუგაბიარპროს“ ძალისხმევა, ყველასთვის მარტივი გახადოს ჯანსაღი ცხოვრების ხელშწყობა, PSP-ს მთავარ საზრუნავს პირდაპირ ეხმიანება, მომხმარებლის ჯანმრთელობასა და სილამაზეზე ზრუნვა 30 წელზე მეტია PSP-ეს მთავარი პრიორიტეტია“- აცხადებენ PSP-ში.
კომპანია AstraZeneca-მ განაცხადა, რომ 2030 წლისთვის აშშ-ის სამრეწველო სიმძლავრეებში 50 მილიარდი დოლარის ინვესტიციას განახორციელებს. კომპანიის განცხადების თანახმად, ინვესტიცია გულისხმობს არსებული სამრეწველო მოედნების გაფართოებას, მათ შორის მერილენდსა და მასაჩუსეტში, ასევე ვირჯინიაში ახალი ქარხნის მშენებლობას.AstraZeneca-ს თქმით, ამ ეტაპზე მისი ამონაგების 42% სწორედ შტატებზე მოდის და აღნიშნული ინვესტიციის შედეგად, ამ წილის 50%-მდე გაზრდას გეგმავს. AstraZeneca, რომელიც ვაქცინებისა და სიმსივნის საწინააღმდეგო მედიკამენტების (Tagrisso და Imfinzi) წარმოებითაა ცნობილი, ახლა კარდიომეტაბოლური დაავადებების სამკურნალო პრეპარატებითაა დაინტერესებული. ამის სტიმული გახდა მედიკამენტ GLP-1-ის პოპულარობის ზრდა.შტატების ბაზარზე მილიარდობით დოლარის ინვესტირების სტრატეგიას ფარმაცევტული დარგი იყენებს იმისთვის, რომ პრეზიდენტ დონალდ ტრამპის კეთილგანწყობა მოიპოვოს. ინდუსტრია ამას იმის იმედით აკეთებს, რომ თავს აარიდებს უცხოეთში წარმოებული მედიკამენტების კომპონენტების იმპორტზე მკაცრ გადასახადებს. მანამდე ინვესტიციების გეგმების შესახებ განაცხადეს Johnson & Johnson-მა, რომელიც 55 მილიარდი დოლარის ჩადებაზე საუბრობს, და Eli Lilly-მ 50-მილიარდიანი გეგმასთან დაკავშირებით. ტრამპის განცხადების თანახმად, ფარმაცევტული სექტორისთვის ახალი ტარიფები 1 აგვისტოდან დაწესდება. სექტორის წარმომადგენლებმა მას მეტი დროის მიცემა სთხოვეს, რაზეც შტატების პრეზიდენტმა მიანიშნა, რომ ტარიფები შესაძლოა, ეტაპობრივად დაწესდეს იმის მიხედვით, კომპანიები როგორ გადაიტანენ თავიანთ წარმოებებს შტატებში.
„სპორტული აქტივობის პროგრამები ჯანდაცვის სისტემისთვის ხარჯეფექტიანია, ამიტომ ისინი მხოლოდ თბილისში არ უნდა იყოს“
დღეს ჰეპატიტების მსოფლიო დღე აღინიშნება
ატმოსფერულ ჰაერში არაერთი მავნე ნივთიერება შემცირებულია, რაც ჯანმრთელობის რისკებსაც ამცირებს
„დასაქმებულთა სავალდებულო სამედიცინო დაზღვევა უნდა დაიწყოს“
ჯანმოს შეფასებით, საქართველო ჰეპატიტების ელიმინაციის თვალსაზრისით მოწინავე ქვეყანაა
